konka coffee
KONKA

AMAKURU

UKWEZI

Rwamagana: Umuzungu yari agiye gutema abashyitsi bariruka yadukira imodoka yabo ayitobora amapine

Rwamagana: Umuzungu yari agiye gutema abashyitsi bariruka yadukira imodoka yabo ayitobora amapine
1-05-2018 saa 11:48' | By Akayezu Jean de Dieu | Yasomwe n'abantu 15052 | Ibitekerezo 20

Umuzungu witwa Philippe Opperman bivugwa ko akomoka mu gihugu cya Afurika y’Epfo kuri ubu akaba akorera imirimo irimo n’ubworozi bw’amafi ku nkengero z’ikiyaga cya Muhazi , mu kagari ka Nyabisindu, Umurenge wa Musha, akarere ka Rwamagana mu Ntara y’Uburasirazuba, aravugwaho gushaka kwivugana abashyitsi b’abanyarwanda bari bamusuye nyuma bakaza kugirana ikibazo agafata icyuma ashaka kukibatemesha bakwiruka akamenagura ibirahure by’imodoka yabo akanayipfumura amapine akoresheje icyuma.

Philippe Opperman yasuwe n’umuryango wa Nsengiyumva Martin wari kumwe n’umugore we Uwamahoro Pascaline ndetse n’umwana wabo w’uruhinja aho bari basuye uyu muzungu ubana n’umugore w’umunyarwandakazi bivugwa ko babana mu buryo butemewe n’amategeko bakaba batuye aha muri uyu murenge wa Musha ari naho akorera imirimo y’ubworozi.

Umugore wa Nsengiyumva Martin yabwiye Ukwezi.com ko bari basanzwe bafitanye umubano mwiza n’uyu muzungu ndetse akaba ari nawe wifuje ko bajya kumusura bakagenda nk’umuryango wose ari nako byaje kugenda mu mpera z’iki Cyumweru (Hari kuwa Gatandatu tariki 28 Mata 2018) ubwo bafataga imodoka bakerekeza I Musha gusura uyu muzungu.

Yavuze ko bageze mu rugo rw’uyu muzungu biza kuba ngombwa ko umugabo we (Martin) ajyana n’uyu muzungu hakurya ya Muhazi gusura undi muzungu mugenzi we ariko ngo abagore bombi uko ari babiri basigaye mu rugo baganira biza kugera ahagana saa tanu z’ijoro ubwo abagabo babo bagarukaga noneho ngo babona bwije batashobora kugenda i Kigali muri iryo joro.

Uwamahoro Pascaline yakomeje avuga ko icyo bapfuye n’uyu muzungu ari volume ya televiziyo ubwo bari barimo biyakira basangira ibinyobwa ngo uyu muzungu yashyizemo volume nyinshi ariko uyu Martin wari yamusuye amubwira ko atari byiza gucuranga imiziki cyane kandi hari n’abana, ngo kuva ubwo batangiye kujya impaka umwe akagabanya volume undi nawe akayongeza ngo nibwo uyu muzungu yahise ajya mu nzu azana icyuma aje ashaka kugitera uyu mugabo nawe ahita agerageza guhunga ahungisha umwana n’umugore we ariko umuzungu amwirukaho bageze hanze bahita basohoka mu gipangu.

Pascaline yagize ati “Yongeje volume cyane bikabije, umugore we aragabanya ariko umugabo we (umuzungu) aragaruka arongera yongeza volume cyane noneho nibwo umugabo wange yamubwiye ati iyi volume ni nyinshi kandi abana basinziriye cyane umuzungu yahise arakara aratangira ati ‘ingegera y’umwirabura insuzuguriye iwange’ nibwo yahise asohoka aravuga ati ndasohotse ngiye kuzana icyuma muri busheri, ubwo umugabo wange yagerageje kumubwira ati ihangane amusaba imbabazi undi aranga arasohoka tugiye kubona tubona agarutse afite icyuma nibwo yahise aza avuga ngo ‘Fuck of’ musohoke mwese nibwo nahise mfata umwana ngo dusohoke

