AMAKURU

UKWEZI
ubumwe

Gicumbi: Banyoye ubushera mu birori 2 barapfa abarenga 60 bajyanwa kwa muganga

Gicumbi: Banyoye ubushera mu birori 2 barapfa abarenga 60 bajyanwa kwa muganga
12-08-2019 saa 13:51' | By Nsanzimana Ernest | Yasomwe n'abantu 2042 | Ibitekerezo

Mu murenge wa Kaniga w’ akarere ka Gicumbi mu majyaruguru y’ u Rwanda abantu babiri bapfuye abandi bajyanwa kwa muganga nyuma yo kunywa ubushera bukabagwa nabi.

Ku wa Gatandatu w’ icyumweru gishize nibwo yakiriye abashyitsi bari baje kumuhemba. Abantu banyoye ubushera yari yatuwe baguwe nabi, gusa babanza kwaga kujya kwa muganga bakeka ko barozwe.

Bigeze ku Cyumweru mu ma saa sita umwe muri bo yarapfuye, abaturage bahita babona ko bikomeye bahamagara ubuyobozi bubajyana kwa mu muganga.

Aba barwayi bari bafashwe no gucisha hasi no hejuru 63 bahise bajyanwa ku kigo Nderabuzima cya Murindi kugira ngo bitabweho ariko umwe muri bo w’umwana w’imyaka irindwi na we ahita ashiramo umwuka.

Batanu muri bo bari barembye cyane bahise boherezwa ku bitaro bya Gicumbi, 25 bitabwabo bacumbikiwe ku kigo Nderabuzima mu gihe abandi 30 bo bavuwe bagataha.

Nteziryayo Anastase , Ushinzwe Iterambere ry’ Ubukungu mu karere ka Gicumbi yavuze ko abapfuye bahitanywe n’ umwuma kubera gucisha hasi no hejuru.

Akomeza asaba abantu kugira isuku ku binyobwa bagiye guha abantu kuko muri iki gihe cy’ impeshyi ubukwe buba ari bwinshi cyane.

Ati “Urebye nta kindi cyabiteye ni umwanda bishobora kuba byarateguwe nabi, bagakoresha amazi adatetse kandi duhora tubashishikariza gukoresha amazi atetse kugira ngo bayakoreshe bizeye ko microbe n’ indi myanda yapfuye”.

Umuyobozi w’ Ikigo Nderabuzima cya Mulindi nawe yavuze ko badafite ubushobozi bwo gupima ngo bamenye icyahumanyije bariya bantu gusa bakeka ko ari umwanda wabiteye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...