AMAKURU

UKWEZI
ubumwe

Perezida Kagame yagize icyo avuga ku kibazo cy’ umukobwa wahohotewe na Dr Francis Habumugisha

Perezida Kagame yagize icyo avuga ku kibazo cy’ umukobwa wahohotewe na Dr Francis Habumugisha
11-09-2019 saa 10:56' | By Nsanzimana Ernest | Yasomwe n'abantu 4130 | Ibitekerezo 3

Perezida w’ u Rwanda Paul Kagame yavuze ko ikibazo cy’ umukobwa witwa Diane Kamali uvuga ko yakubitiwe mu ruhame na Dr Francis Habumugisha umushoramari akaba na nyiri televiziyo yitwa Good Rich kigiye gukurikiranwa, hagakorwa igikwiye.

Mu ntangiriro z’ uku kwezi kwa 9 nibwo uyu mukobwa ubwe yashyizwe ubutumwa ku rubuga rwa Twitter avuga ko yakubitiwe mu ruhame n’ umugabo witwa Dr Francis nyiri Good Rich TV , ikibazo cye akakigeza ku Rwego rw’ Ubugenzacyaha ariko uwamuhohoteye ntakurikiranwe.

Yagize ati “Nakubitiwe Muruhame n’ umugabo witwa Dr Francis (GoodRich TV). Kuwa 16.07.2019 Mbimenyesha RIB hashize amezi 2 atarahanwa,ese kuba umuntu afite amafaranga, ngo anaziranye n’ abayobozi bakomeye bimwemerera guhohotera ntahanwe?”

Diane Kamali yanasangije abamukurikira kuri Twitter amashusho agaraza uko yahohotewe.

Avuga kuri iki kibazo Perezida Kagame yagize ati “ “Turabikurikirana tumenye icyabaye tunafate imyanzuro ya ngombwa. Biratunguranye niba RIB yari ifite amakuru ni gute itakoze ibyagombaga gukorwa?”

Perezida Kagame akimara kuvuga ko iki kibazo kizakurikiranwa abakoresha abakoresha urubuga rwa Twitter bamushimiye, ariko banibaza uko abadakoresha imbuga nkoranyambaga bazajya bagaragaza agahinda kabo.

Nyuma y’ uko Diane Kamali ashyize kuri twitter ubutumwa avuga ko ikibazo cye RIB itagikurikiranye, Dr Francis Habumugisha yahise atangira gukurikiranwa ndetse ubu dosiye ye yamaze gushyikirizwa ubushinjacyaha.
Diane Kamali avuga ko Dr Habumugisha yakubise urushyi aranamutuka tariki 16 Nyakanga 2019 ubwo bari mu nama mu nzu ya Makuza Peace Plazza aho Good Rich ikorera.

Diane Kamali avuga ko icyo uyu muyobozi yamuhoye ariko yagize ngo yarimo afata amashusho y’ ibyavugirwaga muri iyo nama.


INKURU ZA :
Tanga Igitekerezo
Ibitekerezo 3
Niyonitingiye aAdella Kuya 14-09-2019

Bitwaza icyo baricyo bagahohotera rubanda giseseka uwo muyobozi akurikiranwe land na RIB izasobanure impamvu itakurikiranye icyo kirego.

bimawuwa Kuya 11-09-2019

I gihugu kidahana imbwa cyorora imisega kandi nta muntu numwe uri hjuru ya mategeko mu gihugu kigendera ku mutageko nku Rwanda kwitwaza cyene wanyu ngo uhhotere umuntu kuba ufite imitungo ngo uohotere umuntu ibyo byose bihabishwa anategeko

Ishimwe Kuya 11-09-2019

Icyizere cyo kubona isi umuntu yabamo adahangayitse kandi yishimye kizaturuka ku bantu biyemeje gufata umuco wo kudatwarwa n’imyumvire y’isi, baharanira ubutabera, amahoro n’ubuvandimwe. Ab’ikubitiro baharaniye ubwigenge bw’umuntu mu bitekerezo, mu bushakashatsi no mu kwemera bari abantu batarangwaga n’urwiganwa. Mu birebana n’iterambere ry’isi, abakwiye kwizerwa ni abadatwarwa n’imyumvire y’isi.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...