Ubuyobozi bwa Polisi y’Igihugu bwagize Commissioner of Police (CP) John Bosco Kabera Umuvugizi wayo, asimbuye CP Theos Badege wari usanzwe kuri uyu mwanya.
Ku mugoroba wo kuri uyu wa Mbere nibwo Polisi y’igihugu isohoye itangazo rivuga iby’izi mpinduka.
Uretse imirimo y’Ubuvugizi bwa Polisi y’igihugu, CP Kabera yanashinzwe kumenyekanisha ibikorwa bya Polisi no gutsura imikoranire hagati yayo n’itangazamakuru.
CP Theos Badege wasimbuwe kuri uyu mwanya yari awumazeho imyaka ibiri aho yari yahawe izi nshingano tariki 24 Ukwakirea 2018, asimbuye Celestin Twahirwa wahise agirwa Umuyobozi w’Ishami rya Polisi rishinzwe imikoranire ya Polisi n’abaturage, Community Policing icyo gihe.