AMAKURU

UKWEZI
cheno 2020

Gisagara: Umugabo yishe umugore we amukase ijosi ngo yamuketseho amarozi

Gisagara: Umugabo yishe umugore we amukase ijosi ngo yamuketseho amarozi
7-05-2018 saa 11:51' | By Akayezu Jean de Dieu | Yasomwe n'abantu 4636 | Ibitekerezo 5

Kuri iki Cyumweru tariki 6 Gicurasi 2018, umugabo w’imyaka 23 yishe umugore we amukase ijosi arangije yijyana kuri Polisi, abajijwe n’Urwego rw’Igihugu rishinzwe Ubugenzacyaha impamvu yabimuteye avuga ko ngo yabitewe n’uko umugore we yajyaga amuroga.

Uyu mugabo n’umugore we babanaga mu buryo butemewe n’amategeko mu mudugudu wa Sanzu, akagari ka Cyiri, Umurenge wa Gikonko muri Gisagara, Intara y’Amajyepfo. Ku mugoroba wo ku Cyumweru nibwo uyu mugabo yamukase ijosi akoresheje icyuma maze ahita yitaba Imana.

Abaturanyi b’uyu muryango bavuze ko wari usanzwe ubanye mu buryo butari bwiza dore ko muri uru rugo hahoraga amakimbirane ngo umugabo akaba yahoraga acyurira umugore we umwanda, amutuka ndetse anamukubita anamushinja amarozi.

Umuvugizi w’Urwego rw’Igihugu Rushinzwe Ubugenzacyaha, Modeste Mbabazi yabwiye Ukwezi.com ko uyu mugabo yamaze kwica uyu mugore we akizana kuri Polisi akavuga ko yamwishe kubera ko yajyaga amuroga.

Yagize ati “Amakuru twayamenye kuko ni nawe ubwe amaze kumwica yizanye kuri Polisi yakirwa n’abakozi ba RIB hanyuma atangiye gusobanura yiregura avuga ko uwo mugore yamurogaga. Ibyo rero kuva yamaze gushyikirizwa ubugenzacyaha arimo arakorerwa dosiye kugira ngo abazwe ayo mahano yakoze hanyuma ashyikirizwe ubutabera.”

Mbabazi kandi yavuze ko ubutumwa bw’umwihariko ari ugukangurira abaturage kwirinda ibikorwa nk’ibi by’iyicarubozo hanyuma bakajya banatangira amakuru ku gihe cyane ko ngo muri uru rugo hari hamaze igihe havugwa amakimbirane hagati y’uyu mugabo n’umugore we.


INKURU ZA :
Tanga Igitekerezo
Ibitekerezo 5
C I L Kuya 29-05-2018

gisagara we turananiranye2!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Ndayisaba martin Kuya 9-05-2018

Uwogabo nahanwe ariko uwomugabo yari afite 25 ahubwo uwoyishe niwe warufite23 ndi mukagari byabetwari duturanye

Anicetp Kuya 8-05-2018

Uwo Yarinshoreke Sumugabo

Rasita Kuya 8-05-2018

Uwomugabo wishe umugore we ubuyobozi buzamuhane byintangarugero!

KARAB Kuya 7-05-2018

ntamugabo wimyaka23 ubaho babita ingirwabagabo kuko ubwana buba bukimurimo

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...