Yakomeje agira ati “Twagerageje kwinjira mu modoka mu gihe umugabo yari yakije imodoka ngo tugende ahita afata icyuma adusangamo umukozi waho aba yamubonye nuko uwo mukozi ahita aza afungura umuryango w’igipangu ngo dusohoke umugabo wange nawe ubwo yahise ava mu modoka agerageza kumurwanya ariko umugabo (umuzungu) yahise afata ipave amena ikirahure cy’inyuma cy’imodoka twe twahise dusohoka igipangu umuzungu abonye cya cyuma yari afite abuze uwo agitera ahita agitera mu mapine y’imdoka abiri arayapfumura”

Uwamahoro Pascaline yakomeje avuga ko kugira ngo basohoke muri iki gipangu byabaye nk’inzira y’umusaraba ariko bageze hanze bajya gucumbika aho mu baturanyi b’uyu muzungu bahamagara polisi iraza bahita batanga ikirego cyabo. Philippe Opperman uvugwaho gushaka gutema n’icyuma abashyitsi bagakizwa n’amaguru agahita yadukira imodoka yabo akayimena ibirahure akanayitobora amapine

Umunyamakuru wa Ukwezi.com yageze mu rugo rw’uyu muzungu ariko umugore we, Umutoni Charlotte atwangira kwinjira gusa atubwira ko twazagaruka undi munsi. Icyo kuba barahohoteye abashyitsi, uyu mugore wa yavuze ko byabayeho ariko ngo ari umuzungu(umugabo we) ndetse n’uyu Martin bose bari basomye ku gasembuye.

Uyu mugore ariko yakomeje avuga ko bamaze kuvugana n’umuntu ubakorera imodoka kugira ngo aze gukora iyi modoka y’aba bashyitsi yangijwe kugira ngo isubizwe nyirayo.

Umunyamabanga Nshingwabikorwa w’umurenge wa Musha, Umuhoza Theogene yabwiye Ukwezi.com ko uyu Philippe yagiye anavugwaho ibindi byaha bitandukanye ndetse akanatumizwa mu nteko z’abaturage ngo yisobanure ariko ntabashe kwitabira ahubwo akohereza abakozi be barimo n’uyu babana mu nzu nk’umugore n’umugabo bitemewe n’amategeko.

Gitifu Theogene yakomeje avuga ko iki kibazo cy’uko uyu Philippe yari ashatse kwivugana abashyitsi bamugendereye nacyo bakigejejweho ariko kuri ubu kikaba kiri mu maboko y’urwego rushinzwe ubugenzacyaha Ngiyo imodoka ku mugoroba wo kuri uyu wa Mbere tariki 30 Mata 2018, twayisanze iparitse mu gipangu cya Philippe


INKURU ZA :
Tanga Igitekerezo
Ibitekerezo 20
dada Kuya 4-05-2018

Buriya yariyasinze atashobora gutwara imodoka ninjoro.wabawanyoye ugatwara umugore numwana ninjoro buriya umugore niwe watinye.ariko uwomuzungu Ni dange pe

gakuba Kuya 3-05-2018

umuntu wumugabo muzima utali umusinzi ufite ubwenge ufite imodoka yata urugo rwe agacumbika i musha!!!yarangiza akajya kurwanira nundi muntu. munzu ye amubuza gucuranga uko ashatse iwe! !!yarangiza ngo agiyeye kurega! !!buriya mu bantu bagowe bambere ni polisi umuntu akora amafuti yarangiza ngo muze muntabare.nkaho alibo bagutumye, ubangamiye nyiri urugo kubera umujinya avugije ibyuma bye bisakuza si wawe, uli impumyi kuki utabwira umugore uti dutahe, ukajya gutanga amategeko murugo rwabandi urwawe warutaye!!! ahubwo njye mbona aliwe wari kukurega, kumuvogerera urugo mujye mwiyubaha musinde.izomwiguriye*

