AMAKURU

UKWEZI
ubumwe

Kwizera warongoye Mukaperezida umurusha imyaka 27 yakatiwe gufungwa imyaka 10

Kwizera warongoye Mukaperezida umurusha imyaka 27 yakatiwe gufungwa imyaka 10
1-09-2019 saa 13:46' | By Chief Editor | Yasomwe n'abantu 7122 | Ibitekerezo 1

Kwizera Evariste w’imyaka 21 uheruka gukora ubukwe agasezerana na Mukaperezida Clotilde w’imyaka 48 y’amavuko, ubu yamaze gukatirwa igifungo cy’imyaka 10 nyuma yo guhamwa n’icyaha cyo gusambanya no gutera inda umwana w’umukobwa utarageza ku myaka y’ubukure.

Kwizera Evariste na Mukaperezida bari bamaze amezi macye bakoze ubukwe, dore ko tariki 31 Mutarama 2019 ari bwo basezeraniye mu murenge wa Musha ho mu karere ka Rwamagana, ubukwe bw’aba bombi bukaba bwararanzwe n’udushya twinshi ndetse n’ibitwenge ku bantu benshi cyane bari babutashye. Ni ubukwe kandi abatari bacye bakunze kutavugaho rumwe, aho bamwe banavugaga ko Kwizera azajya ata umugore we akajya kwishakira abandi bakobwa bakiri bato.

Mu minsi ishize ikinyamakuru Ukwezi cyabagejejeho inkuru ivuga ko Kwizera yari yatawe muri yombi azira ko hari umwana w’umukobwa w’imyaka 15 yashinjwaga ko yari yarasambanyije akanamutera inda.

Ingingo y’133 mu Itegeko riteganya ibyaha n’ibihano muri rusange, ivuga ko umuntu wese usambanya umwana, iyo abihamijwe n’urukiko ahanishwa igifungo kitari munsi y’imyaka makumyabiri (20) ariko kitarenze imyaka makumyabiri n’itanu (25) ariko mu gihe byamuteye indwara idakira cyangwa ubumuga, igihano kiba igifungo cya burundu. Mu iburanisha ryabaye tariki 30 Kanama 2019, Ubushinjacyaha bwari bwasabiye Kwizera igifungo cy’imyaka 25 ariko umwunganira asaba ko yagahanyirizwa igihano luko yaburanye yemera icyaha n’ubwo yabanje kubihakana hahakorwa ibizamini nyuma akaza kubyemera. Uwo mwana wasambanyijwe ngo yari umukozi wo kwa Mukaperezida na Kwizera, uregwa akaba yariyemereye ko yamusambanyije kenshi kugera ubwo amutera inda. Urukiko rwanzuye ko afungwa imyaka 10.

Kamwe mu dushya twabaye mu bukwe bwa Mukaperezida na Kwizera, harimo nko kuba umukobwa wa Mukaperezida ufite imyaka 31, yaravuze ko adashaka ko nyina yasezerana na Kwizera Evariste ivangamutungo rusange kuko ngo imitungo afite ari iya se. Ibi byakuruye impaka ndende ahabereye aya masezerano, Mukaperezida n’umugabo we biyemeza ko nta kabuza bagomba gusezerana ivangamutungo rusange n’umurenge urabimwemerera.

Uyu ni umukobwa wa Mukaperezida ubwo yasabaga ko batasezerana ivangamutungo rusange

REBA VIDEO Y’UDUSHYA TWABAYE MURI UBU BUKWE HANO:

Nyuma yo kuzenguruka umujyi wa Rwamagana, abageni n’ababagaragiye babanje kujya ku kiyaga cya Muhazi aho bagiye gufatira amafoto y’urwibutso. Aha kuri iki kiyaga ninaho bagiraniye ikiganiro n’ikinyamakuru Ukwezi badutangariza byinshi ku mvano y’urukundo rwabo, ubutumwa bageneye ababavuga nabi n’ibindi bitandukanye bigamije kubaca intege.

REBA VIDEO Y’IKIGANIRO GITANGAJE TWAGIRANYE HANO:

REBA UKO BARYOHEJE KU KIYAGA CYA MUHAZI HANO:

Aha bahavuye bajya kwiyakirira mu rugo aho batuye mu murenge wa Gishari, ubukwe bwabo bukaba bwageze mu masaha y’ijoro bakibyina bishimira uyu munsi udasanzwe. Uburyo basomanaga ndetse banakanakora ibindi bitandukanye byerekana ko batewe ishema byagiye bituma bamwe mu bitashye ubukwe ari bo bagira isoni.

REBA UKO BASOMAGURANYE ABANTU BAKUMIRWA HANO:


INKURU ZA :
Tanga Igitekerezo
Ibitekerezo 1
iganze Kuya 2-09-2019

Kwizera ntiyarongoye Mukaperezida ahubwo yararongowe. Umugabo utagira icyo atunze akarongora umubyaye kabiri akurikiye umutungo we!!!!!!!! Uyu muco si uwacu si iby’i Rwanda.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...