AMAKURU

UKWEZI
ubumwe

Kirehe: Umugore yishe umugabo we nyuma yo kumukanda udusabo tw’ intanga

Kirehe: Umugore yishe umugabo we nyuma yo kumukanda udusabo tw’ intanga
2-12-2019 saa 18:22' | By Nsanzimana Ernest | Yasomwe n'abantu 5596 | Ibitekerezo 1

Umugore wo mu murenge wa Kigarama Akagari ka Nyankurazo, Umudugudu wa Rusumo akurikiranyweho kwica umugabo we Hazadi Yusufu bari bafitanye amakimbirane.

Byabaye ejo ku Cyumweru tariki 1 Ukuboza 2019. Niyigena Jacqueline yagiye ku kabari umugabo we yarimo anyweramo inzoga, amwaka amafaranga yo kujya guhaha umugabo arayamwima, umugore akabakaba mu mifuka y’ imyenda y’ umugabo we , umugabo amukubita urushyi ahita yiruka.

Umunyamabanga Nshingwabikorwa w’ Umurenge wa Kigarama mu karere ka Kirehe Karambizi Alphonse yatangarije UKWEZI ko abatangabuhamya babwiye ubuyobozi ko uyu mugabo amaze kwiruka umugore yamwirutseho , umugabo aza kwitura hasi, umugore amujya hejuru amukanda udusabo tw’ intanga, anamukubita itafari mu misaya.

Gitifu Karambizi avuga ko ikishe uyu mugabo Hazadi Yusufu atari uko bamukanze udusabo tw’ intanga ahubwo bakeka ko yishwe n’ itafari yakubiswe mu misaya.

Hazadi Yusufu ngo yari umugabo uturiye umupaka w’ u Rwanda na Tanzanie azwiho gucuruza forode. Uyu muryango wari ufitanye amakimbirane ashingiye ku kutizerana nk’ uko bitangazwa na Karambizi.

Yagize ati “Umugabo we yari umuntu udahama hamwe, yari aturiye Akagera ari umuntu ujya mu bintu by’ amaforode, none yagiye Tanzania yagarutse, hakaba ubwo atinze kugaruka aho aziye akaza akeka umugore we ngo ni umusambanyi. Uko kutizerana rero bigatuma umugabo adatanga ibitunga urugo ngo abasambanya umugore we bage baruhahira.”

Bikimara kuba umugore yagerageje gutoroka ariko abaturage bahuruza Polisi afatirwa ku mupaka Rusumo, ashyikirizwa RIB. Umurambo wa nyakwigendera wajyanywe ku Bitaro bya Kirehe.

Ubuyobozi bwaganiriye n’ abaturage bubasaba kwirinda amakimbira bakabana neza, ahabaye amakimbirane bakagana ubuyobozi bukabagira inama aho kwihanira.


INKURU ZA :
Tanga Igitekerezo
Ibitekerezo 1
Didace Kuya 3-12-2019

mukosore aho mwanditse umunyamabanga nshingwa bikorwa w’Umurenge wa Kigarama ko ari Karambizi Alphonse, ntabwo aribyo, yitwa Pascal Rwabuhihi. mukosore

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...