AMAKURU

UKWEZI
ubumwe

Kamonyi: Umusore akurikiranyweho kwica umukobwa bari bagiye gukora ubukwe (VIDEO)

Kamonyi: Umusore akurikiranyweho kwica umukobwa bari bagiye gukora ubukwe (VIDEO)
15-06-2019 saa 19:20' | By Chief Editor | Yasomwe n'abantu 14006 | Ibitekerezo 7

Mu masaha ya mugitondo cyo kuri uyu wa Gatandatu tariki 15 Kamena 2019, nibwo abaturage bo mu mudugudu wa Gihembe, mu kagari ka Buhoro ho mu murenge wa Musambira mu karere ka Kamonyi, babyutse babikirwa urupfu rw’umukobwa witwaga Delphine bivugwa ko yiciwe mu rugo rw’umuvugabutumwa yari yahurijwemo n’umusore witwa Gerard bendaga gukora ubukwe, ndetse ngo yamwishe umunsi bari basigaye ari bonyine ngo banoze iby’ubukwe bwabo byari birimbanyije cyane ko hari haramaze no kubaho imihango yo gufata irembo.

Abaturage bo muri aka gace, basobanura ko aba bombi batabazi cyane uretse kuba bababonaga bacumbitse ku muvugabutumwa baturanye ufite itorero ryitwa "Ibuye rigeretse ku rindi". Amakuru abaturage bari bafite kuri aba bombi, ni uko umukobwa yitwaga Delphine, iwabo hakaba ari mu murenge wa Cyeza uhana imbibi n’uyu wa Musambira. Umusore ngo bazi ko yitwa Gerard, iwabo hakaba ari mu karere ka Burera ariko ubusanzwe akaba yibera mu gihugu cya Uganda.

Umukuru w’umudugudu wa Gihembe, yabwiye ikinyamakuru Ukwezi ko amakuru bahawe n’umupasiteri wari ubacumbikiye, ari uko kuri uyu wa Gatanu yabasize mu rugo ngo banoze ibya gahunda z’ubukwe bwabo, dore ko bari barimo gushaka ibyangombwa bibemerera gusezerana. Uyu muvugabutumwa ngo yagiye gusenga we n’umugore we, abana bo bajya ku ishuri, hanyuma Gerard na Delphine basigara mu rugo bonyine.

Hagati aho ubwo pasiteri yari mu masengesho, ngo yakiriye ubutumwa kuri telefone ye buturutse kuri Gerard bumubwira ko umukobwa yamubenze. Aho uyu mupasiteri atahiye bombi yarabashatse arababura ndetse na telefone zabo azihamagaye asanga ntiziri ku murongo.

Umukuru w’umudugudu akomeza asobanura ko Gerard yaje guhamagara pasiteri amubwira ko umukobwa yamwanze, ariko bikaba byatumye nawe akora amahano. Pasiteri yamubajije amahano yakoze undi amubwira ko yareba ibiturusu by’inkwi byari mu rugo, akabikuraho akareba ikirimo, undi abikuyeho asangamo umurambo wa Delphine.

Ubwo twakoraga iyi nkuru, umusore yari akirimo gushakishwa naho pasiteri we yatawe muri yombi. Abaturage kandi badusobanuriye ibyo bari bazi ku rukundo rwabo no ku bukwe bwabo, n’ibindi bitandukanye mushobora kwiyumvira mu kiganiro cy’amashusho twagiranye.

REBA VIDEO Y’IYI NKURU YOSE HANO:


INKURU ZA :
Tanga Igitekerezo
Ibitekerezo 7
Nduwimana Doroyhee .Imana imwakire mu bwami bwayo uwo musore mumushakishe afatwe ahanywe yakoze ikosa rikomeye. Kuya 19-06-2019

Birababaje none ko mu Rwanda mufise abakobwa beza nta wundi yarahari uwo musore yari gushima ? Ntivyoroshe mufate uwo muhimbiri ahanywe.

-xxxx- Kuya 19-06-2019

Ndumva bkz

-xxxx- Kuya 19-06-2019

Ndumva bkz

hakizimana theophile Kuya 16-06-2019

ahaaa! ntibyoroshye da

satani amereye nabi Abanyarwanda
Imana niyo ikwiriye gutabara
Abanyarwanda pe

hakizimana theophile Kuya 16-06-2019

ahaaa! ntibyoroshye da

satani amereye nabi Abanyarwanda
Imana niyo ikwiriye gutabara
Abanyarwanda pe

Lily Kuya 16-06-2019

Salut! Adelphine Ni uwo mu mudugudu wa Buruba, Akagari ka Kivumu, Umurenge wa Cyeza muri Muhanga Ntago yabaga Kwa Pasteur kuko nibwo yarakigenda yamanutse ku igare tumureba mu ma saa yine ku wa Gatandatu Ngo uwo musore amubwiye Ngo naze aramushaka uretse KO nabandi basengana bamanutse nyuma yabo kuko basanzwe basenga ku wa 6 ndetse Na mama we yahise ahaca ariko yageze aho Kwa pasteur umusore ahita amuteragura ibyuma abandi bahagera yapfuye. Imana imwakire mubayo😭!

Lily Kuya 16-06-2019

Salut! Adelphine Ni uwo mu mudugudu wa Buruba, Akagari ka Kivumu, Umurenge wa Cyeza muri Muhanga Ntago yabaga Kwa Pasteur kuko nibwo yarakigenda yamanutse ku igare tumureba mu ma saa yine ku wa Gatandatu Ngo uwo musore amubwiye Ngo naze aramushaka uretse KO nabandi basengana bamanutse nyuma yabo kuko basanzwe basenga ku wa 6 ndetse Na mama we yahise ahaca ariko yageze aho Kwa pasteur umusore ahita amuteragura ibyuma abandi bahagera yapfuye. Imana imwakire mubayo😭!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...