AMAKURU

UKWEZI
ubumwe

Musanze: Uwakekwagaho kwica umugore we urw’agashinyaguro basanze umurambo we mu mugezi

Musanze: Uwakekwagaho kwica umugore we urw’agashinyaguro basanze umurambo we mu mugezi
23-05-2019 saa 15:24' | By Chief Editor | Yasomwe n'abantu 10788 | Ibitekerezo 1

Umugabo wari umaze iminsi ashakishwa n’inzego z’umutekano kugirango aryozwe icyaha cyo kwica umugore we yakekwagaho, yasanzwe yapfiriye mu mugezi wa Mukungwa uri mu karere ka Musanze, aho bikekwa ko yabayiyahuye nyuma yo kwicuza icyaha yakoze.

Mu masaha y’umugoroba wo kuwa Mbere tariki 20 Gicurasi 2019, nibwo upmuyobozi w’ikigo cy’amashuri cya G.S Kabere mu karere ka Musanze witwaga Ntakirutimana Eustochie, yishwe atemaguwe aho bikekwa ko umugabo we Ndahayo Jean de Dieu w’imyaka 45 yaba ari we wamwivuganye agahita atoroka.

Mbabazi Modeste, Umuvugizi w’Urwego rw’Ubugenzacyaha RIB, icyo gihe yabwiye ikinyamakuru Ukwezi ko uwo Ndahayo ukekwa arimo gushakishwa n’inzego zitandukanye zirimo RIB ndetse na Polisi kugirango hakorwe iperereza ku cyaha akekwaho.

Nyiramahoro Adelaide, Umunyamabanga Nshingwabikorwa w’Umurenge wa Kimonyi mu karere ka Musanze ahabereye ubwo bwicanyi, nawe yari yahamirije ikinyamakuru Ukwezi ko Ndahayo Jean De Dieu ari we ukurikiranyweho icyaha cyo kwica umugore we, akanavuga ko bari basanzwe babanye nabi ndetse yari yaramuharitse.

Nyiramahoro Adelaine yabwiye Ukwezi ko Ndahayo na Ntakirutimana bari bamaze imyaka myinshi babana ariko bakaba batarigeze babyarana, uyu mugabo akaba yari yaramuharitse ashaka undi mugore banafitanye abana ari naho yari amaze iminsi aba.

Uyu muyobozi avuga ko muri iyi minsi uyu mugabo yaje mu rugo rwe aho yari amaze igihe kibarirwa mu cyumweru kimwe, akaba yaranabwiye bamwe mu baturanyi be ko yagarutse mu rugo rwe, benshi bikabatungura kuko yari yaramutaye akajya kwibanira n’uwo babashije kubona urubyaro.

Nyuma y’iminsi ibiri ubwo bwicanyi bubaye ndetse na Ntakirutimana ashyinguwe, umurambo wa Ndahayo wasanzwe mu mugezi wa Mukungwa aho bikekwa ko yaba yarafashe icyemezo cyo kwiyahura nyuma yo kwica umugore we. Bivugwa ko mu byo bapfuye harimo kuba umugabo yarasabye umugore ko amusinyira ngo asabe inguzanyo muri banki undi akamwangira.

Nyiramahoro Adelaide, Umunyamabanga Nshingwabikorwa w’Umurenge wa Kimonyi mu karere ka Musanze, yahamirije Ukwezi ko umurambo wa Ndahayo wasanzwe mu mugezi wa Mukungwa, ukaba wajyanywe kwa muganga kugirango ukorerwe isuzuma.


INKURU ZA :
Tanga Igitekerezo
Ibitekerezo 1
Eva Kuya 23-05-2019

None c niba nasanze yapfuye niki gihamyako yiyahuye?
ahubwo RIB iracyafite akazi Kuko ushobora nogusanga abishe umugore we arinabo bamujugunye muri mukungwa bakisha inyuma yamakimbirane uwo muryango warufitanye.

Iperereza nirikomeze

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...