AMAKURU

UKWEZI
pax

Gakenke : Abantu babiri bapfiriye mu kirombe

Gakenke : Abantu babiri bapfiriye mu kirombe
31-08-2020 saa 16:51' | By Akayezu Jean de Dieu | Yasomwe n'abantu 2449 | Ibitekerezo

Abaturage babiri bo mu Murenge wa Cyabingo mu Karere ka Gakenke Intara y’Amajyaruguru bagiye bapfiriye mu kirombe gicukurwamo amabuye y’agaciro nyuma yo kujyamo bakabura umwuka.

Ibi byabaye kuri uyu wa Mbere tariki 31 Kanama 2020, ubwo aba baturage basanzwe bakorera ikigo gikora ubucukuzi bw’amabuye y’agaciro cyitwa ‘Cyabingo Mining Company’ bajyaga mu kirombe bakaza kubura umwuka.

Bivugwa ko iyi kompanyi isanzwe ikorera mu Murenge wa Cyabingo ifite ibyangombwa ndetse ngo yari isanzwe ifite imashini zohereza umwuka mu birombe ariko uyu munsi bagerageje kubikora ariko biranga biba iby’ubusa kuko bari batinze kuwoherezamo.

Abapfuye bari mu kigero cy’imyaka 24 na 38 y’amavuko nk’uko byatangajwe n’ubuyobozi bw’inzego z’ibanze muri uyu Murenge wa Cyabingo.

Mu kiganiro na UKWEZI, Umunyamabanga Nshingwabikorwa w’Umurenge wa Cyabingo, Mukeshimana Alice yavuze ko abakora ubucukuzi bw’amabuye y’agaciro basanzwe babifitiye uburenganzira ndetse bafite n’ibikoresho byabugenewe.

Gitifu Mukeshimana avuga ko ikibazo gishobora kuba cyabayeho uyu munsi ari uko aba baturage babiri bagiye mu kirombe batitwaje imashini yongera umwuka.

Yakomeje agira ati “Turihanganisha imiryango yaburiyemo ababo ariko nanone ubutumwa tugenera abakora ubucukuzi ni uko cyane cyane mbere yo kwinjira mu mwobo bagomba kumenya niba aho bagiye harimo umwuka uhagije.”

“Ikindi tubasaba ni uko mbere yo kujya mu mirimo bagomba kwitwaza ibikoresho byose kandi bakareba niba hari ibibura bakabanza kubishaka.”

Imirambo y’aba bagabo babiri bitabye Imana yahise ijyanwa mu buruhukuro bw’Ibitaro bya Nemba kugira ngo hakorwe isuzuma.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA