AMAKURU

UKWEZI
ubumwe

U Rwanda rwasubije Kongo moto 3 zibwe zigafatirwa I Rubavu

U Rwanda rwasubije Kongo moto 3 zibwe zigafatirwa I Rubavu
14-08-2019 saa 06:44' | By Nsanzimana Ernest | Yasomwe n'abantu 1565 | Ibitekerezo

Urwego rw’ Igihugu rw’ Ubugenzacyaha RIB ku bufatanye na Polisi Mpuzamahanga Interpol basubije Repubulika ya Demuka moto 3 zo mu bwoko bwa BMW zibweyo zigafatirwa mu Rwanda.

RIB yatangaje ko izo moto zafashwe ziri kwinjizwa mu Rwanda zinyuze ku mupaka w’ u Rwanda na Repubulika ya Demukarasi ya Kongo I Rubavu nyuma y’ uko zari zatanzweho raporo mu ikoranabuhanga i27/7 rya Interpol ko zibwe.

Umuvugizi w’Urwego rw’Ubugenzacyaha, Mbabazi Modeste, yavuze ko izi moto zafashwe ku bufatanye bwa Polisi Mpuzamahanga.

Yagize ati “Izi moto zibwe mu Bufaransa zibwa n’Abafaransa ariko ba nyirazo batanze ibirego mu bugenzacyaha bw’Abafaransa hanyuma Ishami rya Polisi Mpuzamahanga ryo mu Bufaransa rizishyira mu buryo bw’ikoranabuhanga bukoreshwa ku Isi hose bugaragaza ibintu byose byibwe ngo bitangirwe ku mipaka.”

Tariki 16 Ukwakira 2018 izi moto zagaragaye ku mupaka wa Gisenyi zinjiye mu Rwanda, kuko zari muri buryo bw’ikoranabuhanga bwa Interpol, abagenzacyaha bari ku mupaka bahise bazibona barazihagarika, batanga amakuru ku cyicaro gikuru hano mu Rwanda rubimenyesha Ishami rya Polisi mpuzamahanga ryo mu Bufaransa n’iry’i Kinshasa ko zafashwe.

Abanye-Congo bahawe moto bitewe nuko ibigo by’ubwishingizi byo mu Bufaransa byari byaramaze kwishyura ba nyir’izi moto ndetse amafaranga zari gutangwaho ngo zisubizwe muri icyo gihugu yari kurenga ayo zaguzwe.

Nyuma y’ibiganiro n’ubugenzacyaha bw’u Rwanda n’ubwa Kinshasa hanzuwe ko zisubizwa abari baziguze dore ko abazibye barimo gukurikiranwa mu Bufaransa.



Izi moto buri imwe ifite agaciro k’ibihumbi 29 by’amayero

Masumbuko Gerard wasubijwe moto ye avuga ko we na bagenzi baziguze i Kinshasa ahantu hagurishirizwa moto n’imodoka. ati "Ubwo twari turi muri gahunda yo kuzenguruka na moto mu mijyi y’ibihugu bitandukanye irimo Kigali, Bujumbura, Dar es Salaam no muri Zambia na Angola tugomba gusoreza i Kinshasa twaje kugera mu Rwanda polisi irazifata itubwira ko zifite ikibazo".


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...