AMAKURU

UKWEZI
ubumwe

Gisagara-Kigembe: ’Mudugudu yakubise umuturage akatirwa imyaka 3 ariko yibereye mu rugo akomeje kudutera ubwoba’ [VIDEO]

Gisagara-Kigembe: ’Mudugudu yakubise umuturage akatirwa imyaka 3 ariko yibereye mu rugo akomeje kudutera ubwoba’ [VIDEO]
11-11-2019 saa 13:05' | By Nsanzimana Ernest | Yasomwe n'abantu 3805 | Ibitekerezo 1

Bamwe mu baturage bo mu mudugudu wa Nyarunyinya akagari ka Rusagara barashinja umuyobozi w’ umudugudu Barutwanayo Emmanuel ko afatanya n’ umuyobozi w’ akagari bagatera ubwoba abaturage.

Barutwanayo nubwo adafunze urukiko rwamuhamije icyaha cyo gukubita no gukomeretsa n’ icyaha cyo kurandura imyaka y’ umuturage.

Barutwanayo Emmanuel yakatiwe n’ urukiko rw’ ibanze rwa Ndora igifungo cy’ imyaka 3 no kwishyura ihazabu y’ ibihumbi 500, nyuma yo kumuhamya icyaha cyo gukubita umuturage.

Umugore witwa Musabyimana Thereza avuga ko mudugudu Barutwanayo yamukubise mu kwezi kwa 3 uyu mwaka wa 2019. Icyo gihe ngo hari saa tatu z’ ijoro agiye gushaka umukozi wo kumuhingira ahura na mudugudu ari kumwe n’ undi mugabo witwa Nkurunziza Jean Baptiste bamukubita bavuga ko nta mugore wo kugenda ijoro.

Tariki 23 Ukwakira 2019 nibwo Mudugudu Barutwanayo Emmanuel na Nkurunziza Jean Baptiste.


Musabyiamana Thereza avuga uko yakubiswe na Mudugudu Barutwanayo

Nk’ uko bigaragara ku myanzuro y’ urukiko UKWEZI dufitiye kopi , iyi myaka y’ igifungo izatangira kubarwa ari uko Nkurunziza na Barutwanayo bafashwe bagafungwa imyanzuro y’ urukiko yamaze kuba ntakuka.

Inzobere mu bijyanye n’ amategeko zivuga ko kuba aba bagabo badafunze nyamara barakatiwe n’ urukiko ari ibintu bisanzwe. Ngo iyo umuntu yaburanye adafunze afungwa ari uko imyanzuro y’ urukiko yamaze kuba ntakuka cyangwa mu gihe bigaragaye ko ashobora gusibanganya ibimenyetso, cyangwa agatoroka ubutabera.

Nkurunziza bivugwa ko yatorotse. Barutwanayo Emmanuel ntabwo yatorotse kuko umunyamakuru yageze mu rugo iwe amusangayo gusa icyo gihe yavuze ko ntacyo ashaka kuvugana n’itangazamakuru.

Musabyimana avuga ko Barutwanayo afatanya n’ umunyamabanga Nshingwabikorwa w’ akagari ka Rugasagara bagatera ubwo abatangabuhamya be.

Agira ati “Kuba uyu muyobozi(mudugudu) akiri hafi yacu birambangamiye hamwe n’ abatangabuhamya bose birababangamiye abatera ubwoba.”.

Uyu muyobozi w’ umudugudu kandi urukiko rwamukatiye igifungo cy’ umwaka nyuma yo kumuhamya icyaha cyo kurandura imyumbati n’ urutoki rw’ umuturage witwa Nzeyimana Innocent.


Nzeyimana Innocent

Nzeyimana Innocent avuga umunyamabanga Nshingwabikorwa w’ akagari ka Rusagara Ndayishimiye Jean de Dieu afatanya na Mudugudu Barutwanayo kurenganya abaturage. Ibi ngo abishingira ku kuba Ndayishimiye yaremeje ko Barutwanayo yaranduye imyumbati y’ amahunge n’ insina bye nyuma akongera akandikira urukiko abivuguruza.

Imyumbati ya Nzeyimana Innocent yaranduwe tariki 2 Nzeri 2018 , insina zirandurwa tariki 2 Ukwakira 2018.


Urukiko rwemeje ko Barutwanayo yaranduye imyaka ya Nzeyimana rumukatira gufungwa umwaka

Mudugudu yaranduye iyi myaka avuga ko ihinze mu murima we, gusa na Nzeyimana Innocent yeretse umunyamakuru icyangombwa cy’ ubutaka yemeza ko uwo murima ari uwe.

Ikinyamakuru UKWEZI twagerageje kuvugana n’ Umunyamabanga Nshingwabikorwa w’ umusigire w’ umurenge wa Kigembe Florence Kayisharaza ngo agire ku kuba Musabyimana Thereza na Nzeyimana Innocent bavuga ko gitifu Ndayishimiye Jean de Dieu na Mudugudu Barutwanayo Emmanuel bafatanya kurenganya abaturage ntibyadushobokera.

Uko Musabyimana yakubiswe

Impapuro zigaragaza imikirize y’ izi manza





INKURU ZA :
Tanga Igitekerezo
Ibitekerezo 1
Innocent Kuya 13-11-2019

Mudugudu uwo ndamwemera tu! Ntamugore wo kugenda ijoro. Niho bahera bigira ibyigenge ngo ni uburinganire. Mudugudu bahate igiti!!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...