konka coffee
KONKA

AMAKURU

UKWEZI

Bombori bombori muri Kaminuza ya Gitwe, hari amarenga ko ishobora kongera gufungwa

Bombori bombori muri Kaminuza ya Gitwe, hari amarenga ko ishobora kongera gufungwa
2-06-2018 saa 16:35' | By Akayezu Jean de Dieu | Yasomwe n'abantu 8614 | Ibitekerezo 120

Umwiryane, amacakubiri, ikimenyane n’icyenewabo, ubugambanyi, amanyanga no gutanga uburezi budafite ireme, biravugwa cyane n’abantu batandukanye muri Kaminuza ya Gitwe iherereye mu Ruhango mu Majyepfo y’u Rwanda. N’ubwo buri ruhande rubivuga ukwarwo, uko biri kose hari amarenga agaragaza ko iyi Kaminuza ishobora kongera gufungwa niba hadakemuwe ibibazo uruhuri biyivugamo.

Kaminuza ya Gitwe, ni imwe mu ziheruka gufungwa na Minisiteri y’Uburezi ariko nyuma yaje gukomorerwa yongera gukora, inasabwa n’Inama y’Igihugu y’Amashuri Makuru na Kaminuza (HEC) ko yanoza ibitaragendaga ariko kugeza ubu biragenda biguru ntege ndetse kuva yakongera gufungurwa hajemo ibibazo uruhuri bitari binahari mbere.

Mu byo Kaminuza ya Gitwe yari yasabwe gukemura ubwo yafungwaga, harimo ikijyanye n’ubuyobozi aho byagaragaraga ko Urayeneza Gerard uhagarariye iyi Kaminuza mu mategeko, ari nawe wasinyaga kuri konti, akaba ari we ushyira abakozi mu myanya nta piganwa, ndetse n’ibyemezo bijyanye n’imiyoborere bikaba byarafatwaga umuyobozi wa Kaminuza (Vice Chancellor) adahawe ubwisanzure. Ibi kandi byiyongeraho no gukemura ikijyanye n’abagize inama y’ubuyobozi (Board).

JPEG - 130.6 kb

Urayeneza Gerard ukuriye ababyeyi bashinze Kaminuza ya Gitwe

Hari amakuru yizewe agera ku Kinyamakuru Ukwezi.com kandi ashimangira ko mu bibazo ubuyobozi bwasanze muri iyi Kaminuza n’ubu kikiri agatereranzamba, harimo no kuba hari abakozi ntakorwaho muri iyi Kaminuza kuko bafitanye amasano na Urayeneza Gerard, umunyamigabane uri mu bayishinze akaba ari nawe uyihagarariye mu mategeko.

Abagaragaje ibibazo basaba ko bikemurwa Kaminuza ikuzuza ibisabwa ngo barirukanwe

Nyuma yo gufungurwa kwa Kaminuza, bamwe mu bayobozi bayo bagiye bagaragaza ibibazo bihari ngo bishakirwe umuti ariko bikitwa gushaka kujya hejeru ya Urayeneza Gerard n’abandi barimo abo mu muryango we bavuga rikijyana muri iyi Kaminuza. Uwari umuyobozi wa Kaminuza, Dr Rugengande Jered, yirukanwe ku mpamvu avuga ko zishingiye ku kuba yarashakaga kugaragaza ukuri, bigatuma bamushinja kugambanira Kaminuza.

Dr Rugengande Jered agaragaza ko icyo yirukaniwe kidafatika ndetse ko ubu yatangiye inzira yo gushaka ubutabera. Hari itsinda rya bamwe mu bayobozi ryandikiye abagize Inama y’Ubutegetsi, bivugwa ko ryari ryatumye na Urayeneza Gerard, risaba ko Dr Rugengande Jered yakwirukanwa. Mu ibaruwa ya tariki 23 Gashyantare 2018 dufitiye kopi, bamushinjaga kuba atarabashije kwisobanura neza ku itsinda ry’abagenzuzi bari bavuye muri HEC, nyamara ibi bigatera urujijo kuko raporo y’ibyo HEC yari yabonye mu igenzura yari itarasohoka. Icyakoze Dr Rugengande yemera ko yabwije ukuri iri tsinda, agaragaza ko amaze igihe yerekana ibitagenda ariko ntibikosoke ndetse anashimangira ko atabanye neza na ba nyiri Kaminuza kuko abagaragariza ko ibikenewe mu kunoza ireme ry’uburezi bititabwaho.

JPEG - 241.9 kb

Dr Rugengande Jered wirukanywe ku mwanya w’Umuyobozi wa Kaminuza ya Gitwe

Dr Rugengande Jered kandi yashinjwaga amacakubiri ariko akavuga ko bidafite ishingiro kuko iyo biba ari ukuri, byakabaye ari icyaha gihanwa n’amategeko bakabaye baramureze mu nzego zishinzwe umutekano akagezwa imbere y’ubutabera. Ashimangira ko uwagiye agerageza kugaragaza ukuri wese bamwise umugambanyi bakamwikiza, ubu hakaba hari abakozi batangiye inzira yo kurega Kaminuza.

Abagize inama y’Ubutegetsi (Board) bababajwe no kwirukanwa kwa Dr Rugengande nk’uko bigaragazwa mu ibaruwa dufitiye kopi yanditswe kuwa 2 Werurwe 2018, abagize Board bagaragaje ko kwirukana Dr Rugengande byahubukiwe kandi bitakurikije amategeko. Kumushinja amacakubiri ataragaragajwe, kuvuga ko adashoboye kuyobora Kaminuza kandi nta kimenyetso gifatika bitanga n’ibindi, byashingiweho basaba ko yaguma mu kazi ariko ba nyiri Kaminuza barabyanga, maze abayobozi ba Board bose bahita begura.

Undi uvuga ko nawe bamwikijije kubera kugaragaza ukuri ni Umwanankundi Marceline wari umukozi ushinzwe ishami rya Laboratwari. Uyu avuga ko yirukanwe ashinjwa ‘Gushaka gufungisha ikigo’, aho ubuyobozi bwa Kaminuza ya Gitwe buvuga ko yanyuzaga uyu mugambi we wo gushaka gufungisha ikigo mu banyeshuri abaremamo amatsinda, aho ngo yabasabaga kujya mu nzego za Leta n’izishinzwe uburezi mu Rwanda kugaragaza ko iri shuri ridafite ibikoresho bihagije ndetse nta n’abarimu bafite ubumenyi bahari.

