konka coffee
KONKA

AMAKURU

UKWEZI

VIDEO: Ibidasanzwe ku mudugudu wa Giheka utariciwemo Umututsi n’umwe muri Jenoside

VIDEO: Ibidasanzwe ku mudugudu wa Giheka utariciwemo Umututsi n’umwe muri Jenoside
21-06-2018 saa 11:05' | By Akayezu Jean de Dieu | Yasomwe n'abantu 10274 | Ibitekerezo

Umudugudu wa Giheka ubarizwa mu kagari ka Kagugu mu murenge wa Kinyinya, akarere ka Gasabo mu Mujyi wa Kigali ufite umwihariko udasanzwe w’uko mu gihe cya Jenoside nta Mututsi n’umwe wigeze wicirwa muri aka gace ndetse ngo na burende karundura yari ije ije kurimbura uyu musozi yarasiwe I Kagugu n’Inkotanyi itaragera ku mugambi wayo.

Mu kiganiro ikinyamakuru Ukwezi.com cyagiranye n’umusaza witwa Munyandamutsa Elias yatubwiye byinshi ku budasa bw’uyu mudugudu wa Giheka ufite amateka yihariye yo kuba mu gihe cya Jenoside yakorewe Abatutsi nta nta nzirakarengane y’Umututsi yigeze yicirwa muri uyu mudugudu uretse bamwe mu bazize Jenoside bagiye bahungira hirya no hino bakicirwayo.

Uyu musaza avuga ko amaze indi myaka 24 yicaye muri uyu mudugudu yarapfakajwe na Jenoside yakorewe Abatutsi ariko ngo n’imbere y’Imana ntabwo yavuga ko abe biciwe I Giheka ahubwo ngo bagiye bahungira ahandi akaba ariho bagwa cyangwa bamwe bagahura n’ibitero by’Interahamwe zikabicira mu nzira.

Munyandamutsa uvuga ko yavutse muri 1933(Ubu afite imyaka 85), agaruka ku mibanire y’abo muri uyu mudugudu mbere ya Jenoside n’ubumwe budasanzwe bari bafitanye

Yagize ati “Aka gasozi nsa n’uwakavukiyeho, ariko ubundi ngombwa mvuka ahantu I Kinyinya hariya kuri bariya Badage aho bari bari bari mu masambu yacu, mu gihe rero baje bahashaka nibwo tuje inaha gushakisha imibereho y’amatungo yacu. Aka gasozi rero twakageraho twakajeho dusanga aka gasozi ari ak’Imana yihagarikiye yonyine, aka gasozi kadutungira amatungo kadutungira inka ariko tukabanaho n’abo tuhasanze icyo gihe reri nyine ababaga bahari bari bake cyane ugsanga umwe ari iriya undi ari iriya ariko n’abahari bakumvikana

Uyu musaza avuga ko kuri aka kasozi hari hatuye abantu bose barimo abitwaga Abatutsi muri icyo gihe n’abitwaga Abahutu’ gusa ngo aba bombi uburyo bari babanyemo bwari ubumwe bwiza aho bashyingiranaga bakagabirana ndetse ngo uyu muco barawukomeje bageze no mu gihe cya Jenoside babasha kuwugumaho banga kwivangura nk’uko babisabwaga n’ubutegetsi bw’icyo gihe bwateguye bukanashyira mu bikorwa Jenoside.

REBA IKIGANIRO CYOSE HANO:

Munyandamutsa yabwiye Ukwezi.com ko mu gihe cya Jenoside abo mu bice bya Kabuye, Gisozi babonye ab’I Giheka bishyize hamwe bararakara cyane ku buryo babonaga Abahutu banze kwitandukanya n’Abatutsi birabababaza cyane ari nabwo Interahamwe zageragezaga kugaba ibitero muri uyu mudugudu ariko aba batuye I Giheka bakabanesha kuko bose babaga bishyize hamwe.

Yakomeje avuga ko ariko ngo byaje kugera nyuma muri uyu mudugudu bahohereza Interahamwe zari zarahungiye Nyacyonga zitwaga Kivuye ariko ngo zaraje zigeze aha zivuga ko zishaka Abatutsi ariko abo muri uyu mudugudu bazibera ibamba banga kwivangura za Nterahamwe zambuka I Batsinda gusahura zirangije zisubirayo.

Uwitwa Ndahiro wari warazengereje I Batsinda ngo yaje kurakazwa bikomeye n’ubumwe bw’ab’I Giheka, arangije ahamagaza burende iherekejwe n’ama busi abiri na moto zigeze muri eshatu ari nayo yari ije kunyuguza uyu mudugudu ariko ngo yageze ku muhanda w’ahitwa muri Rukombe ishaka kwambuka ngo ize muri Giheka bahita bayirasira iragurumana munsi yo kwa Gatera bivugwa ko ari Inkotanyi zayirashe.

Uyu musaza avuga ko muri uyu mudugudu bakomeje kunga ubumwe ntihagira n’umwe ubahemukamo ndetse Jenoside irinda irangira nta mututsi wiciwe muri uyu mudugudu wa Giheka. Ibi kandi ngo byakomeje kubaranga ari nabyo bituma agira inama abakiri bato kuzakomeza ubu bumwe bakabusigasira.

Ibivugwa n’uyu musaza bishimangirwa na Niwemugeni Chantal, ni umucungamutungo wa Koperative Scco ya Kinyinya uvuga ko ubumwe bwaranze uyu mudugudu kugeza n’uyu munsi abahatuye bakomeje kunga ubumwe kandi bikaba bibiba imbuto nziza ku babakomokaho
Burenge yarasiwe i Kagugu yari ije kurimbura abatuye kuri aka gasozi kose ariko Inkotanyi ziyikoma mu nkokora Umusaza Munyandamutsa Elias uri mu kigero cy’imyaka 85, avuga ko uyu mudugudu wa Giheka wasigasiye ubumwe bwawuranganga mbere ya Jenoside


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...