AMAKURU

UKWEZI
ubumwe

Uganda yarekuye bamwe mu banyarwanda yari yafashe kuwa mbere

Uganda yarekuye bamwe mu banyarwanda yari yafashe kuwa mbere
28-11-2019 saa 13:02' | By Nsanzimana Ernest | Yasomwe n'abantu 3667 | Ibitekerezo 1

Gatabazi yavuze ko iki ari ikiciro cya mbere cy’Abanyarwanda amagana bafungiye muri Uganda muri gereza za Kisoro na Kabare.

Ku wa mbere w’ iki cyumweru nibwo mu binyamakuru bitandukanye byo mu Rwanda no muri Uganda hatangajwe inkuru ivuga ko abanyarwanda bari hagati ya 150 na 200 batawe muri yombi n’ inzego z’ umutekano za Uganda.

Bimwe mu binyamakuru bivuga ko aba bafashwe n’inzego z’umutekano mu mukwabu wo guhiga abadafite ibyangombwa, hagafatwamo Abanyarwanda benshi.

Abanyarwanda barekuwe bavuga ko batandukanyijwe n’ imiryango yabo, bamburwa imitungo irimo n’ amafaranga bakaba basaba abanyarwanda kwirinda kujya muri Uganda.

Muri weekend ishize Jean Marie Vianney Gatabazi uyobora intara y’Amajyaruguru mu Rwanda yabwiye abaturage bo mu murenge wa Kagogo muri Burera hafi y’umupaka wa Cyanika ko badakwiye kwambuka bajya Uganda.

Yagize ati: "Hano hirya muzi ibibazo byinshi abaturage bagiye bahurirayo nabyo...Ubutumwa buriho bwiza ni uko aho kujya hakurya kuhagirira ibibazo dushaka ibisubizo hano mu gihugu cyacu”.

"Ibyo abantu bajya gushaka ni akawunga, nimugasye [kuko] ibigori byera mu Rwanda, ubu ibigori muri Africa hafi yaho hose byarabuze ntimukekeko biri ahandi, kuba tutabifite hano ni uko nabo batabifite".

Umubano udahagaze neza hagati y’u Rwanda na Uganda wakomeje kugira ingaruka ku mibereho y’abaturage begereye imipaka y’ibi bihugu basanzwe babana banahahirana.

Kuva mu kwezi kwa gatatu ubutegetsi bw’u Rwanda ’bwabujije’ abaturage barwo gusubira muri Uganda bugaragaza ko iyo bagiyeyo bafungwa binyuranyije n’amategeko abandi bagakorerwa iyicarubozo.

U Rwanda na Uganda biherutse gusinyana amasezerano yo gukemura ibi bibazo biri hagati yabyo ariko ayo masezerano nta kintu gifatika arageraho.


INKURU ZA :
Tanga Igitekerezo
Ibitekerezo 1
Hakuzimana j.bosco Kuya 3-12-2019

Uzafatanwa icyaha cyaruswa murwanda,azanwe namategeko arwanyaruswa.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...