Umwanankundi Marceline wari umukozi ushinzwe ishami rya Laboratwari

Umwanankundi yagiranye ikiganiro na Ukwezi.com asobanura mu buryo bwimbitse iby’amajwi yumvikanyemo ari nayo haberaho bavuga ko yacuze umugambi wo gufungisha ikigo.

Soma inkuru yabanje hano- Hatahuwe uwari ufite umugambi mubisha wo gufungisha kaminuza ya Gitwe.

Umwanankundi Marceline yemeye ko ari we wagiranye ikiganiro n’uyu munyeshuri witwa Rubeni gusa avuga ko uyu munyeshuri yakoreshejwe n’abatarashakaga ko hagaragazwa ibibazo biri muri iyi kaminuza birimo kutagira ibikoresho ndetse n’amanyanga akorerwa muri iri shuri. Ashimangira kandi ko mu igenzura ryakozwe na HEC rigatuma Kaminuza ifungurwa, iyi Kaminuza yerekanye ibikoresho yari yaratiye ikabeshya ko ari ibyo yaguze, ibi nabyo akaba abihuriraho na Dr Rugengande wari umuyobozi wa Kaminuza.

Yagize ati “Njyewe nagiranye ikiganiro n’umunyeshuri witwa Rubeni, muri icyo kiganiro twagiranye yaje angisha inama nk’umuntu uhagarariye abanyeshuri nanjye mubwira ko inzego bajyagamo kugirango babafungurire berekana uko bimeze bagenda bakazicamo, ambwira ko namuha itike, itike narayimuhaye rwose ibihumbi 15 kubera ko numvaga ashaka ko baza bakabarebera ibintu biri gusubira inyuma bataratakaza amasomo yabo”

REBA IKIGANIRO TWAGIRANYE HANO:

Umwanankundi kandi yasobanuye ko impamvu uyu munyeshuri yakoreshejwe mu gushaka kugaragaza ko uyu mugore ashaka guhirika ikigo, ngo bisanzwe bibaho muri iki kigo dore ko ngo hari n’umukozi mugenzi we wari uherutse kwirukanwa na we azira kuba yarerekanye ibitagenda neza birimo kuba ikigo kitagira ibikoresho n’abarimu b’inzobere mu bijyanye n’ubuganga. Uyu munyeshuri ngo yamufashe amajwi atabizi, aza kumenya ko yari yatumwe n’abashakaga impamvu yo kumwikiza maze kuva ubwo amajwi akwirakwizwa ku mbuga nkoranyambaga bagamije kumuharabika, ibintu agaragaza ko haba kumufata amajwi no kumwandagaza bihanwa n’amategeko y’u Rwanda.

Igenzura riheruka ryagaragaje ko byinshi muri iyi Kaminuza bidahagaze neza, hari n’amarenga HEC yaciye y’uko kongera kuyifunga bishoboka

Mu ntangiriro z’uyu mwaka, HEC yakoze igenzura muri Kaminuza ya Gitwe, maze basanga harimo ibitarakozwe ndetse n’ibyasubiye inyuma ukurikije uko byari byifashe ubwo bafungurirwaga ishuri. Dr Emmanuel Muvunyi uyobora HEC yagiranye ikiganiro n’ikinyamakuru Ukwezi.com avuga ko basanze hari byinshi iyi Kaminuza itabashije gukora.

Dr Muvunyi ati: "Tujya kubafungurira twabonaga ko hari ibyo bari barakoze basabwaga, ariko hari ibyo twababwiye bagomba kunoza. Ejobundi twakoze igenzura, dusanga bicye cyane nibyo babashije gukora, ibindi babikoze igice mu gihe hari ibindi batigeze banakoraho na gato. Twahise nubundi tubasaba kugira ibyo bakora, birimo n’ibyo bagomba gukora byihuse cyane cyane... "

Dr Muvunyi kandi avuga ko mu gihe batabikosora vuba na bwangu, nka HEC batazigera bemera ko ishuri ririmo ubuganga, ubuforomo ndetse na Labolatwari ryabamo uburezi budafite ireme, aho yaciye amarenga ko no kongera gufunga iyi Kaminuza nabyo bishoboka mu gihe baba bakomeje kutubahiriza ibisabwa.

JPEG - 111.1 kb

Dr Muvunyi Emmanuel, Umuyobozi mukuru wa HEC

Ikinyamakuru Ukwezi.com cyagerageje kuvugana na Urayeneza Gerard ariko ntibyadukundira. Ntihinyuzwa Damascene ushinzwe itumanaho muri Kaminuza ya Gitwe we yabwiye Ukwezi.com ko nta kintu na kimwe cyiza Dr Jered na Umwanankundi bashobora kuvuga kuri Kaminuza bavuyemo birukanywe kubera amakosa yabo. Ashimangira ko buri umwe muri aba amakosa yakoze ahari kandi hari n’ibimenyetso, akavuga ko utarishimiye uko yirukanywe azitabaza inzego zizamurenganura.

Ku bijyanye n’uko HEC yaba yarasanze Kaminuza yabo hari ibyo yakoze igice mu byo yabwiwe ndetse hakaba n’ibyo itakoze na mba, Ntihinyuzwa ashimangira ko uwari Minisitiri w’Uburezi, Dr Papias, ajya kubafungurira Kaminuza yashimye intera bagezeho kandi ngo ntibasubiye inyuma ahubwo bakomeje kubinoza. Abajijwe niba HEC ibabeshyera, yavuze ko bishoboka ko hari ibyo itabonye ariko bakaba barimo gushaka uko bazabiyigaragariza. Ahakana kandi ibyo kuba baragiye batira ibikoresho bimwe na bimwe mu byo berekanye mu gihe bakorerwaga isuzuma.


INKURU ZA :
Tanga Igitekerezo
Ibitekerezo 120
Rukemba Kuya 7-06-2018

@NTAKIRUTAMAHORO BURIYA UBAJIJE IMPUMYI ICYO IBONA WABA WIGIZA NKANA!KUKO BYANZE BIKUNZE NTIWAKIYAMBURA UMUGATI KD UZIKO ARIWO UGUTUNZE NABAWE.
SIMVUGIRA ABAKOZE AMAKOSA ATANDUKANYE KUKO BURI WESE AFITE AHO AZAYABARIZWA,KUBA ABANTU BAKWIBA AMAFARANGA NDATEKEREZAKO UKURI N’UBWENGE BATABYIBYE,ABAVUGAKO IBIKORESHO BYATIWE KD ARI IBYANYU BO NTACYO BABATWAYE KUKO BIHARI!!!!IKIGARAGARA NUKO KU IREME RY’UBUREZI NAMWE MUMAZE KWEMERA KO NTARIHARI KUKO NIBA MUKORESHA UMUNTU ATAZI BASIC ICT NKA MS-WARD

