AMAKURU

UKWEZI
Canal+ christmax

Kamonyi : Umugabo yatemye mugenzi we aba ari we upfa none byateje urujijo

Kamonyi : Umugabo yatemye mugenzi we aba ari we upfa none byateje urujijo
24-02-2021 saa 15:39' | By Martin Niyonkuru | Yasomwe n'abantu 7789 | Ibitekerezo 3

Mu Murenge wa Rugarika mu Karere ka Kamonyi haravugwa inkuru y’umugabo watemye mugenzi we aho kugira ngo hapfe uwatemwe, hapfa uwatemye.

Byabaye mu ijoro ryo kuri uyu wa Kabiri tariki 23 Gashyantare 2021 mu Kagari ka Nyarubuye muri uyu Murege wa Rugarika mu Karere ka Kamonyi.

Muri iryo joro ni bwo umugabo rita Onesphore yarwanye na mugenzi we Tuyishimire ndetse uriya Onesphore akaza gukubita umuhoro mugenzi we mu bitugu agakomereka bakamujyana kwa muganga na ho uriya wamutemye akaba yahise yitaba Imana akiri ku gasozi.

Umunyamabanga Nshingwabikorwa w’Umurenge wa Rugalika, Umugiraneza Martha avuga ko byateje urujijo kubona uwatemye mugenzi we ari we wapfuye mu gihe uwatemwe akiri kwitabwaho kwa muganga.

Yagize ati “Ubundi barwanaga ariko nyine haje gupfa utatemwe, ni yo mpamvu byatugoye cyane kumenya ibyo ari byo n’ubu nta kintu turabasha kumenya mu buryo bufatika.”

Ngo ubwo batabaraga bihutiye kujyana uwatemwe mu gihe mugenzi we yari akiri mutaraga ndetse bakaba babanje no kumusaba kumujyana kwa muganga ariko nyuma akaza gupfa.

Uyu muyobozi avuga ko inzego zahise zitangira iperereza ku cyateye buriya bushyamirane ndetse n’icyateye urupfu rw’uriya mugabo.

UKWEZI.RW


INKURU ZA :
Tanga Igitekerezo
Ibitekerezo 3
Boston Kuya 25-02-2021

Basuzume barebe icyabiteye

P.Ezechias Kuya 25-02-2021

Urupfu rw’uyu muntu rushobora guterwa n’impamvu 5 :
1. Kuba yaratemye umuntu uroga cyangwa ukoresha imbaraga z’umwijima,
2. Kuba uwo barwanaga yaramukubise ahantu runaka
3. Kuba yarakubiswe mu ibanga n’abandi bantu bihimuraga batamenyekanye,
4. Kuba yaratewe ubwoba n’ishyano yari amaze gukora agafatwa n’umutima,
5. Kuba yaba yari afite igihango (Baranywanye) n’uwo yatemye.

Gatunge ellia mugabowingwe Kuya 25-02-2021

Ibyo bintu birimo urujijo barebe niba barwana nahanu yamukubise hica ark wasanga ari amarozi

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA