AMAKURU

UKWEZI
Canal+ christmax

Dr Isaac Munyakazi wari Minisitiri yakatiwe gufungwa imyaka 10 n’ihazabu ya miliyoni 10

Dr Isaac Munyakazi wari Minisitiri yakatiwe gufungwa imyaka 10 n’ihazabu ya miliyoni 10
16-10-2020 saa 15:04' | By Chief Editor | Yasomwe n'abantu 7709 | Ibitekerezo 3

Dr Isaac Munyakazi wahoze ari Umunyamabanga wa Leta muri Minisiteri y’Uburezi ushinzwe amashuri abanza n’ayisumbuye, yakatiwe igihano cy’igifungo cy’imyaka 10 n’ihazabu y’amafaranga y’u Rwanda miliyoni 10, nyuma yo guhamwa n’ibyaha bya ruswa no gukoresha ububasha yari afite mu nyungu ze bwite.

Ni urubanza yaregwagamo hamwe n’umuyobozi wa rimwe mu mashuri yigenga riri mu mujyi wa Kigali.

Ubushinjacyaha mu iburanisha bwabwiye urukiko rwisumbuye rwa Nyarugenge ko uwo muyobozi w’ishuri akurikiranyweho icyaha cyo gutanga ruswa.

Mu kwezi kwa kabiri mu mwiherero w’abayobozi bakuru b’u Rwanda, Dr Munyakazi wari wamaze kwegura, ari mu bo Perezida Paul Kagame yanenze bikomeye avuga ko yahinduriye ishuri umwanya wo mu ya nyuma, akarishyira mu myanya ya mbere.

Yagize ati : "Muzira n’ubusa, amafaranga ibihumbi 500 by’amanyarwanda... Ibi mbabwira ntabwo ari inkuru, kuko na we yaje kubyemera, yabyemeye ariko kubera ko hari ibimenyetso adashobora guhakana".

Ubushinjacyaha bwavuze ko Munyakazi yasabye Alphonse Sebaganwa wo mu ishami rishinzwe amanota y’abanyeshuri mu kigo cy’igihugu gishinzwe uburezi (REB), kumufashiriza inshuti ye (ubu baregwanaga) ishuri rye rigashyirwa ku rutonde rw’amashuri 10 ya mbere mu gihugu.

Bwavuze kandi ko yasabye ko abanyeshuri b’iryo shuri bashyirwa ku myanya ya mbere ku rutonde rw’abakoze neza mu gihugu.

Ubushinjacyaha bwavuze ko Munyakazi yahuye na Sebaganwa akamusaba kumufashiriza inshuti ye kandi ko na we mu mwanya we azamuba hafi kandi bakazamugororera.

Ubushinjacyaha bwavuze kandi ko Sebaganwa yaje kubyemera ishuri rivanwa ku mwanya w’143 rishyirwa ku mwanya wa 9 ndetse umwe mu banyeshuri ava ku mwanya wa 611 agirwa uwa 7.

Bwavuze ko Sebaganwa yahawe amafaranga ibihumbi 500 ayahawe n’ukuriye iryo shuri ubwo barimo basangira ifunguro muri ’restaurant’ imwe mu mujyi wa Kigali.


INKURU ZA :
Tanga Igitekerezo
Ibitekerezo 3
porisi Kuya 20-10-2020

uyu mugabo ko asanzwe ari umukozi mwiza, mwaciye inkoni izamba ko ari ntawe udakosa.

DUSABUMUREMYI Philbert Kuya 17-10-2020

Nyakubahwa president WA Repubulika arashishoza, Imana yamuduhaye ikomeze imwongerere ,maze duhirwe twe tumwifitiye.

Moïse Kuya 16-10-2020

Isaac Namucira Iyi Migani :
1. Inda irya kamwe ntirenge akandi igera aho ikarya ishyano
2. Iyo inda yasumbye amaboko nyirayo ahingira ubusa
3. Iva mu ruzi ikarigata urume
Ariko Kdi Nabyakire Gitore Kuko Na Nyuma Ya 0 Allah Arakora

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA