konka coffee
KONKA

AMAKURU

UKWEZI

Kigali: Imvura yasenyeye 230, bamwe banze kwimurirwa mu nsengero no muri sitade bafite isezerano ry’Imana

Kigali: Imvura yasenyeye 230, bamwe banze kwimurirwa mu nsengero no muri sitade bafite isezerano ry’Imana
8-05-2018 saa 18:46' | By Akayezu Jean de Dieu | Yasomwe n'abantu 8041 | Ibitekerezo 5

Bamwe mu baturage biganjemo abageze mu za bukuru bo mu tugari dutandukanye tw’umurenge wa Kimisagara, akarere ka Nyarugenge mu Mujyi wa Kigali bavuze ko bafite isezerano ry’Imana ry’uko bagomba kuguma ku butaka bwabo ari nayo mpamvu badashaka kubahiriza icyemezo cyafashwe n’ubuyobozi bw’Umurenge cyo kubimurira mu nsengero abandi bakajya muri sitade mu rwego rwo kwirinda ko imvura yaza kugwa mu masaha y’ijoro igahitana benshi dore ko kuri ubu inzu za bamwe ziri guhirima imwe ku yindi.

Aba baturage batuye ku musozi wa Mount Kigali benshi muri bo bamaze gusenyerwa bikomeye n’imvura nyinshi imaze igihe igwa mu bice bitandukanye by’igihugu. Bamwe muri aba baturage bavuga ko bishimiye icyemezo cyafashwe n’inzego bwite za leta cyo kubimura bakaba bacumbikiwe mu nsengero abandi bakajyanwa muri sitade kugira ngo harebwe icyakorwa cyane ko aka gace batuye

Umukecuru wo mu mudugudu wa Birama we avuga ko yarerewe kwa Musinga I Bwami nyuma aza kubaka hano muri Kigali aho ahamya ko ahafata nk’aho ari gakondo ye akavuga ko adashobora kuva kuri ubu butaka yahawe na Yesu.

Yagize ati “Tuzaba mu isambu yacu nk’uko Yesu yayiduhaye! Tukimuka tuvuye ku itongo ryacu? Muzatujyana he ariko? Mfite amasezerano y’Imana, turi iwacu ni kavukire yacu nge narerewe mu rukari kwa I Nyanza Musinga ndi imfubyi ntazi data ntazi mama hano nahubatse igihe kirekire ndi imfubyi”

Umunyamabanga Nshingwabikorwa w’Umurenge wa Kimisagara, Charles Havuguziga yavuze ko aba baturage bagomba kwimurwa aha hantu hasanzwe haranabaruwe nk’ahatagomba guturwa, aho bamwe muri aba baturage ngo barajyanwa mu nsengero kuba bacumbikiwemo, abandi bakuzura bagashyirwa muri sitade.

Yagize ati “Insengero nizuzura turabajyana muri sitade ariko ntabwo murara muri aya mazu aho kugira ngo mupfe, ariko mwa bantu mwe aha hantu ntabwo mwaharara aba bana turabakeneye”

Yakomeje avuga ko aha hantu batuye hameze nabi ku buryo ubuzima bwa bamwe buri mu kaga, ndetse n’amazi ari kumanuka avuye hano hejuru ku musozi ashobora gusenya n’ibikorwaremezo birimo imihandi n’ibindi.

Gitifu Charles yavuze kandi ko inzu zigera kuri 172 mu gihe izigera kuri 230 zo zangiritse bivuze ko aba bose bagomba kurara bimuwe ku mugoroba wo kuri uyu wa Kabiri tariki 8 Gicurasi 2018. Ahantu abaturage batuye ni mu manegeka akomeye cyane, ubuzima bwabo buri mu kaga
Amazu muri aka gace yasenyutse ku bwinshi, abaturage bararara mu nsengero abandi bajyanwe muri sitade


INKURU ZA :
Tanga Igitekerezo
Ibitekerezo 5
DAVID Kuya 15-05-2018

njyembona uriyamuhanda w’igatuna warasenywe namazimenshi yikuzimu kuko haruguru yawo harumye ntacyohabaye kdi muranabiziko hatuwe.

Norbert Kuya 10-05-2018

umuti sikwicana uwo nake nukumushyikiriza ubuyobozi

kanuma Kuya 9-05-2018

mwakwimutse hakirikare imvura ishizemo ikibatsi izonyakatsi zubatse kimisagara muruwo musozi mwazisang hasi zaraboze muhunge nyabuna mufate udusambi twanyu

bimawuwa Kuya 8-05-2018

Please abo mu mujyi wa kigali nta negotiations nimba batabishaka reta ikoreshe ingufu, naho iyo myiyemerere yabo bajye bayijyana ahandi.

bwiza Kuya 8-05-2018

Ikibazo gikomeye tugomba kwibaza ni iki.Kuki ibi aribwo bwa mbere bibaye mu gihugu hose icyarimwe?Muze kubaza ibyo sebeya yakoze muri lubavu muratangara

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...