AMAKURU

UKWEZI
pax

Ahubwo twari twaratinze - Umuyobozi wa Kaminuza ya Kibungo avuga ku bakozi bayo bahagaritswe

Ahubwo twari twaratinze - Umuyobozi wa Kaminuza ya Kibungo avuga ku bakozi bayo bahagaritswe
19-05-2020 saa 14:16' | By Akayezu Jean de Dieu | Yasomwe n'abantu 1364 | Ibitekerezo 1

Umuyobozi wa Kaminuza yigenga ya Kibungo [UNIK], Prof Égide Karuranga yavuze ko kuri we yumva icyemezo cyo guhagarika bamwe mu bakozi n’abarimu b’iyi kaminuza cyaratinze kuko kugeza ubu amashuri nayo atari gukora.

GORILLA GAMES

Guverinoma y’u Rwanda iherutse gutangaza ko mu rwego rwo gukomeza kwirinda ikwirakwira ry’icyorezo cya COVID19 giterwa na Coronavirus, amashuri azongera gufungura muri Nzeri uyu mwaka.

Ni icyemezo cyakomye mu nkokora abashoye imari mu mashuri bivuze ko babonaga imishahara y’abakozi biturutse ku kuba hishyuwe amafaranga y’ishuri.

Ku wa 15 Gicurasi 2020, nibwo Kaminuza ya Kibungo yandikiye abakozi n’abarimu bayo ibamenyesha ko amafaranga yo kubahemba atakiboneka cyane ko amashuri yose mu Rwanda azongera gufungura muri Nzeri.

Mu kiganiro yagiranye na UKWEZI, Prof Égide Karuranga uyobora iyi kaminuza yavuze ko kuri we asanga iki cyemezo kije gitinze kuko niba amashuri yarafunze nta handi amafaranga yo kubahemba agomba kuvba.

Yagize ati “Ahubwo twatinze kubikora ! Amashuri azafungura muri Nzeri, bazagaruka ari uko leta yafunguye amashuri."

Yakomeje agira ati “Twe dukorera mu Rwanda kandi rwavuze ko amashuri makuru na za kaminuza bizongera gutangira muri Nzeri. Leta ntabwo ihagarika abakozi kuko tuba twabahaye imisoro ikabona aho ikura ayo kwishyura abakozi bayo bityo ntihagarike amasezerano.”

Prof Karuranga avuga ko amashuri nafungura bazongera bagahamagara abakozi bayo bagasubira mu mirimo.

Itangazo iyi kaminuza yandikiye aba bakozi rigaragaza ko abahagaritswe ari 59 bari bafite amasezerano y’akazi aho azongera gusubukurwa ari uko Leta ibemereye kongera kwakira abanyeshuri mu mashami ya Ngoma, Karenge, Musamvu na Rulindo.

Impamvu zatumye bahagarika bariya bakozi harimo kuba Leta yarahagaritse Amashuri Makuru na za Kaminuza kugeza muri Nzeri uyu mwaka.

Ikindi ni uko Minisiteri y’Uburezi, (Mineduc) yashyizeho uburyo bwo kwiga hifashishijwe ikoranabuhanga “E learning” ariko abanyeshuri ntibishwuzwe bityo UNIK Ikabona ko idafite ubushobozi bwo kwishyura Abarimu.

Kaminuza ya Kibungo imaze iminsi ivugwamo ibibazo uruhuri byanatumye Minisiteri y’Uburezi isaba ko hakorwa igenzura ku mpamvu ibitera.

Mu mpera za 2019, uwari Minisitiri w’Uburezi, Dr Mutimura Eugène, yasuye iyi Kaminuza yerekwa bimwe mu bibazo biri gutuma isubira inyuma kugeza ubwo igurizwa miliyoni 360 Frw n’abarimu kandi nabo bamaze amezi umunani badahembwa, atanga ibyumweru bibiri byo gukora igenzura rya kinyamwuga ku bibazo biyigaragaramo


INKURU ZA :
Tanga Igitekerezo
Ibitekerezo 1
Jeanne Kuya 20-05-2020

Birakaze pe ariko iyo ugihumeka Imana ntibura uko ikugenza ababishaka musabe ikinymakuru ukwezi baduhuze banyuze kuri email nakoresheje ntanga igitekerezo cyangwa basige contacts zabo mbereke icyo gukora. Murakoze mugire umugisha

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...