konka coffee
KONKA

AMAKURU

UKWEZI

Kigali: Umukobwa wateguye ibirori byo gusambaniramo yatawe muri yombi

Kigali: Umukobwa wateguye ibirori byo gusambaniramo yatawe muri yombi
9-11-2018 saa 12:55' | By Chief Editor | Yasomwe n'abantu 15187 | Ibitekerezo 9

Umukobwa uri mu bamaze iminsi bamamaza igitaramo bateguye bise ‘Pussy Party’ bivugwa ko cyagombaga kuzaberamo ibikorwa by’ubusambanyi, yatawe muri yombi n’inzego z’umutekano atangira gukurikiranwaho icyaha cy’urukozasoni.

Amatike y’iki gitaramo amaze iminsi agurwa mu buryo bw’ibanga rikomeye, aho aya macye yari 30.000 naho ay’icyubahiro akaba 50.000, aya yo bikavugwa ko uwayatanze yari kuzahabwa n’uwo basambana mu gihe yazitabira ibyo birori atamufite. Ibijyanye n’aho iki gitaramo cyagombaga kuzabera n’igihe cyari kuzabera byari ibanga rikomeye rizwi na bacye bari kuzakitabira ariko ubu bigaragara ko kitakibaye kuko abagiteguye batangiye gutabwa muri yombi.

Umuvugizi mukuru wa Polisi y’u Rwanda, CP Jean Bosco Kabera, yatangarije ikinyamakuru Ukwezi ko umwe mu bagiteguye yatawe muri yombi ariko iperereza rikaba rikomeje gukorwa n’Urwego rw’Igihugu rw’Ubugenzacyaha (RIB).

Uyu watawe muri yombi bivugwa ko yitwa Ishimwe Christine, ndetse hari amakuru agera ku kinyamakuru Ukwezi ashimangira ko yari yaranajyanywe Iwawa mu minsi yashize kubera imyitwarire idahwitse yari yamugaragayeho.

Ibyapa byamamaza ibi birori byagaragazaga ko byari kuzaba guhera saa yine z’ijoro kugeza bucyeye, aho bivugwa ko abagombaga kubyitabira bari kuzakora ibikorwa bitandukanye by’urukozasoni n’ishimishamubiri, kandi hari abavuga ko n’ubwo bisakuye muri uyu mwaka ngo byaba bimaze imyaka isaga itandatu biba mu mujyi wa Kigali ariko bikagirwa ubwiru bukomeye.


INKURU ZA :
Tanga Igitekerezo
Ibitekerezo 9
Valens Kuya 18-11-2018

Ndumiwe pe!!!

TYSON Kuya 13-11-2018

KBX MWARAMURENGANYIJE KBX

tt Kuya 12-11-2018

andika ibitekerezo hano

Anny Kuya 10-11-2018

Nashaka abugire (ubumuga bwo kutabona)nubundi yapfuye kera ,kuko baravuga ngo amatwi arimo urupfu ntiyumva,arabura kwihana ngo areke ibyaha ibiyobyabwenge byaramubase,akirirwa ashishikariza abandi gukora ibyangwa n’amaso y’Uwiteka.nukuri iyi si igeze habi pe gusa iyaba Abantu bamenyaga ko ntagihe dushigaje.Igihe kigiye kubera buri wese yiturwe ibyo yakoze.Mube maso mutagwa mu moshya.

Cedric Kuya 9-11-2018

Ariko se niba ntawe yafashe kungufu ngo amujyane muri icyo gitaramo ubwo uwo mukobwa yaba atarenganye Koko?

Test Kuya 9-11-2018

Kudos Police, well done

Lilian Kuya 9-11-2018

arko icyocyaha Ndumva cyidafatika

mazina Kuya 9-11-2018

Nubwo benshi batabyemera,ibi byerekana nta gushidikanya ko turi mu minsi y’imperuka. Iyi si ikeneye impinduka.Nubwo abantu nyamwinshi batabyemera,imana yashyizeho "umunsi w’imperuka" nkuko Ibyakozwe 17:31 havuga.Kuli uwo munsi,izakura mu isi abantu bose bakora ibyo itubuza,isigaze gusa abantu bayumvira.Byisomere muli Imigani 2:21,22.Kuli uwo munsi uteye ubwoba cyane nkuko bible ivuga muli Yoweli 2:11,Imana izakuraho ubutegetsi bw’abantu nkuko Daniel 2:44 havuga.Izaha ubutegetsi bw’isi yose Yesu nkuko tubisoma mu Ibyahishuwe 11:15.
Hanyuma Yesu ahindure isi yose paradizo.Ibibazo byose biveho burundu,harimo ubukene,ubusaza,indwara n’urupfu.Soma Ibyahishuwe 21:4.Dushake imana mbere yuko uwo munsi uteye ubwoba uza.
Ni Imana ubwayo ibidusaba muli Zefaniya 2:3.Dukore kugirango tubeho,ariko dushake cyane imana,twe guheranwa n’ibyisi gusa,kuko abibera mu byisi gusa,Imana ibafata nk’abanzi bayo.Byisomere muli Yakobo 4:4.

vava Kuya 9-11-2018

ko kumafoto wagirango afite ubumuga bwo KUTABONA.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...