Rukemba Kuya 7-06-2018

@NTAKIRUTAMAHORO BURIYA UBAJIJE IMPUMYI ICYO IBONA WABA WIGIZA NKANA!KUKO BYANZE BIKUNZE NTIWAKIYAMBURA UMUGATI KD UZIKO ARIWO UGUTUNZE NABAWE.
SIMVUGIRA ABAKOZE AMAKOSA ATANDUKANYE KUKO BURI WESE AFITE AHO AZAYABARIZWA,KUBA ABANTU BAKWIBA AMAFARANGA NDATEKEREZAKO UKURI N’UBWENGE BATABYIBYE,ABAVUGAKO IBIKORESHO BYATIWE KD ARI IBYANYU BO NTACYO BABATWAYE KUKO BIHARI!!!!IKIGARAGARA NUKO KU IREME RY’UBUREZI NAMWE MUMAZE KWEMERA KO NTARIHARI KUKO NIBA MUKORESHA UMUNTU ATAZI BASIC ICT NKA MS-WARD

Msg Kuya 7-06-2018

Jered nukuntu yari Umugabo ushyira mu gaciro akandi akanga akarengane Ndamwibuka cyane Akiyobora i masoro muri Adventist University of Centtral Africa.

Louise Kuya 7-06-2018

Uyu muyobozi wa Gitwe yazize kudafata ibyemezo ubwo yari kubuyobozi yaje aho dukorera aje kubaza ibijyanye n’akazi ariko twarumiwe hsi personality doesn’t belong on his previous posotion. ariko gerard namugirire ikigongwe amuhe akandi kazi dore arimo gupfa nabi ataka cyane.

Murindahabi Kuya 7-06-2018

iyo uri umukozi ukaba udasobanukiwe n’ibi bintu iteka ryose uba udatekereza, nkorera nde? ikigo nkoramo nicyande? afite bubasha ki kuri jyewe? ese nitware gute? n’ibindi, abantu nk’aba bakoraga ahantu bagahita bahavuga nabi iteka usanga biterwa n’inyungu zabo, ntibyagutangaza bene aba bantu bavuye mu gihugu cyacu cy’u Rwanda bamara kugera hanze ugasanga bagiye muri ya mafuti y’inyangarwanda, bene aba b’intashima ubagendera kure kuko nibo usanga basabya ibyiza u Rwanda rwagezeho bati u Rwanda nta kintu na kimwe rugira ruratira, ndetse rukora amakosa., n’ibindi byinshi cyane. ugasanga barimo kubivugaaaaa, ariko H.E akabareka we agakora, mbona murimo guta ibita..., nta kintu na kimwe mwakwifuriza iriya kaminuza nyamara kurundi ruhande ugasanga irimo kurera abana banyu, abavandimwe, abaturanyi n’undi munyarwanda uzakugirira akamaro ejo cyangwa ejobundi

Inararibonye Kuya 7-06-2018

Ibyo muri kaminuza yanyu ni amabanga ya famillle none Damascene arabihuhuye abajyana mu itangazamakuru. Ibyo muvuga bose by’abibaga amafaranga kandi mufite internal Audtor bibagaruka ku mutwe rwose kuki atigeze abigaragaza muri Audit yakoze? Ndavuga Nyirangendo Eugenie umugore wa Rusine. Yari gukora audit gute se ntabyo azi ko byariukwirira gusa agahembwa ku bitaro no kuri kaminuza kandi yirirwa yicaye. Nta ruvugiro mufite kuva mwari mufite umugenzuzi bwite wanyu kandi nubu aracyahari. Uriya mu secereteri Oswagu ntiyamwirukanye mu biro bye? Byatewe n’iki? Labo ya anatomy murata ngo yabaye iya mbere uretse cadavres muzererkane ikindi gikoresho mwaguze mugaragaze izo factures muvuga. Nimuhembe abakozi amezi 8 maze mugire icyo muvuga nabo babumve kuko ibi bifatwa nko kubakina kumubyimba.

MUCUMBITSI Kuya 7-06-2018

NDABONA IBIGANIRO HANO BYASHYUSHYE, AHUBWO ABA BANTU BAVUGWA BABAYE ABASTAR NEZA neza

Mayor Kuya 6-06-2018

Abantu bamwe banditse basezera, abandi akazi karabananiye barirukanwa kandi ku mpamvu zumvikana. Abantu rero Kuba bavuga ngo muri kaminuza harimo bombori bombori, ntabwo aribyo na busa. Ko hirya no hino mu gihugu mu turere abayobozi barimo kwegura, ese bivuze ko mugihugu harimo bombori bombori? Bene ikigo bagiha umurongo mwiza kigenderaho waba utabasha gukurikiza uwo murongo mwiza nta kundi byagenda,Ujya gushaka ahandi kandi nabwo iyo witwaye nka kuriya si henshi bakugirira icyizere.

rukirigitangwe Kuya 6-06-2018

Muraho yemwe aba hano!
Iyo bombori bombori muvuga hano i Gitwe murahazi mwa banditsi mwe?
Mwaba nibura mwarenga centre ya Ruhango cyangwa i Kirengeri bitihi se mukaba mwararenze i Nyanza ngo mugaruke i Gitwe dore ko mwari muyobye mugana Huye? Gitwe mubwirwa n’ababazanira amakuru ntayo muzi iyaba mwari muyizi ntimwakwemera ko ayo makuru apfuye anyuzwa hamo iwanyu! Dore rero mbagire imana mushatse mwazahanyarukira mukirebere ako gasozi ka Gitwe twese twateraniye hamwe tuvugaho kaminuza yaho hano! I Gitwe niho hari secondaire ya mbere mu Rwanda yigenga itari iyamadini nyirizina kuko izindi zose zavutse nyuma yayo; ni nayo kaminuza ya mbere yatangiye yigenga idashingiye ku madini nka secondaire; none ngo ntacyo ifite kijyanye n’ireme ry’uburezi koko! mwazanyuwe muri services zitandukanye hirya no hino mu gihugu mukabaza uwaba wese yarize hano i Gitwe ukareba uko yitwara mu kazi ko ari bwo mwamenya ireme ryahatangiwe kugeza na n’ubu rikihatangirwa! ese hari ubushakashatsi mwaba mwarumvise ko abahize hari benshi bakoze amakosa mu kazi aturutse ku ireme ritahagije bahakuye? reka da! niba rero abafite imirimo bari gushimwa n’abakoresha babo ko bazi akazi kandi bagakorena ubwitange mwaba muhindura rero iyi mvugo yanyu yo Guharabika Gitwe n’uburezi butangirwa yo cyane cyane Kaminuza ya Gitwe: Leta rero ni ishishoze ye kwita ku bashaka gusenya bitwaje gufungisha iyi kaminuza kandi nta kaminuza n’imwe mu Rwanda irusha iyingiyi abarimu permanent, Laboratoires zijyanye n’igihe zuzuye ibikoresho birenze ibisabwa, bibliotheque ifite ibitabo cyane cyane ibyasohotse vuba cyene entre 2015 et 2018 mbese hari indi kaminuza ifite e-library ikoresha chromebooks zibasha kumarana umuriro amasaha icumi utongeye kurahuriramo uwindi si amakabya nkuru muzaze mwirebere 150 chromebooks zasohotse ku ruganda rwazo zikorewe kaminuza ya Gitwe yonyine ibihamya byatagwa na HEC yabyicukumburiye ubwo yakorega igenzura mbere yo kongera gukomorera iyi kaminuza ngo bongere bigeshe abanyeshuri baribaracyuwe iwabo.
Twizeye ko inzego zibishinzwe zizakorana ubushishozi hagakorwa igikwiriye kuko tuzi neza ko Leta nziza yacu itazatindiganya gufatira umwanzuro iki kibazo rwose.

