AMAKURU

UKWEZI
cheno 2020

Rubavu: Hafi y’umupaka wa Congo harasiwe abantu babiri undi ariruka

Rubavu: Hafi y’umupaka wa Congo harasiwe abantu babiri undi ariruka
8-05-2020 saa 11:47' | By Nsanzimana Ernest | Yasomwe n'abantu 4581 | Ibitekerezo 1

Mu murenge wa Cyanzarwe akagari ka Rwangara umudugudu wa Nyakabanda mu karere ka Rubavu Intara y’Iburengerazuba inzego z’umutekano z’u Rwanda zaharasiye abantu babiri barimo umugabo n’umugore.

Byabaye mu ijoro ryakeye saa sita z’ijoro, bibera mu kibaya kiri hagati y’ u Rwanda na Repubulika ya Demukarasi ya Congo. Amakuru agera k’Ukwezi avuga ko Ingabo z’u Rwanda RDF arizo zarashe aba bantu babiri. Amakuru akomeza avuga ko aba bantu bari bikoreye imifuka yuzuyemo urumogi ruri hagati y’ibiro 80 n’ 100.

Abarashwe ni umugabo witwa Ntagisanimana Moise uri mu kigero cy’imyaka 38, n’ umugore bari kumwe abaturage bavuga ko yitwa Rehema Louise.

Abari bikoreye urumogi ngo bari batatu undi yirutse ata umutwaro, bari bafite. Uyu mutwaro warimo urumogi bivugwa ko bari baruvanye muri Congo baciye inzira zitemewe muri iki kibaya.

Nta rwego rwa Leta ruragira icyo rutangaza kuri aya makuru twahawe n’umwe mu batuye mu karere ka Rubavu.

Umuyobozi w’Akarere ka Rubavu Habyarimana Gilbert, inshuro zose twamuhamagaye ntabwo yitabye telefone ndetse n’ubutumwa bugufi twamandikiye ntabwo yabusubiye, ibi ninako byagenze ku muvugizi w’igisirikare cy’u Rwanda nawe inshuro zose twamuhamagaye ntabwo yitabye telefone n’ubutumwa bugufi twamwandikiye ntabwo yabusubije.


INKURU ZA :
Tanga Igitekerezo
Ibitekerezo 1
Tuyizer Kuya 14-05-2020

turabashimiye amakuru mutugezaho

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...