AMAKURU

UKWEZI
ubumwe

AMAFOTO: ’Iyi ni intambwe kuri twe Abanyafurika’ Perezida Kagame avuga ku masezerano y’ amahoro ya Mozambique

AMAFOTO: ’Iyi ni intambwe kuri twe Abanyafurika’ Perezida Kagame avuga ku masezerano y’ amahoro ya Mozambique
7-08-2019 saa 06:02' | By Nsanzimana Ernest | Yasomwe n'abantu 890 | Ibitekerezo

Perezida w’ u Rwanda Paul Kagame kuri uyu wa Kabili yakurikiranye umuhango wo gusinya amasezerano y’ amahoro n’ ubwiyunge hagati ya guverinoma ya Mozambique n’ abo mu ishyaka RENAMO ryahoze ari umutwe urwanya Leta y’ iki gihugu yizeza Mozambique ubufatanye.

Aya masezerano yasinywe kuri uyu wa 6 Kanama 2019 ni aya gatatu kuko abiri yabanje atageze ku ntego zayo kuko abarwanyi ba RENAMO banze gushyira intwaro hasi bakomeza imirwano bavuga guverinoma yanze gushyira mu bikorwa ibyo yiyemeje.

Perezida Kagame yashimiye Perezida Filippe Nyusi n’ abayobozi ba RENAMO kuba bageze ku musaruro w’ ibiganiro byabo.

Ati "Iyi ntambwe ni ingenzi kuri twe Abanyafurika twese. Igaragaza ko twashobora kubona ibisubizo by’ ibibazo dufite kabone n’ iyo byaba bimaze igihe kandi bikomeye. Ibiganiro no gushyirahamwe ntabwo byategekwa n’ amahanga iyo habayeho ubwumvikanye nibwo biramba".

Perezida Kagame yavuze ko kuba Abanyamozambique bashoboye gushyira hamwe bizatuma igihugu kigera kuri byinshi mu iterambere n’ imibereho myiza y’ abaturage.

Ati "U Rwanda ruzakomeza kuba hafi ya Mozambique nk’ igihugu cy’ inshuti n’ umuvandimwe. Dusanzwe turi abafatanyabikorwa mu rugamba rw’ ingenzi rwo guhindura umugabane wacu no kuwuteza imbere".

Byitezwe ko kuri iyi nshuro abarwanyi ba RENAMO bagera ku bihumbi 2 bashyira intwaro hasi impande zombi zikayoboka inzira y’ amahoro n’ ubwiyunge.

Aya masezerano yashyizweho umukono na Perezida wa Mozambique n’ umuyobozi w’ ishyaka rikomeye ritavugarumwe n’ ubutegetsi yitezweho guhagarika intambara yo gusubiranamo kw’ abaturage imaze imyaka irenga 15 ikaba bimaze kugwamo abarenga miliyoni.

Kimwe mu bikubiye muri ayo masezerano kwari ukuvugurura itegeko nshinga ba guverineri b’ intara bakajya batorwa aho gushyirwaho n’ ishyaka riri ku butegetsi. Ibi byarakozwe kandi RENAMO yiteze kuzabona imyanya mu buyobozi bw’ intara aho ishyigikiwe cyane mu duce two hagati no mu majyaruguru y’ igihugu.






INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...