konka coffee
KONKA

AMAKURU

UKWEZI

Nyanza: Umusore yishwe n’inkeragutabara azira ko yanze kuranga uwakwepye umuganda

Nyanza: Umusore yishwe n’inkeragutabara azira ko yanze kuranga uwakwepye umuganda
30-06-2018 saa 15:07' | By Chief Editor | Yasomwe n'abantu 13213 | Ibitekerezo 15

Mbabazi Modeste, umuvugizi w’Urwego rw’Igihugu rushinzwe ubugenzacyaha

Mu masaha ya mugitondo cyo kuri uyu wa Gatandatu tariki 30 Kamena 2018, ubwo hirya no hino mu gihugu hakorwaga umuganda rusange usoza ukwezi, mu karere ka Nyanza hishwe umusore ukiri muto wakubiswe n’inkeragutabara azira ko yanze gutanga amakuru ajyanye n’aho mugenzi we wanze gukora umuganda yari yihishe.

Ibi byabereye mu mudugudu wa Kigarama, mu kagari ka Nyanza, mu murenge wa Busasamana ho mu karere ka Nyanza mu Ntara y’Amajyepfo. Umunyamabanga Nshingwabikorwa w’umurenge wa Busasamana yahamirije ikinyamakuru Ukwezi.com ko ibyo byabayeho, aho umusore unasanzwe uvugwaho gucuruza ibiyobyabwenge yanze kujya mu muganda bigatuma inkeragutabara zimwirukankana ngo abazwe iby’ibiyobyabwenge n’impamvu atagiye mu muganda, hanyuma yabacika bakaza gukubita mugenzi we utari ufite ikosa uretse kuba yanze kubarangira aho uwo wundi yabacikiye.

Ikinyamakuru Ukwezi.com cyaganiriye na Mbabazi Modeste, umuvugizi w’Urwego rw’Igihugu rushinzwe ubugenzacyaha, asobanura uko byagenze. Yagize ati: "Uyu mwana yitwa Mbabariye Hussein, yari afite imyaka 19. Ubundi we nta n’ikibazo yari afite, nta n’ubwo ari we wari wanze kujya mu muganda. Hari undi bashakaga, bashakaga kwirukana aho yacururizaga hafi y’ikigo cy’ishuri, inkeragutabara rero zimurangishije aho uwo wundi ari ngo arabasuzugura ababwira nabi nabo babyitwaramo nabi barakubita. Muri uko gukubita rero umwana arabahunga ariruka ahungira iwabo, yaguye iwabo mu rugo".

Modeste Mbabazi avuga ko umwe muri izo nkeragutabara yahise atabwa muri yombi abandi nabo bakaba barimo gushakishwa, naho umurambo w’uwo musore ukaba wajyanywe kwa muganga ngo ukorerwe isuzuma. Modeste Mbabazi kandi agaya abakoze ibi, kuko bitajyanye n’indangagaciro batojwe.

Yagize ati: Abo b’inkeragutabara, niba hari icyaha yakoze bari bafite ububasha bwo kumufata bakamushyikiriza inzego zishinzwe kumukurikirana. Ariko guhubuka bagahita batangira gukubita kubera ko ngo abasubije uko batabyifuza, byangiza isura y’akazi bakora ubwabo nk’inkeragutabara kuko bitandukanye n’amasomo bahawe, bitandukanye n’indangagaciro bigishijwe, bityo bituma abaturage batakaza icyizere cy’inkeragutabara biturutse ku bantu ku giti cyabo. Tukaba tubasaba byifuze kugira igihe cyo gushishoza. Dore bitumye dutakaza ubuzima bw’umuntu, birababaje cyane, nabo kandi birabagiraho ingaruka bitanasize n’imiryango yabo"


INKURU ZA :
Tanga Igitekerezo
Ibitekerezo 15
Bobo Kuya 9-07-2018

igihe cyose ufite umutwe witwara gisirikare ugomba kwitegura ingaruka zawo ziriya zishobora kwitwara nk’intera cg imbonera zo mu Burundi

