AMAKURU

UKWEZI
cheno 2020

Gasabo: Umugore ukekwaho kwica umugabo amunize, arashinjwa ko yanatwaraga abagabo b’abandi

Gasabo: Umugore ukekwaho kwica umugabo amunize, arashinjwa ko yanatwaraga abagabo b’abandi
5-02-2020 saa 18:00' | By Nsanzimana Ernest | Yasomwe n'abantu 13992 | Ibitekerezo 7

Mu gitondo cyo kuri uyu wa 5 Gashyantare nibwo hamenyekanye inkuru y’umugore witwa Mukanyamibwa Epiphanie ukekwaho kwica umugabo we Hungumukiza Thomas, abaturanyi bavuga ko uyu mugore n’ubusanzwe yari yarazengereje umugabo we.

Amakuru avuga ko mu ijoro ryo ku wa Kabiri rishyira ku wa Gatatu uyu mugore yatashye asanga umugabo we asinziriye, aramuniga aramwica arangije aramukurubana amujyana mu cyumba cy’abashyitsi. Ibi ni ibivugwa n’umukozi wo muri urwo rugo n’abaturanyi batabaye bwa mbere.

Byabereye kagari ka Karuruma mu murenge wa Gatsata aho uyu muryango utuye mu nzu ihenze. Uyu mugore asanzwe ari umucuruzi w’akabari naho Hungumukiza yari enjenyeri mu bwubatsi.

Umwe mu batabaye yagize ati “Nageze mu nzu nsanga umugabo yapfuye, umugore amuhagaze iruhande ari kumuhungiza. Kuko nabonye yari afite urufuzi ashobora kuba yamunize”.

Undi muturanyi ati “Noneho umugore amaze kumuniga atangira guhamagara inshuti z’umugabo ngo muze muntabare kanaka ari muri koma. Yamufashe aramukurura amujyana mu cyumba cy’abashyitsi”.


Abazi Hungumukiza Thomas bavuga ko yari umugabo witonda ucira bugufi umugore we

Bamwe mu baturanyi bavuga ko Hungumukiza yitondaga cyane ndetse ngo umugore yamurushaga ijambo, ngo umugore yajyaga amusaga mu kabari akamubwira ngo natahe akitahira kugira ngo badatera amahane.

Umwe mu bagore yagize ati “Mama Vilgile umugabo we yitondaga pe! Yitondaga mu buryo bw’intangarugero ku buryo yabaga ari mu rugo umugore yibereye mu kabari. Umugore yabaga akenshi yibereye muri hoteli ari kwibyinana n’abagabo”.

Abagore baturanye na Mama Vilgile (Epiphanie) bemeza ko Hungumukiza Thomas yari yaramuhaye rugari atajya yivanga mu bibazo byo kuba umugore we amubangikanya n’abandi bagabo.

Umwe ati “Umugabo wese ufite amafaranga ntabwo yamucikaga. Umugabo wanjye yanyweragayo noneho barakundana cyane udufaranga twose akoreye akajya atujyanayo. Nigeze kujyayo ngiye kumureba yaramfashe araniga arajwigiriza akubita inkweto mu mutwe. Yitwazaga uko areshya n’ubwiza bwe, nonese ko abagabo ariho biberaga”.

Undi ati “Abagabo bose niho biberaga uwo ubuze wese niho wajyaga kumushakira. Uriya mugore nziko agira amahane n’abakozi yabakubitaga mbibona ariko umugabo we yatuvugishaga neza, ntakibi cye nzi pe”.

Ibyo bamwe bavuga ko uyu mugabo yari umuntu ucira bugufi umugore we, hari ababibona nk’aho uyu mugabo yari yaragizwe inganzwa.

Gusa nubwo abaturage bavuga ko uyu mugore yatahaga atinze ari mu kabari umuntu yakwibaza impamvu babibona nk’ikosa kandi n’ubusanzwe uyu mugore yacuruzaga akabari. Akenshi mu masaha y’ijoro ubucuruzi bw’akabari nibwo buba burimbanyije.

Umuvugizi wa RIB, Marie Michelle Umuhoza yatangaje ko uyu mugore yatawe muri yombi gusa ngo ibijyanye n’uburyo uyu mugabo yapfuye biracyari mu iperereza.

Yagize ati “Mu gitondo RIB yabonye amakuru, umudamu witwa Mukanyamibwa Epiphanie ashobora kuba yishe umugabo we witwa Hungumukiza Thomas, ibikorwa by’iperereza rero byatangiye Mukanyamibwa yafashwe, iperereza riri gukorwa kugira ngo hamenyekanye ukuri kwabyo”.

Umuhoza Michelle avuga ko ibijyanye n’uko uyu mugabo yishwe bizagaragazwa n’iperereza.


Uyu muryango urifashije


INKURU ZA :
Tanga Igitekerezo
Ibitekerezo 7
Ikorukwishaka steven Kuya 7-02-2020

Yooo shanajyendiumushofer iriyamanukayarikaze umushofer agiruruhukoridashir

Ikorukwishaka steven Kuya 7-02-2020

Yooo shanajyendiumushofer iriyamanukayarikaze umushofer agiruruhukoridashir

Ikorukwishaka steven Kuya 7-02-2020

Yooo shanajyendiumushofer iriyamanukayarikaze umushofer agiruruhukoridashir

Ikorukwishaka steven Kuya 7-02-2020

Yooo shanajyendiumushofer iriyamanukayarikaze umushofer agiruruhukoridashir

Ikorukwishaka steven Kuya 7-02-2020

Yooo shanajyendiumushofer iriyamanukayarikaze umushofer agiruruhukoridashir

Bebe Kuya 7-02-2020

Ndumiwe pee hagati aho ndanababaye subu koko icyo cyigore isura yumugabo wacyo izamuva mu maso.interahamwekazi ziracyari nyinshi pee.Imana itabare imiryango

Hafashimana Etienne Kuya 7-02-2020

RIB nidufashe

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...