konka coffee
KONKA

AMAKURU

UKWEZI

Akarere ka Huye kabonye umuyobozi mushya w’agateganyo

Akarere ka Huye kabonye umuyobozi mushya w’agateganyo
4-06-2018 saa 11:03' | By Akayezu Jean de Dieu | Yasomwe n'abantu 4190 | Ibitekerezo 3

Abagize Inama Njyanama y’akarere ka Huye bakoze inama idasanzwe muri iki gitondo bemeza Madamu Uwamaliya Veneranda nk’Umuyobozi w’agateganyo w’aka karere ugomba kuba asimbuye meya Muzuka Eugene uherutse kweguzwa ari kumwe n’abamwungirije bose.

Mu gitondo cyo kuri uyu wa Mbere tariki 4 Kamena 2018, nibwo abagize Njyanama y’aka karere bari kumwe na Guverineri w’iyi Ntara, Madamu Mureshyankwano bateranye bemeza ko uyu mugore wari usanzwe ari umukozi muri kaminuza y’u Rwanda ishami rya Huye aba ayobora aka karere mu gihe cy’iminsi 30 y’agateganyo.

Meya Muzuka Eugene ari kumwe n’uwari umuyobozi w’akarere wungirije ushinzwe ubukungu, Ntarwasibo Cyprien n’uwari umuyobozi w’akarere wungirije ushinzwe imibereho myiza y’abaturage begujwe kuwa kane tariki 30 Gicurasi 2018, aho Njyanama yari yavuze ko basabwe ibisobanuro ku makosa yabo ajyanye n’imiyoborere y’akarere icyo gihe ngo bananirwa kwisobanura.

Icyo gihe Perezida w’Inama Njyanama y’akarere ka Huye yari yabwiye ikinyamakuru Ukwezi.com ko Impamvu ya mbere yatumye aba bayobozi birukanwa ari uko batigeze bashyira mu bikorwa inama bagiriwe n’Inama njyanama.

Ati "Ikindi ni ibibazo bikomeye byagaragajwe n’Umugenzuzi Mukuru w’Imari ya Leta, byerekeye imishinga minini. Twabahaye umwanya uhagije wo kwisobanura ariko byarangiye abajyanama batanyuzwe." Madamu Uwamaliya Veneranda wagizwe meya w’agateganyo w’akarere ka Huye Abagize Inama Njyanama nibo bemeje ko Uwamaliya aba ayobora akarere ka Huye


INKURU ZA :
Tanga Igitekerezo
Ibitekerezo 3
fred Kuya 7-06-2018

NIZEREKO VENERANDA IZITANGA CYANE KUKO HUYE IZA IMBERE MUMIHIGO NTIZASUBIRE INYUMA

fred Kuya 7-06-2018

NIKO NANA IBYUKO I REMA yaraciye amazi n’imitobe bifunzwe muri palasitike WABIKUYEHE???

Nana Kuya 4-06-2018

Eeeeeeeeh!!!!!!!!!! Ubu uyu nawe agiye kubura akazi yarasanzwe yifitiye ko kwikorera muri kaminuza?? Ahubwo se ko numvishe REMA yaraciye amazi n’imitobe bifunzwe muri palasitike nkaba mbona njyanama ya Huye yayakoresheje???

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...