John.daddy Kuya 6-07-2018

uyu musore yishwe na Gerard nakayumba uyu Gerard nakayumba bakubita uwo wari wese inyanza baraturembeje Gusa turashimira ingabo ziba hano inyanza naho huseni Imana imwakire nihanganishije ise Hamurani na mama.weMukamana jaqwerine

SIBOMANA Yusufu Kuya 5-07-2018

Imana imwakire mubayo gusa mbona umuturage akomeje guhohoterwa mbona itegeko ryatowe rigomba gushyirwa mubikorwa abanyarwanda bagatunga imbunda nkuko muri USA bimeze kugira ngo natwe twirinde abakomeje kuduhohotera.

Danny Kuya 3-07-2018

Mubyukuri,uyu musore aruhukire mu mahoro,gusa ibi byobbirarenze,si rimwe si kabiri,inkeragutabara zikora aya mabara,nimba ababatoza bahabanya n’indangagaciro na kirazira z’Umunyarwanda,sinzi,any way,abamwishe bakurikirane!

Kamanzi Kuya 2-07-2018

Amateka arisubira ziriya ni interahamwe z ubundi bwoko

Elina Kuya 2-07-2018

inkeragutabara!cg inkerakwica,wasanga wa mugani uwo bishe hari uwo bari bafitanye inzika numwe muri izonkeragutabara ,maze harinizo ,abantu b’abagome batuma gukubita abo batavuga rumwe maze zikabiyenzaho kugeza zibakubise zikabagira intere ,miri kigali biraba cyane!!!!.

Nely Kuya 1-07-2018

Ibyo batojwe turi kubibona

Biko Kuya 1-07-2018

uwo muhungu yishwe nuwitwa jerard kdi yari yarabihigiye ko azamwica ahubwo bamukurikirane mumaguru mashya

Kibunga Kuya 1-07-2018

Inkiragutabara ntakintu kizima mbona zikora usibyeko nsigaye mbona umuntu murwanda ntagaciro bakibuha gupfa ntacyo bikivuze gusa ubwo bugome nindengakamera umuryango wagizibyago wihangane uwiteka arahari !!

bobo Kuya 30-06-2018

erega zizabamara liste iracyakomeje

mugabo Kuya 30-06-2018

Byibuze ukwezi muvuze ukuri ibyatangajwe na igihe byari bihabanye n’ibyabaye twibazaga ukuntu wahisha ukuri kubintu byabaye kumanywa y’ihangu abaturage bareba . Inkeragutabara ntaho zitaniye na zazindi niba zikomeje gukora gutyo.

mugabo Kuya 30-06-2018

Byibuze ukwezi muvuze ukuri ibyatangajwe na igihe byari bihabanye n’ibyabaye twibazaga ukuntu wahisha ukuri kubintu byabaye kumanywa y’ihangu abaturage bareba . Inkeragutabara ntaho zitaniye na zazindi niba zikomeje gukora gutyo.

mugabo Kuya 30-06-2018

Byibuze ukwezi muvuze ukuri ibyatangajwe na igihe byari bihabanye n’ibyabaye twibazaga ukuntu wahisha ukuri kubintu byabaye kumanywa y’ihangu abaturage bareba . Inkeragutabara ntaho zitaniye na zazindi niba zikomeje gukora gutyo.

Firimini Kuya 30-06-2018

Nyakwigendera imana imuhe iruhuko ridashira dukomeje kwihanganisha umuryango wabuze uwomusore,izonkeragutabara zikanirwe urubajwiye

king Kuya 30-06-2018

esq kuvuga case yuko yishwe hagashyirwamo nibyibiyobya bwenge..
nukumvikanisha ndetse no kugira ngo icyaha cyakoze kugire imbaraga nkeya.?

cyakoze amaraso yuwo musore arababaje ..
GOD knws and have Nice Rest

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...