AMAKURU

UKWEZI
ubumwe

Umunyarwanda Louis Baziga yiciwe muri Mozambique

Umunyarwanda Louis Baziga yiciwe muri Mozambique
26-08-2019 saa 22:26' | By Nsanzimana Ernest | Yasomwe n'abantu 3789 | Ibitekerezo 1

Umunyarwanda Louis Baziga wari umaze imyaka 15 akorera ubucuruzi mu gihugu cya Mozambique ndetse akuriye Abanyarwanda babayo kuri uyu wa Mbere tariki 26 Kanama 2019 yishwe arashwe n’abantu bataramenyekana

Ambasaderi w’ u Rwanda muri Mozambique yatangajeko Baziga yarashwe ubwo yari mu modoka ye mu ma saa sita z’ amanywa.

Ambasaderi Claude Nikobisanzwe yabwiye BBC ko Baziga yari mu nzira ava iwe ajya ku igaraje mu gace kitwa Matola muri Maputo ubwo yaraswaga.

Ngo haje imodoka imubuza inzira havamo abantu baramurasa imodoka yabo ihita igenda. Abatabaye bamugejeje kwa muganga bagezeyo basanga yapfuye.

Amb. Nikobisanzwe avuga ko aho bamurasiye ari mu nzira nyabagendwa kandi ituweho, abumvise amasasu bahise batabara ariko basanga abamurashe bagiye ntibabamenya.

Arakomeza ati: "[Ubu] twabihariye inzego zishinzwe iperereza, ntabwo twamenya impamvu bamwishe, icyo bashakaga, ntabwo twabimenya kuko haracyari kare".

Amb. Nikobisanzwe avuga ko nta bantu azi bari bafitanye amakimbirane na Baziga.
Avuga ko azi ko yakoraga ubucuruzi bwose bwemewe n’amategeko akanayobora ’diaspora’ y’Abanyarwanda baba muri iki gihugu.

Umwe mu ba hafi mu muryango we yabwiye BBC ko umurambo wa Baziga wahise ujyanwa kuri ’Hospital Provincial da Matola’ mu mujyi wa Maputo.

Uyu utifuje gutangazwa amazina, avuga ko Baziga yarashwe ari mumodoka ye wenyine yitwaye, indi modoka ye yo mu bwoko bwa Mercedes Benz yari itwawe n’umukanishi bagiye kuyikoresha.

Bibabye mu gihe muri Kamena aribwo u Rwanda rwafunguye kumugaragaro ambasade yarwo muri Mozambique, igihugu kibamo Abanyarwanda barenga 5,000.
Muri Gicurasi uyu mwaka Camir Nkurunziza umunyarwanda wari impunzi yiciwe ku muhanda i Cape Town muri Afurika y’Epfo, igihugu gituranyi cya Mozambique, polisi ivuga ko bisa n’aho yari ashimuswe.


INKURU ZA :
Tanga Igitekerezo
Ibitekerezo 1
Ttggh Kuya 29-08-2019

Yoooo

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...