konka coffee
KONKA

AMAKURU

UKWEZI
ubumwe

Abashinzwe abakozi mu bigo bitandukanye basabwe kutabajenjekera

Abashinzwe abakozi mu bigo bitandukanye basabwe kutabajenjekera
24-05-2019 saa 11:22' | By Mukwaya Olivier | Yasomwe n'abantu 1256 | Ibitekerezo

Abashinzwe abakozi mu bigo bya leta n’ibyigenga basabwe gushyiramo igitsure ntibajenjekere abakozi birinda amarangamutima mu kazi mu rwego rwo kuzamura umurimo bashinzwe.

Ibi byashimangiwe na Karangwa Stiven, umuyobozi w’ishyirahamwe ry’abashinzwe abakozi n’abayobozi b’abakozi mu bigo bya leta n’abikorera, i Rubavu mu mahugurwa yagenewe abashinzwe abakozi mu bigo bitandukanye birimo ibya Leta n’ibyigenga.

Ati’’Turimo kwiga kunoza imicungire y’abakozi, no gushaka umukozi mwiza no kumugumana no gushyiraho uburyo abakozi basimburana kugirango ibigo bakorera byongere umusaruro kuko harimo abakirangiza amashuri hari abagitangira akazi twemeje ko hagiye gushyirwaho imirongo ngenderwaho mu kazi’’

Angellina Muganza, Umunyamabanga nshingwabikorwa wa komisiyo ishinzwe abakozi ba leta yabasabye kuba abajyanama b’abayobozi bakirinda kujenjeka mu kazi.

Ati’’Gucunga abakozi neza bizabafasha kongera umusaruro kuko nibaramuka bamenye neza ibyo gushaka abakozi no kubacunga neza bakabishyira mu bikorwa bakaba abajyanama bakomeye b’abayobozi babo bizatanga umusaruro kuko igihugu cyashyizeho amategeko agenga umurimo ariko kumva ko bagomba kuba 100% kuba abanyamwuga biragorana kuko hazamo kujenjeka’’

Rwabizi Fabien ushinzwe abakozi muri RURA nawe urimo guhugurwa avuga ko bize neza uburyo bwo gukurikirana abakozi kuburyo abahanga bajya bazamurwa

Ati’’Turimo kureba uko abakozi batanga umusaruro ese hari impapuro zose ese bazi uko imihigo ikorwa ese kubakosora baba babizi ubaha amanota arabizi turimo no kwiga ukuntu twabyaza umusaruro abakozi bafite ubumenyi bwihariye tukabaha ibyo bakeneye harimo n’amahugurwa bakazamurwa mu ntera turimo kwiga uko twabakurikirana kandi twubahiriza itegeko rishya ry’umurimo’’

Rwanda Human Resources Management Organization yashinzwe muri 2012, imaze kugira abanyamuryango 400 barimo abanyeshuri bakiga.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...