Job Kuya 6-06-2018

Genda Rwanda uri nzizaaaaa, wowe uhumeka amahorooooo, ibyiza bigutatse Rwandaaaaa, ni byinshi cyane sinabivuga ngo mbirangizeeeeee

CHACHA Kuya 6-06-2018

GERARD WIKURURIYE DAMASCENE AZAGUTESHA UMUTWE,IKIBAYE CYOSE ARASHYIRA MWITANGAZA MAKURU,RWOSE ARI GUSENYA GITWE KUKO IBIBAZO BIBA HENSHI KANDI BIGAKEMUKA BIDASAKUJE,UBWO RERO SHA UBURYO DAMASCENE AVA AHO

NTAKIRUTAMAHORO Kuya 6-06-2018

wowe wiyise uwayo rero ndagirango ngusubize ku bibazo wibazaga kandi ari mwebwe mwasize mubiteye
1.wowe ujya kuza hano muri kamiruza kuhakora hari ikizami wari watsinze? wahazanwe n’ikimenyane wari ufitanye n’uyu muryango wihaye gusebya, kuko uvukana mu karere kamwe n’umurenge umwe n’umwe mubo usebereje hano ubitewe no kuba warakuwe amata ku munwa.
2.Wowe ujya gushinga za busness zawe harya wakoresheje ibizamini mu bakozi ukoresha? reka da wabahisemo ku bushake bwawe nk’uko nawe wari wagizwe umutoni buratacya kabiri uba uracukijwe.
3.harya wakoreye kaminuza ya gitwe ufite iyo masters udukangisha ntiwari ufite A0 nawe? aho wigiye ku mafaranga wihaga mo ntibabimenye wigize agatangaza ngo ufite masters udafite gushyira mu gaciro ngo wibuke uwagukomeje utanakeneye ubwishyu buguturutseho.
4.harya wowe wakoreshaga iyihe Database mukazi kawe ko nabonaga na Excel uyikoresha bya hamana uragirango wowe uri shyashya muri ICT dore ko wayitangiriye Secondaire ukayikomereza muri kaminuza ariko na Microsoft word uyikoresha ha mana ubwo koko wasebya abandi ngo nta database bakoresha mwarakoranaga koko?.
5.ibikoresho uri kuvuga byo muri labo za kaminuza byaguzwe atari wose uri ku isonga ryababona za factures zabyo none ngo baratiraga? watira ugatira na cartons nshyashya nawe uzi byazaga bifunze mo? Ubwo HEC yadusabaga amballage zajemo bya bitabo byose bya bibliotheque ko twazerekanye wigeze wumva hari ushidikanya ko bitaguzwe? wa ChromeBooks abanyeshuri bakoresha gusoma ibitabo online ntabwo wibuka ko batubajije ko byaba ari inkunga kuba 150 laptops tukabereka factures zazo bakemera ntagushidikanya?
6.abo banyeshuri b’i Rusizi ko barimo mu bagiye baguha minerval kuri za comptes zawe wifungurije ntagezwe kuri compte ya kaminuza ukaba uri kuyatapfuna ngo ni ayo wakoreye ubwo babura bate kwigana ibibazo nandi cash zabo kaminuza itarazibonye? bagura iki ibikoresho nkenerwa nandi warayipfunyikiye nk’impamba?
7.none se iyo uvuga ibyo kubaka urwibutso uba wirengagije ko bigira amabwiriza n’amategeko ubona buri wese yakwiyubakira urwibutso atujuje conditions bisabwa? Ese urwibutso rusanzwe rwubatswe i Gitwe ruri mu birometero bingahe kuburyo inzibutso zakwegerama muri metero zitarenze 200m hagati yazo kandi zose zirebana?
8.izo mpuhwe ufitiye aba banyeshuri bataradefanda kandi ari wowe wirirwaga ubajujubya na za hall tickets zawe ubasohoro ngo ntibarariha bagateshwa ibizamini byabo none ubu bari gusubizwamo ibizamini wabateshaga ubwo wumva utari kubakina ku mubyimba koko? icyakubwira ko ubu hall tickets zarangiranye nawe kandi ntibitubuza kwishyura neza ntawutujujubya uzabaze abahari ukuntu batuje kuva aho ubivanywemo ibyo kwishyuza ayo udatanga!
9.ubu gitwe ibibazo mwayitezaga byajyanye namwe turatuje gusa turakenye kuko mwasize mutwaye menshi reba wowe aho baguhembye ukongeraho ameze ukwa gatatu n’ukwakane byose byiyongera kuyo wihaga mu ibanga rikomeye none waravumbuwe aho ugendeye wirirwa wikoreye abana b’Imana ngo ikimenyane da!
10.gitwe yacu rero tuza utekane kandi utunganirwe kuko abazambyaga kaminuza yawe bagukuwe mo none bombori bafite mu ntekerezo zabo barashaka kuyamamaza bitwaje kuba barirukanwe bazira amakosa bahakoreye; Rurema wakudutuje ahore ku isonga mu migambi yacu kandi Leta yacu nziza ihora ituyoboye uyihe gushishoza muri ibi byose biba bivugirwa hano ngo izayungurure ikuremo amakuru yo kwifashisha ngo maze ubwo tuzongera kubona tuzanzamutse abanyarwanda turangamijwe n’ubuyobozi bushishoza tufasangirire
hamwe ku musaruro mwiza w’amahoro,uburezi, ubuvuzi, iterambere rikataje byose bitarangwamo ivangura iryo ariryo ryose.
VIVE UNIVERSITY OF GITWE, VIVE GITWE, VIVE LA REPUBLIQUE DU RWANDA EN FIN VIVE L’UNION ET LA PAIX.

