AMAKURU

UKWEZI
ubumwe

Rutsiro: Inka zatemwe imirizo, intandaro ni telefone uwabikoze avuga ko yibwe

Rutsiro: Inka zatemwe imirizo, intandaro ni telefone uwabikoze avuga ko yibwe
27-08-2019 saa 11:38' | By Nsanzimana Ernest | Yasomwe n'abantu 3941 | Ibitekerezo 7

Kuri sitasiyo y’ Urwego rw’ igihugu rw’ Ubugenzacyaha RIB mu Murenge wa Gihango mu Karere Rutsiro hafungiye umugabo witwa Nkinamubanzi ukurikiranyweho gutema inka imirizo n’ amaguru.

Byabaye mu ijoro ryo ku Cyumweru tariki 25 Kanama 2019 rishyira tariki 26 ari nabwo Nkinamubanzi Evariste yatawe muri yombi nk’ uko Umuyobozi w’ Akarere ka Rutsiro Ayinkamiye Emerence yabitangarije UKWEZI.

Yagize ati “Byabereye mu murenge wa Mushubati, uwabikoze yarafashwe”.

Umunyamabanga Nshingwabikorwa w’ Umurenge wa Mushubati Mudaheranwa Christophe aganira na UKWEZI yavuze ko uwatemewe inka ari Habanabashaka Jean Damascene ndetse ko intandaro ari telefone uwatemye inka avuga ko yibwe.

Yagize ati “Nkinamubanzi yatemye inka 2 za mugenzi we witwa Habanabashaka, intandaro yabyo rero ni uko ngo yamuketse ko yamwibye telefone hari nijoro bari gusangira mu kabari arangije ajya gutema inka ze”

Gitifu Mudaheranwa avuga ko Nkinamubanzi na Hanabashaka ntakibazo bari bafitanye gusa ngo Nkinamubanzi yari asanzwe afite imyitwarire itari myiza.

Nkinamubanzi ni uwo mu murenge wa Manihira, inka zatemwe ni izo mu murenge wa Mushubati, akagari ka Gitwa umudugudu wa Karambizi.

Uwatemewe inka aturanye n’ uwamutemeye inka gusa batuye mu mirenge itandukanye.

Ushinzwe ubuhinzi n’ ubworozi mu murenge wa Mushubati yasuye inka 2 zatemwe asanga zidashobora kuvurwa ngo zikire agira nyirazo inama yo kuzigurisha zikabagwa. Izi nka zatemwe magingo aya zamaze kubagwa.

Ibi bibaye mu gihe mu kwezi kwa 5 uyu mwaka Ndabarinze Kabera wo mu murenge wa Muringa mu karere ka Nyabihu muri iyi ntara y’ iburengerazuba yatemye inka 11 na mugenzi bari bafitanye amakimbirane.


INKURU ZA :
Tanga Igitekerezo
Ibitekerezo 7
Bonny Kuya 1-09-2019

Iyi Nyangabirama itema inka koko! Ikanirwe uruyikwiye rwose icyaha nikimuhama. Buriya n’ubugome ndenga kamere rwose! Ukorera inka ubugome bigeze hariya bigaragara ko yashakaga kwivugana Nyirayo! Gusa imana yonyine izabimubaze.

Narumiwe Kuya 30-08-2019

Ariko se ko a banyarwanda bamwe bariye intumva !!!!!!, amategeko navugururwe ibihano byongerwe kuko birababaje iyo badatemye abantu Batema inka bimaze kuba akamenyero,jye mbona ubanza ibihano bidakanganye!!! Nubundi kudakubitaimbwa ngo byoroshye imisega

Venant Kuya 29-08-2019

Njye nsigaye numva mfite isoni kwitwa umunyarwanda kubera amahano ntatekerezaga ga ko bakagomvye gukomeza gukora nazi ibyo twaciyemo nagiraga ngo byaduhaye isomo. Mukuri njye lbaye nd’umucamanza iyonkoramahano nategeka ko ifungirwamuri Parque y’inyamanswa akaba arizo abana naza ntajwiriye kubana n’abantu. Inka buriya ntekereza ko ari itungo ry’abantu bose amata rikamwa anyobwa naburi muntu ntekereza ko nicyo gisimba cyazitemye abana ne banywaga amata yazo. Puuu nibagikatire urumukwiye n’undi wese uzatekereza nkawe bzamubere isomo .

Venant Kuya 29-08-2019

Njye nsigaye numva mfite isoni kwitwa umunyarwanda kubera amahano ntatekerezaga ga ko bakagomvye gukomeza gukora nazi ibyo twaciyemo nagiraga ngo byaduhaye isomo. Mukuri njye lbaye nd’umucamanza iyonkoramahano nategeka ko ifungirwamuri Parque y’inyamanswa akaba arizo abana naza ntajwiriye kubana n’abantu. Inka buriya ntekereza ko ari itungo ry’abantu bose amata rikamwa anyobwa naburi muntu ntekereza ko nicyo gisimba cyazitemye abana ne banywaga amata yazo. Puuu nibagikatire urumukwiye n’undi wese uzatekereza nkawe bzamubere isomo .

Eddie Kuya 28-08-2019

Rwose, ubutabera bukore akazi kabwo, icyo kivume gikanirwe urugikwiye.
Telephones se ntibahora bazitwiba?
Twahwra ko se tujya gutema abantu cg ibintu!!!

R Kuya 27-08-2019

ubugome, ubuhubutsi, ubugoryi byose bahuriye kuri iyi nkozi yibibi. ubuse ko agiye kujya mugihome iyo telephone iragaruka. Ariko kuki inyoko muntu itajya yiga isomo ngo rifate?

bebe Kuya 27-08-2019

izi nka se nizo zjbye iyi telephone? Iri si ishyano ra!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...