bimawuwa Kuya 3-05-2018

Bahite bamwirukana kuko ukoze ibyo mu gihugu cyabo ntakindi reta ihita ikwirukana ..narangiza igihano ahite ataha ntabwo dukeneye abantu nkabo mu gihugu cyacu,ariko ikindi rero gishobora kuba kibitera nuko wenda hatariho uburyo bwo kumenya imibereho yu muntu winjiye mi gihugu uko imeze criminal record bigomba kujyaho kuko twakwisanga twinjiza aba criminal benshi bakoze ibyaha bikomeye mu bihugu byabo.

bernard Kuya 2-05-2018

ariko abanyarwanda sinzi ibyo mwigize .umuntu arisuzuguza mwarangiza mukamushyikira.ni gute umuntu ashorera umuryango akajya kubacumbikisha mwarangiza mukamushyikira.birababaje pe kuki mutiha agaciro .mwabanje mugahana mwene wanyu wasinze inzoga zigatuma araza umuryango mugasozi .

Nico Kuya 2-05-2018

aliko ko umuntu iwe akora icyo ashaka yajyaga kugabanya Volume yabonaga aliwe murugo. iyo abona bigenze gutyo akitahira ko yali afite imodoka ? yali yaryohewe nagacupa niyihagane

Kankindi Kuya 2-05-2018

Awaaaa!!!Ariko abanyarwanda twabaye gute???Umuntu ajya gusura abantu ,umugore ,umugabo ,umwana bagashaka kurara????Ibyo nukwisuzuguza!!!Nta mugabo waraye mu rugo rw’undi mugabo en plus ufite imodoka ngo saa tanu ntiwava I Rwamagana ngo utahe I Kigali????Hari couvre -feu nkizo muri 92 zihari???Quand meme!!!!Yeh????Reka bajye babasuzugura nimwe muba mwishujuguje!!Jye sinabatera ibyuma ariko nabakubita inshyi!!!Wowe wabona igitero cy’abantu baje kurara iwawe ntiwitabe??Ubwo rero bari biciye ku baturage ngo bafite inshuti z’abazungu!!Shame on you

Jean Kuya 1-05-2018

Nibamuhane afungwe akatirwe nkabandi banyabyaha bose.. kd nafungurwa ahabwe amasaha yo kuba atakiri ku butaka bwacu. Sinon azakomeza kumva ko abirabura tiri munsi y’iburenge bye!! Nagende..!!!

Jean Kuya 1-05-2018

Nibamuhane afungwe akatirwe nkabandi banyabyaha bose.. kd nafungurwa ahabwe amasaha yo kuba atakiri ku butaka bwacu. Sinon azakomeza kumva ko abirabura tiri munsi y’iburenge bye!! Nagende..!!!

Mwiza Kuya 1-05-2018

Aka ni agasuzuguro gakabije nibamukimbize kwanza yakabaye atakibarizwa mu Rwanda muri ano masaha cga se akaba ari muri gereza agasangayo izindi nkoramaraso nabandi babaswe ningengabitekerezo mbi!!!!

Mwiza Kuya 1-05-2018

Aka ni agasuzuguro gakabije nibamukimbize kwanza yakabaye atakibarizwa mu Rwanda muri ano masaha cga se akaba ari muri gereza agasangayo izindi nkoramaraso nabandi babaswe ningengabitekerezo mbi!!!!