Gaudence Kuya 6-06-2018

Bana b’Imana, kuki amashyari yamaze imitima y’abantu? kuki ikinyoma gikomeje kumunga bamwe mu banyarwanda? kuki? kuki? biratangaje kubone umuntu wize abeshya ku manywa y’ihangu. ese ninde utazi neza ko umugore wa JERED akiri mukazi hano kuri UNILAK yagiraga akayi ko kurwego rwo hejuru? nibamwirukanye maze umugabo we akamuhungishiriza i Gitwe kubera ko jered yicaga agakiza, uyu marceline jered niyamukubitishije abakozi i Gitwe, hari agahungu kari kagiye kwirukanwa kazira uyu mugore wigize malayika. muri Matayo 24 harimo bimwe mubizaranga ibimenyetso byo mu minsi ya nyuma. MUSOME

Rubangura Kuya 6-06-2018

Gusaza nabi we! ibi biri kuvugwa ku muyobozi wa gitwe ntabwo bikwiye ko ajya mu itangazamakuru bene aka kageni. reka da, buriya yajya kureba Shebuja akamusaba imbabazi maze bagakiranuka agakubitwa icyuhagiriro bikarangira. that is my opinion.

akimana umunyeshuri Kuya 6-06-2018

Damascene, Rusine, Gerard, Philemon,mbashimiye inkunga mwahaye Leta yo kumenya ukuri kwanyu ahasigaye ni mureke ababishinzwe bakore akazi kabo kuko hano ntawe muri kuregaho Rusine we aheruka kuvuga kuri radio ngo twaguze ibikoresho bya laboratory milionni 160 ngaho nakore scan yiyo facture ayishyire hano, yemwe ntibyoroshye kubona uwiyita pasteur abeshya.Icyakora izo bibliya zanyu gusa harimo ibitutsi ubugome mwaretse gusebanya kuki mutavuga impamvu twibuka genoside yakorewe abatutsi 1994 Urayeneza ntagere mu kigo cye abatinya iki? Murekeraho kuko murazwi kandi mu menyeko intebe y’ikinyoma ntawe uyicaraho kabili.

Umunyana Kuya 6-06-2018

Ese ko murimo kuvuga ngo Gerard yihambiriyeho umuzigo wa medicine, umuntu ari gufatanya n’abandi banyarwanda kubaka igihugu namwe ngo yigeretseho umutego! murasekeje, mwa banebwe mwe, ahubwo niwe ukwiye guterwa ingabo mu bitugu, nubwo mbona abaturage bagenzi be bamugiriye ishyamba, Muvunyi arabibona nawe ntabwo yarakwiye kugendera ku marangamutima yanyu, mushaka kugambanira ishuri rirengana.

Nyirarukundo Xaverina Kuya 6-06-2018

mbivuga ko medicine Gerard yigeretseho izamukururira ibibazo, erega niho abahanga bose bari? mbega akaga

Samuel Kuya 6-06-2018

ko mbona pasitoro jerard bamuhagurukiye ra!, ishyari na bombori, gusa ntabwo narinzi ko Jered atekereza gutya! ndamugahe 1 Samuel 16.......

Kellia Kuya 6-06-2018

wowe wiyise Uwayo, ndakumenyesha ko ikibazo cyanyu kimaze kugaragara, ntabwo uri UWAYO ahubwo uri Patrick., noneho ntiwumva ko weruye ukavuga ko ikibazo bariya bafite ari imishahara!, agafaranga, none ngo ni ireme ry’uburezi. mwaratahuwe cyane.

Asinapold Kuya 6-06-2018

KENSHI BURYA IMPAMVU PRIVATE SECTOR ZITERA IMBERE NUKO BA NYIRAZI BABA BAKANUYE BAREBA BURI KIMWE CYOSE, IYO BARANGAYE ZIRAHOMBA, ZIKAVA KU ISOKO, UYU MUSAZA GERARD KUBA AKURIKIRANIRA HAFI BURI KIMWE, BIFITE AKAMARO CYANE KUKO NTAHOMBA NA BUSA AHUBWO AHORA ATERA IMBERE ARI NAKO ATEZA IMBERE IGIHUGU N’ABANYARWANDA BOSE MURI RUSANGE. UBWO RERO JERED NA BAGENZI BE IYO BAVUGA KO GERARD YIVANGA BIRUMVIKANA NEZA, NABO BAZASHINGE BUSINESS YABO AHO BAZISANZURA BAKARYA AYABO APANA GUSHUKURA. AYA NI AMATAKIRANGOYI ZA MPUHWE ZA BIHEHE NYINE.

byiringiro Kuya 5-06-2018

IMIGANI 26 :5
Subiza umupfapfa ibikwiriye ubupfapfa bwe,ye kwirata ko ari Umunyabwenge.
Umuntu aba umupfapfa kugeza ubwo ubwenge bwe bumubwira ko ari umunyabwenge = Kwinangira umutima

MUJYANAMA Kuya 5-06-2018

Bibiliya itubwira ko tutagomba kwiringira abakomeye cg umwana w,umuntu ndabibonye kandi ntitugomba no gutinya umwana w,umuntu cyane cyane iyo ari umunyabyaha, kuko IMANA yacu niyo iba yuararemye na wa wundi wibeshya ko akomeye cg se wakomejwe n,undi muntu nanone. Zaburi 37: 1-7; Yesaya 51:12-13. Ibanga ni ukunamba ku MANA,nta buriganya mbese uhamanya n,umutimanama wawe kandi nta wundi ugamije kubyereka uretse RUREMA gusa,udategekwa n,ubwirasi n,umururumba nk,uko Mwuka wera aba yabitubwirije yanabitwibukije,Amen

