AMAKURU

UKWEZI
Canal+ christmax

Kicukiro izanye agashya : Yinjije Kajugujugu mu kurwanya COVID-19…Umva impamvu

Kicukiro izanye agashya : Yinjije Kajugujugu mu kurwanya COVID-19…Umva impamvu
20-09-2021 saa 09:47' | By Martin | Yasomwe n'abantu 898 | Ibitekerezo 1

Mu bukangurambaga bwo kurwanya icyorezo cya COVID-19 buherutse gutangizwa mu Mujyi wa Kigali, ubuyobozi bw’Akarere ka Kicukiro bwahisemo gukoresha indege ya Kajugujugu mu gutanga ubutumwa bwo gukomeza kwirinda iki cyorezo. Ubuyobozi bw’aka Karere bwasobanuye impamvu bwakoresheje ubu buryo budasanzwe butaranakoreshwa ahandi.

Iyi kajugujugu yahagurutse ku ishuri rikuru rya IPRC-Kicukiro aho yatangiye kogoga ikirere cy’akarere ka Kicukiro yibutsa abagatuye uburyo bagomba kwirinda ikwirakwira rya COVID-19.

Iki gikorwa kibaye nyuma y’iminsi micye mu Mujyi wa Kigali hatangiye amarushanwa mu bikorwa byo kurwanya icyorezo cya COVID-19 mu mujyi wa Kigali aho Imirenge izanahiga indi izagenerwa ibihembo.

Ubusanzwe ubutumwa bwo kwirinda icyorezo cya COVID-19 busanzwe butangwa hifashishijwe imodoka z’Imirenge aho ziba zikoreye imizindaro igenda yibutsa abantu amabwiriza y’uru rugamba.

Umutesi Solange, Umuyobozi Nshingwabikorwa w’Akarere ka Kicukiro, avuga ko kuba bifashishije Kajugujugu ari uguhindura umuvuno kugira ngo abaturage babone ko ishyamba ritakiri rya rindi binatume bumva ko bagomba kubahiriza ingamba.

Ati "Ni uburyo budasanzwe twakoresheje bwo gushyira ikibatsi mu muturage, cyo guhora yibuka ko Covid-19 ihari ndetse n’uruhare rwe mu kubahiriza amabwiriza yashyizweho na Minisiteri y’Ubuzima mu kwirinda icyo icyorezo".

Avuga ko basanzwe banakoresha amadini n’amatorero ndetse n’ibitangazamakuru ku buryo ubu batekereje ubundi buryo budasanzwe.

Ubuyobozi bw’ishuri rya IPRC-Kicukiro bukaba n’umufatanyabikorwa w’Akarere muri ik gikorwa, butangaza ko uruhare rwa buri wese muri ubu bukangurambaga bukenewe kuko kurandura COVID-19 bitagerwaho hatabonetse amaboko y’abafatanyabikorwa b’inzego za Leta.

Agaruka ku kigenderewe cyo kugira ngo u Rwanda rubashe kwigobotora ingaruka za COVID-19 zahungabanyije ubukungu, ati kandi ibyo tuzabigeraho ari uko dufatanyije kurandura icyorezo burundu.”

UKWEZI.RW


INKURU ZA :
Tanga Igitekerezo
Ibitekerezo 1
Ringuye Kuya 21-09-2021

Umugrnzuzi w’imari ya Leta afatirane batarasesagura menshi.
Muhagarike pe. Biteye isoni. Nindde kugeza ubu mu Rwanda utazi ububi bwa Covid ?
Izo miriyoni muzishore muyindi mishinga plz

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA