konka coffee
KONKA

AMAKURU

UKWEZI

Perezida Kagame yakoze impinduka mu nzego za gisirikare

 Perezida Kagame yakoze impinduka mu nzego za gisirikare
5-10-2018 saa 07:03' | By Vincent Nsengiyumva | Yasomwe n'abantu 7441 | Ibitekerezo 2

Perezida wa Repubulika y’u Rwanda akanaba Umugaba w’Ingabo w’Ikirenga, Kagame Paul yakoze impinduka muri bamwe mu bayobozi bakuru b’ingabo, aho Brig Gen Francis Mutiganda, yoherejwe gukorera ku cyicaro gikuru cy’Ingabo z’Igihugu.

Brig. Gen Mutiganda yari asanzwe akuriye Ishami rishinzwe Iperereza ryo hanze y’Igihugu mu Rwego rw’Igihugu Rushinzwe Iperereza n’Umutekano (NISS).

Kuri uyu wa 3 Ukwakira 2018 nibwo Perezida Kagame yakoze izi mpinduka aho bamwe mu basirikare bakuru bahinduriwe inshingano.
Francis Mutiganda yari yasimbuye Dan Munyuza (ubu ni Umuyobozi mukuru wa Police wungirije) ku buyobozi bw’iri shami rishinzwe iperereza ryo hanze y’igihugu muri Nyakanga 2012.

Brig. Gen Mutiganda yazamuwe mu ntera muri Mutarama uyu mwaka avuye ku ipeti rya Colonel.

Mu zindi mpinduka zakozwe na Perezida wa Repubulika , Colonel Gerard Butera, wari Umuyobozi ushinzwe Protocole mu Biro by’Umukuru w’Igihugu na we yoherejwe ku Cyicaro cy’Ingabo aho yahawe izindi nshingano.

Col Joseph Karegire we yagizwe umuyobozi w’ishami rya Police mu ngabo (Military Police Regiment)

Lt Col Ruki Karusisi nawe yazamuwe mu ntera ahabwa ipeti rya Colonel ahita anagirwa Umuyobozi wungirije ishami rya Special Operations Force, uyu yari asanzwe ari umuyobozi w’ibikorwa mu ngabo zishinzwe umutekano w’umukuru w’igihugu.

Lt Col Emmanuel Rukundo wari usanzwe ukora mu rwego rw’igihugu rushinzwe iperereza n’umutekano, NISS, na we yoherejwe ku kicaro k’ingabo.

Callixte Migabo wari ufite ipeti rya Major, wari ushinzwe Iperereza mu Ngabo zishinzwe Umutekano w’Umukuru w’Igihugu, yazamuwe ku ipeti rya Lieutenant Colonel anagirwa Umuyobozi w’Ibikorwa mu mutwe ushinzwe kurinda Umukuru w’Igihugu.

PPerezida Kagame yakoze impinduka mu gisirikare cy’u Rwanda


INKURU ZA :
Tanga Igitekerezo
Ibitekerezo 2
Rutayisire john Kuya 6-10-2018

Army y’u Rwanda ni imwe mu zikomeye cyane muli Afrika.Ndibuka irwana n’ibihugu byinshi muli DRC bifite Ibifaru bikomeye,Indege za Migs,etc...Ibyo bihugu bya SADEC byari byaje gutabara Kabila ni:Angola,Zimbabwe,Namibia,etc...Ba Presidents Museveni na Kabila,ni abasirikare b’abanyarwanda babashyize ku ntebe.
Gusa tujye twibuka ko mu isi nshya dusoma muli 2 Petero 3:13,imana izakuraho intambara,itwike n’intwaro zose nkuko Zaburi 46:9 havuga.Imana ishaka ko abakristu nyakuri bakundana aho kurwana.Bisome muli Yohana 13:35.Muli iyo Paradizo dutegereje,hazaturamo gusa abantu beza bumvira Imana,abantu babi bose bakora ibyo Imana itubuza izabakura mu isi.Byisomere muli Imigani 2:21,22.

Judae Kuya 5-10-2018

Buriya captai e niwe umenya umukinyi ukwiriye naho agonba gukinira.
Tubifurije akaxi keza abahawe imirimo.
The Boss nawe mwifurije imigisha myinshi hamwe n’intsinzi ihoraho

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...