Uwayo Kuya 5-06-2018

Ibya Kaminuza ya Gitwe ni amabanga. Kuba umuntu ufite masters arushwa na secretaire salaire. Secretary udashobora kwandika n’ibaruwa y’ikinyarwanda akaba ntawamuvuga kuko yazanywe n’umugore wa urayeneza. Rusine ari registrar yafashe umukobwa we wize computer amushyira muri nursing ubu ni umuforomo ku bitaro bya Gitwe. Umugore wa Rusine ni Auditor wa kaminuza afite A1. Ntiyakwandika n’interuro n’imwe. Imyaka yose amaze uzamubaze audit yakoze aguhe report nzahita mba umusega. Philemon ni dean of students akaba na HR nta Database y’abakozi agira ntazi itegeko ry’umurimo. Philemon. Olive wayoboye nursing kugeza aho muvunyi aziye ntagira A0 ya nursing yize Ibintu bya management ntazi. Frigo zose zo muri labo imwe niyo yabo. Noneho gerekaho abakozi bamaze amezi umunani badahembwa, abanyeshuri bavuye i Rusizi bari gusaba gusibira kandi bakishyura. Mwarangiza ngo ibintu ni byiza. Murakabije. Ntibababwiye kubaka urwibutso rw’abazize jenoside mu kanga mukahashyira imashini ibaza? ubwo se muravuga iki? kuko Gitwe we. Ubu abanyeshuri barangije muri nursing ntibari hagati y’urupfu n’umupfumu? wambwira niba bazakora council? Ubu se computer yarangije mu kwa 8 /2017 bazakora graduation? Gitwe ubaye indiri y’ibibazo.

bwengebwisi Kuya 5-06-2018

Bimaze kugaragara ko abantu baba ari inka zabira rwose,biroroshye cyane gukora investigations as evidences ku bikoresho abantu birukanywe bavuga ko byatiwe :
 Aho ibikoresho bya Labo,amamashini, byaguzwe na Factures zabyo byamenyekana
 Abarimu baba bagaragara ntiwabeshya ko badahari
 Ibitabo muri Library na Factures zabyo nabyo byamenyekana
Umugabo yirukanywe I Mudende kubera amakosa mwabaza abayobozi baho,umugore yirukanywe muri UNILAK kubera amatiku mwabaza abayobozi baho, maze Pasteur Gérard abaha akazi agira ngo ni abantu, none ndorera, ingeso mbi ntirara bushyitsi .
Ariko buriya ari umugabo ari umugore habuze ugira undi inama koko.
Ni gute umuntu ajya kubwiriza ku ruhimbi yuzuye amatiku? Ese aba abona atahavana umuvumo?Gushaka amasomo ashyigikira irari,umururumba n,ishyari,ibyo ntabwo IMANA ijya ibiha umugisha.
Umuntu aragenda akiga amashuri akamupfira ubusa peeeeeeee
Ubwenge n,amashuri ni ibintu bibiri binyuranye

munzenze Kuya 5-06-2018

Icyaha kiraryana koko babivuze ukuri! iyo umuntu akosheje aho gusaba imbabazi arinangira bigeze aha! Nta kiza nko kubona ko utagishoboye ukigendera neza utanduranije binaguhesha amahoro yo kuba wazanakora ahandi nta nkurikizi mbi zikuri ku mutwe, mbese iyo niyo nkuru mushaka kuzasiga imusozi? Amahoro, ibyiza, ubutungane ntawe bigwa nabi keretse Sekibi Satani naho twe abantu twakagombye guharanira ibyiza gusa maze ibibi tukabiharira nyira byo; cyo no rero muntu wese wiyifuriza amahoro n’ibyiza mbere y’uko abibona abanze areke bibonwe n’abandi mbere y’uko we abibona rwose.

Rukaragabondo Kuya 5-06-2018

Bantu rero muvuga nabi kandi wenda mutazi neza uburyo Kaminuza ya gitwe ubu yiganeza muzanyarukire yo murebe uburyo mwibeshya ngo muzayisenya da! mwananiwe kuyisenya kera mukiyirimo ngo ubu mwabishorora mwarirukanwe? Uwiteka abaturinde mugende rwiza ibyo mutashoboye mu kuyiteza imbere bizakorwa n’ababishoboye rurema yaduhaye rwese.

Patrick Kuya 5-06-2018

UKWEZI.COM, ko numva i Gitwe bitoroshye ra! mudukurikiranirire hafi ibijyanye n’urutonde ruhembera amacakubiri rwakorewe muri Gitwe rukozwe n’abari abakozi baho. bashaka kuzagirira nabi abari kuri urwo rutonde. cukumbura.com

Kolimba Kuya 5-06-2018

Ariko kuki Gitwe ariyo yigirizwaho nkana koko? UR yarashaje, irasaza, irongera irasaza, abakozi ntiduhembwa, abana ntabwo bakora pratique neza n’akandi kajagari, Muvunyi aho kunoza ibya UR arimo kugira ishyamba abimereye neza. Rwanda waragowe, Perezida wacu ukunda abaturage akwiye guhagurukira ziriya nzego zimuvangira.

Nzabandora Kuya 5-06-2018

Mbabajwe cyane na Dr Jered uri kuregera itangazamakuru agakwiza isi yose ibirego bye aho kujya mu niko yitonze! Nshuti nkunda publicité y’itangazamakuru ntuyizi???!! Dr humuka ugane inkinko bucece naho nuzigana ugasanga uratsinwe uzaba ushoje nabi urugendo

kanyombya Kuya 5-06-2018

Damyxon na Rusine muraridukondeye. None inzara itwiciye muri gereza. Abandibigendeye kare none turabura ayo ducira nayo tumira. None turimo gusebya abigendeye. Niba nabo igihe cyabo twarahembwaga. Abayobozi bashya mwaturwanyeho rwose ko inzara itwishe. Turabarwanaho niyo nzara koko amezi 8koko.!

Violette Kuya 5-06-2018

ARIKO ABA BANTU BAHAYE MUVUNYI ANGAHE?

Wellars Kuya 5-06-2018

Nasomye Commentaires ziriho hano kuri iyi nkuru numiwe pepepepeee! uziko burya umuntu yigira mwiza kandi atari mwiza. narinziko jered atahindutse, ejo mpuye n’umuntu mumujyi ambwira ko Jered atakiri umwe wa mbere. none disi dore arimo kuvuga shebuja wamuhaye akazi i Mudende bamaze kumwirukana. ahubwo arimo kwiyicira izina pe, ntabwo ari Intore, abantu nk’aba ni bamwe baba mugihugu bamara kugera hanze yacyo bagahita bazana za rwaserera.

Abraham Kuya 5-06-2018

ABABURANYI 2 UMWE MURIBO ABA YIGIZA NKANA, BURIYA NDI GERARD NAREGA ABAMPEMUKIYE, NABA JERED NKAREGA ABAMPEMUKIYE NKABATANGA KUMUGARAGARO. NAHUBUNDI MWESE MURI MU MAFUTI URETSE KO GERARD YARARIYE SIN, YANZE KUBAVUGISHA NYINE, ARAKINA SE. UMUSAZA W’UMUNYABWENGE SHA.