Louis Kuya 1-05-2018

Uyu muzungu bamuhe amasaha 24 heures abe yageze iwabo erega umuntu asindana ibimusanzwe mumutwe nuko babeshyera inzoga natahe byihuse .

ndumiwe innocent Kuya 1-05-2018

Ariko kuki abanyarwanda tutakigira umuco. Umuryango wose ugiye gusura umuntu, badafite gahunda yo kurara, batanitwaje ibyangombwa by isuku, hanyuma ngo ntibava kuri muhazi ngo batahe? KWIHESHA AGACIRO NI NGOMBWA MU MURYANGO. Ahubwo nibavugishe ukuri, buriya bari basinze. Tumenye kubaha abandi, uriya muzungu yari iwe, abajye kumusura nibo bari mumakosa. Tujye tumenya kubahiriza amasaha. Hari ingeso mbi y abanyarwanda basura umuntu ukagirango bajye bimutse. Isaha ni isaha. Gusura inshuti ntibivuga kujya kuryama iwe. Kora icya kubyukije, vuga macye, urye bike, hanyuma utahe. Muragayitse

Toto Kuya 1-05-2018

Ubwo nyine mwari mwatataye ngo mufite inshuti yumuzungu ariko rindira muzababona. Reka bazenguruka igihugu babone ubwiza bwacyo muzabona ibizakurikira. Mumenye ko muri America atari isi nshya yavumbuwe nkuko mwabyigishijwe. Hari hatuye amoko yabantu kandi bari bateye imbere. Ariko ubu hatuwe n’abazingu abandi bararimbuwe. Ngewe nterwa intimba nabo mbona badukururira abo barimbuzi ku mpamvu zinyuranye zaba izubucuruzi, iza politik n’ibindi. Ingaruka ntizizabura kugera ku babakomokaho kuko niyo barokoka bazaba mu buretwa. Mwihangane abo bakomeje guhohoterwa nuwo wagabiwe Muhazi. Inzoga byibuze zibafashije kumenya uwo ariwe n’ikimenyane. Ngo imbwa yumwirabura iramusuzuguye !!

h Kuya 1-05-2018

ariko abanyarwanda murasuzugurwa mugakabya, ibi ntiyabikora aho yaturutse South Africa bamwihanira bakamutwika ariwe

VERDANS KUBWAYO Kuya 1-05-2018

Ubugome nagasuzuguro byabazungu birakabije nibamuhane nkabandi atazamara abantu

nyandwi Kuya 1-05-2018

Agomba kuriha iyo modoka

Amie Kuya 1-05-2018

Manaaa weeee !uranyumvira ako gasuzuguro ka rutuku iwacu koko!umva Imana ishimwe ko ntawe yabashije gutera icyo cyuma vraiment!ariko ubutabera bwacu buryoze iyo njiji y umuzungu yateje umutekano mucye mu gihugu cyacu !Umve bamuhe 24 heures pe !ubu nta wa tuvogera mu Rwatubyaye ngo tumwemerere pe !ndumva bimbabaje cyane.Hari cyera bagaraguza agati ibirabura !ariko twe nk abanyarwanda yatwibeshyeho kabisa!ntawakongera kudutobera umutekano dufite ngo tumwemerere.pore kuri benewacu b abanyarwanda.

Amie Kuya 1-05-2018

Manaaa weeee !uranyumvira ako gasuzuguro ka rutuku iwacu koko!umva Imana ishimwe ko ntawe yabashije gutera icyo cyuma vraiment!ariko ubutabera bwacu buryoze iyo njiji y umuzungu yateje umutekano mucye mu gihugu cyacu !Umve bamuhe 24 heures pe !ubu nta wa tuvogera mu Rwatubyaye ngo tumwemerere pe !ndumva bimbabaje cyane.Hari cyera bagaraguza agati ibirabura !ariko twe nk abanyarwanda yatwibeshyeho kabisa!ntawakongera kudutobera umutekano dufite ngo tumwemerere.pore kuri benewacu b abanyarwanda.

karim Kuya 1-05-2018

Nibyo kuko niwe utanga amategeko murwawe abantu twakira ibintu muburyo butandukanye sikibazo cyuruhu ntawaza iwawe ngwakubaze impamvu washyize isaaha muri salon

Emmanuel Kuya 1-05-2018

Ibi ni ka gasuzuguro k’abazungu bahora bumva ko nta mwirabura wabavugiramo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...