konka coffee
KONKA

AMAKURU

UKWEZI
Minijust

Guverinoma y’ u Rwanda yavuze ko ishyaka RNC rya Kayumba riri mu marembera

Guverinoma y’ u Rwanda yavuze ko ishyaka RNC rya Kayumba riri mu marembera
5-03-2019 saa 14:34' | By Nsanzimana Ernest | Yasomwe n'abantu 3787 | Ibitekerezo 1

Kayumba Nyamwasa washyiriweho impapuro zimuta muri yombi u Rwanda rwavuze ko ishyaka rye riri mu marembera

Guverinoma y’ u Rwanda yavuze ko ishyaka Rwanda National Congress rya Kayumba Nyamwasa utavugarumwe n’ ubutegetsi bw’ u Rwanda riri mu marembera kubera impamvu nyinshi zirimo no kutagira umurongo uhamye n’ ubuyobozi.

Umuvugizi wa Guverinoma y’ u Rwanda akaba na Minisitiri w’ Ububanyi n’ Amahanga Amb. Dr Richard Sezibera yabivugiye mu kiganiro yahaye abanyamakuru kuri uyu wa 5 Werurwe 2019.

Yagize ati “RNC ni itsinda riri mu nzira zo kuzimira, ntibigeze bagira umurongo ngenderwaho, nta murongo w’ ibitekerezo bafite, nta buyobozi bafite, izazimira”.

Yongeyeho ko nubwo RNC iri kuzimira iri gukorana na Uganda akaba arizo mbogamizi u Rwanda rufite.

Ati “Ntabwo tubona ko RNC ikwiye kuba ikibazo hagati y’u Rwanda na Uganda. Ntabwo tubona impamvu yabyo ariko bakorera muri Uganda ni ikibazo ariko si ikibazo gikomeye.”

Minisitiri Sezibera yahishuye ko kuba Uganda ifata Abanyarwanda ikabafunga ibita ba maneko bituruka ku kuba itsinda rya RNC, riri muri Uganda ryohereza amakuru kuri RNC iri muri Afurika y’ Epfo , nayo ayo makuru ikayageza kuri Leta ya Uganda ivuga ngo ‘abo bantu ni babi cyane kuri mwe’.

Ati “Uganda yakira ayo makuru nk’ amakuru yizewe avuye muri Afurika y’ Epfo kandi ari ibihuha byacuriwe muri Uganda”.

Guverinoma y’ u Rwanda yavuze ko yashyizeho impapuro zo guta muri yombi abayobozi ba RNC kubera ibyaha bakurikiranyweho kandi ko bazafatwa aho baba bari hose.

RNC ni ishyaka ryashingiwe muri Leta zunze ubumwe za Amerika tariki 12 Ukuboza 2010 na Dr. Theogene Rudasingwa, Gen. Kayumba Nyamwasa, Gerald Gahima, na Patrick Karegeya wishwe tariki 31 Ukuboza 2013. Magingo aya Rudasingwa na Gahima bavuyemo Kayumba Nyamwasa ayisigarana wenyine kandi nawe yashyiriweho impapuro zimuta muri yombi.


INKURU ZA :
Tanga Igitekerezo
Ibitekerezo 1
Mpumuro R Gilbert Kuya 6-03-2019

President wacu Paul kagame imidari arabikwiye peeeeeee

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...