Kaje Kuya 4-06-2018

Ibyemezo by’inama y’abaminisitiri bikurikira :
- Inama y’abaminisitiri yashyizeho jered rugengande asimbuye kuri uwo mwnya Muvunyi.
- Inama yemeje ko Marceline nta handi hantu akwiye guhambwa akazi.
- Inama yasanze kaminuza ya gitwe ivangirwa bityo hasabwa inzego bireba gukora iperereza.

Muvunyi yihangane

akimana umunyeshuri Kuya 4-06-2018

KUKI GERARD,RUSINE,DAMASCENE,PHILEMON MUSEBANYA? MUGEZE NAHO MUTUKA DR MUVUNYI?NIMUREKE AKORE AKAZIKE KUKO AGASHOBOYE KANDI AKORERA ABANYARWANDA KANDI NDASHIMA UWAMUSHYIZE MURI HEC KUKO NI UMUGABO USHOBOYE.DR RUGENGANDE YAKOZE HENSHI KANDI NANJYE YARANYIGISHIJE I MUDENDE NI MUSHAKA MUJYEYO MUREBE IBIGWI BYE.UMUGOREWE MUMUSHAKAHO IKI KO NTAKIBAZO MUFITANYE?KANDI UMWANANKUNDI IMANA IMUHE UMUGISHA KUKO TWESE TUZI UMURAVA WE KANDI AKABA AKORA AKAZIKE NEZA NK’UMUNYAMWUGA NAHO IBYO MUMUSEBYA NTIBYAFATA MBESE MUBYIBUTSE ARUKO MUMWIRUKANYE?KANDI NATWE TUHIGA NTABIKORESHO BIHARI KUKO IBYO MWARI MWARATIRIYE BYARAGIYE ,LABO Y’ANATOMY NI CADEVERS GUSA IBINDI BIKORESHO AHO MUBITIRA HARAZWI DI.MBESE ABAKORA MU MAFRANGA KO ARABUMURYANGO GUSA CHARLOTTE YAYIBYE ATE? AHA SE NIHO BAREGA?.NDASABA LETA KO YABAHANA KUBERA GUTUKANA KWANYU KANDI HARIBINDI MUBA MUHISHA MUKWIYE GUKURIKIRANWA.ABARIMU NTABAHARI .KANDI LABO SI AMAZU ATAGIRA IMISARANI AHUBWO NIBIKORESHO.NONE KUKI CATCHUP ITAKOZWE NEZA? SUKO MWANZE KUGURA IBISABWA? DAMASCENE NITANGAZA MAKURU NTARYO WIZE NONE UGIYEGUSOBANURA IBYAMALABORATOIRE GUTE? IZO BIBILIYA MUZIBIKE KUKO NTIZIJYANYE NIBYO MUKORA PEEEE.AHUBWO UBUBATSI BAZAREBE NAYO MAZU YANYU UKO YUBAKWA.

NTABAPFIRAGUSHIRA Kuya 4-06-2018

sha nababwira iki kuko satani araguhishira umunsi wagera akakwandagaza
ari abiyamamaza ari abakoresha umunwa mwese ntabwo muzi mugabe uri ahangaha.amaso azabaha pe

Daniel Kuya 4-06-2018

abakirisitu mwese musoma iyi nkuru, ese muribuka igitekerezo cya Daniel na bagenzi be ubwo bashakaga kubajugunya murwobo rw’intare kabombo? harya byarangiye bite>>Gérard humura amaherezo abaguhekenyera amenyo bazabona akaga.

MASENGESHO Kuya 4-06-2018

Yoooo, gered disi sha ushaje nabi pe. burya aho gutangira neza ugasoza nabi watangira nabi ugasoza neza. RIP

Meddy Kuya 4-06-2018

muri iyi nkuru uyu mugore yagize ati nkurikije isesengura nakoreye article, irasa nkaho yerekana ko minisiteri na HEC idakora igenzura ahubwo ikurikiza amagambo, ko arimo kuvugira HEC na MINEDUC bamutumye ngo abavugire? wait and see ntakataraza muzakazana.

NZAYINAMBAHO Kuya 4-06-2018

Ibyavugwa byose, ibyakorwa byose, ibyifuzo byose, nkatwe abanyeshuri twe bagenerwabikorwa ba mbere ibya hano birivugira, amaso mazima atarinjiwe na virusi arabibona neza.

Paul Kuya 4-06-2018

Mwiriwe nshuti, mubyukuri Ikibabaje nuko finally abanyeshuri aribo babigenderamo. Ese njye ndimo nibaza niba Jered n’abagenzi be barabirukanye university of Gitwe isigaranye Ikihe kibazo, niba Gitwe Yari igiye gusenywa Nabo birukanye Ngaho noneho baragiye noneho Gitwe nibakore ibyo basabwa bazamure ireme ry’uburezi ndetse banahembe abo bakoresha bamaze amezi umunane badahemba, naho kuguma bavuga Amagambo gusa Ntacyo bivuze kandi mbabazwa Nuko buri wese avuga HEC nkaho ireberera kaminuza ya Gitwe gusa nibaza ko ntanyungu HEC ifite mwifungwa rya Gitwe. Ahubwo kuki Gitwe batifuza Ko ibyo bakora niba Ari byiza bimenyekana, niba ntamakosa bafite bagombaga kugambanirwa Mubiki? Mureke kubeshya abanyarwanda gusa Umusi ibyanyu byagiye ahagaragara abantu bazumirwa.

Sadicky Kuya 4-06-2018

mbega isi burya koko umuntu ararengana, ngo uriya musaza wo mucyaro ntatibwiriza, business ye yose uzayimenamo amazi. shit very and very sad.

Damascene Kuya 4-06-2018

Damascene muvuga ari mukazi ke, erega avugira ikigo. icyo yavuga cyose abifite mu nshingano ze ahubwo that is how Public relations must deal with the stakeholders of institution. kumushyikiriza inkiko byo oyaaa

Mutabazi Kuya 4-06-2018

Leta iti bashoramari muze gushora imari muburezi, ubuzima n’ibindi. byagera kuri Muvunyi ati bashoramari barababeshye muze mbananize, cyangwa se mwibwirize.

Phenias Kuya 4-06-2018

Nyamara wasanga inka y’uyu musaza uhera mucyaro utazi aho bankwera za Vino bagiye kuyihirikira ahantu, ariko ntabwo Paul yakwemera.

Manishimwe M. Claire Kuya 4-06-2018

NTIMUKADUKURE UMUTIMA, AHWUII BURYA YARI IBIHUHA BY’ABA BASHAKA KUDUSUBIZA AHO TWAVUYE, KAMINUZA YACU YAKOZE KUTUGEZAHO AMAKURU YIZEWE. TWARI DUSHIZE NEZA NEZA IMANA ISHIMWE PE.

nzabandora Kuya 4-06-2018

yampayinka, aba bakozi bavuze akari murori pe, ko gutunga abakozi nk’aba ari kwizirikaho urubazo kabopmbo!? nzabandora ni umwana w’umunyarwanda.

Umuvugizi Kuya 4-06-2018

Ariko ko mbona mwese mwigize abavugizi b’intare 3(Muvunyi, Jered na Gerard)? mureke ufite amakosa azahanwe ariko buri wese yaruca pe!

gerardine Kuya 4-06-2018

gerard muramuvuga nabiiiiiii, ariko we yamaze gufata inshingano ze nk’umuyobozi ukuriye APAG, imopamvu yateye imbere nuko atarangaye.. muravugaaaa ariko we akore ibye.

kalinijabo Kuya 4-06-2018

ariko kuki mu bitekerezo byanyu murimo kwandika MUVUNYI? ararengana, ntimukamubeshyere gusa nyine rimwe na rimwe iyo yakubonye amatwi ariyenza, ariko mumuveho

Richard Kuya 4-06-2018

Aho turi iRwotamasimbi, tuhabeshejwe n’ubumenyi twakuye kwa Papa wacu Gerard(niko twamwitaga) nta mpamvu nimwe rero yo kumusebya ngo tubyemere.

Edouard Kuya 4-06-2018

Umuhanzi Tom Close yararirimbye ati :"SIBEZA SIBEZA, EH, SIBEZA SIBEZA HEEE". Burya uzagaye umuntu usebya urugo yabayemo, ngo burya niguriraga isabune n’ibindi, "SIBEZA!"

Albert Kuya 4-06-2018

Umusaza Gerard ndamwemera kandi kuba mushaka kumuvangira ntabwo ari ibya none. ahubwo ni bimwe mwamenyereye, muzabaze uburyo abanyalibiya bikishije Kaddafi kugeza n’uyu munsi abarabu bakaba bari mumyotsi. Gerard tuza ubareke wigire kwa Nyakubahwa umwereke projects zawe, abacontres ubareke.

chantal Kuya 4-06-2018

Amasengesho musenga aragaragara,none mwaretse gusebya abantu mukabajyana mu nkiko gusa nisabiraga Leta yacu ko bariya bantu banyuza ibitutsi mu binyamakuru bajya bakurikiranwa..Gusa ukuri kubya Gitwe byaragaragaye igihari nuko ntabikoresho bya LABO n’abarimu bafite.Ibindi nibareke kubeshya.

philomene Kuya 4-06-2018

gerard kuba yarateye imbere mukigo cye ni ukutarangarana amakosa y’ibisambo kabombo. sha mumaze kumwiba za miliyoni none ngo ibibi n’ibiki. ese mwamwibaga mutazi ko afite abamurebera. nuko gerard atajya ajyana abantu mu rukiko nyine nah’ubundi mwahura n’ikibazo gikomeye.

seruntaga Kuya 4-06-2018

Wowe wiyise Aleluya rero buriya ushatse wabafasha kuburana kuko ndumva ubafitiye impuhwe kandi yenda wasanga ufite na Evidences ziruta iriya Audio maze ukaba AVOCAT DU DIABLE nabyo urabyemerewe, maze ukazafasha SHITANI kurya ku mujinya ugenewe BABULONI.

Leta yacu ndayizera ntabwo ikunda abayivangira,b’abanyamanyanga buriya izakurikirana neza yitonze, uzajya kumva wumve ababiri inyuma bose bavumbuwe maze basebe.

Ku bazi gusesengura neza iryo zina UMWANANKUNDI, rivuze byinshi cyane mu muco nyarwanda,abamwitabaje abateye umwaku,Satani azabahembera hamwe guseba ni ko ahemba arakwigarika iteka ugakanura amaso ukabura ayo ucira n,ayo umira.

Amahoro y’IMANA abane n,abayishakana umutima umenetse,abamenye ubutumwa bwiza bakabwirengagiza ku bw’ubwibone, icyubahiro,umururumba,ubujura bwihishe mu buryarya, ubusambanyi,niba MWUKA WERA akoresheje umutimanama, umuntu akumva umutima udiha,kwihana biracyashoboka kuko IMANA ni inyambabazi ibihe byose.Amen

diane Kuya 4-06-2018

uretse Paul Kagame gusa na Minisitiri Bugene nibo batabara abanyeshuri muvunyi ashaka gufungira ishuri ryujuje byose. na buri kimwe.

Pauila Kuya 4-06-2018

Ntibizoroha! ariko biroroshye da. nimba kaminuza ari iya gerard niwe ugomba kuyiha icyerekezo abandi ntabwo yarebera ibifuti ngo aterere iyo.

Onesme Kuya 4-06-2018

Muzabaze ibyo muvunyi yakoreye muri ULK, akabatuka, bari bamwishe, ahimbirwa i Gitwe gusa.

Umunyeshuri Kuya 4-06-2018

Ibyo mukora byose, yaba MUVUNYI ushinzwe HEC, yaba Minister Eugene Mutimura ndetse na Nyakubahwa Paul KAGAME perezida w’igihugu ntabwo bakagombye kwemera ko nk’abanyeshuri twongera gutakaza igihe nkicyo twataye ubushize ngo ni ibibazo nkaho bitakemuka hakirikare natwe tugakomeza tukiga. Muzi ibyubushize mwadukoze ngo dusabe muri UR ibyabaye namwe murabyibuka, Minister ubwe w’uburezi yaraje atwibwirirako bimeze neza iyo avugako bimezenabi ntitwari kugaruka kuhiga. None Niba Dr Jered agiye ntabwo ari ikibazo nokuba Board bamwe muribo bareguye nabyo sikibazo kuko na Muvunyi yagiye kuri uriya mwanya hari abandi asimbuye kandi nabo bashakaga wenda kuhaguma, rero ntamuntu kamara ubaho hano mwisi ya Rurema. None mwarebye niba hari abarimu bigitwe badafite Qualifications mukabwira Gerard konziko bisabwe nababifitiye ububasha batarara mukiko ariko mukatureka tukiga koko ? Cyangwa se nibamufite aho mutujyana ikibazo akabari i Gitwe muhatujyane ntitubyanga ariko mwiturenganya nkabanyeshuri rwose, abantu bazigirira ibibazo byabo mubidushyiremo. HEC ejobundi yakoresheje ijambo muri report ngo deterioration ese labs zarasenyutse, Library ibitabo byaribwe byagenze bite bazabisobanurire abanyarwanda.

1 | 2
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...