AMAKURU

UKWEZI

Abantu biyitiriraga IBUKA bafashwe barimo kwiba iby’akayabo kuri Nyirangarama

Abantu biyitiriraga IBUKA bafashwe barimo kwiba iby’akayabo kuri Nyirangarama
24-05-2018 saa 21:09' | By Chief Editor | Yasomwe n'abantu 13028 | Ibitekerezo 6

Ku gicamunsi cyo kuri uyu wa Kane tariki 24 Gicurasi 2018, abantu babiri bakoranaga n’abandi bataramenyekana umubare, bafatiwe kuri Entreprise Urwibutso ahazwi nko kwa Nyirangarama mu karere ka Rulindo mu ntara y’Amajyaruguru, bamaze gupakira ibintu bifite agaciro k’amafaranga y’u Rwanda asaga 5.100.000, ibi bakaba bakurikiranyweho gushaka kubyiba babeshya ko ari abakozi b’Umuryango IBUKA urengera inyungu z’abacitse ku icumu rya Jenoside yakorewe Abatutsi.

Umwe mu bakozi ba Entreprise Urwibutso ahazwi nko kuri Nyirangarama, yabwiye Ikinyamakuru Ukwezi.com ko mu minsi ishize ari bwo abo bantu babiri bagiye kuri Nyirangarama bavuga ko ari abakozi ba IBUKA ndetse banambaye ibibaranga (badges) bigaragaza ko bakorera IBUKA, bakabwira umucungamutungo ko bakeneye ibintu bitandukanye birimo Agashya (Juice) ndetse n’Akandi (amazi) byose bihwanye n’amafaranga y’u Rwanda asaga miliyari eshanu.

Sina Gerard uyobora Entreprise Urwibutso, yahamije iby’aya makuru mu kiganiro yagiranye n’Ikinyamakuru Ukwezi.com. Yadutangarije ko abo bantu babiri bari babeshye ko hari igikorwa kijyanye no kwibuka bazakorera i Burasirazuba, bakanageza kuri Nyirangarama impapuro mpimbano zihamya ko babahaye isoko ryo kuzabaha ibyo bikoresho bazakenera.

Akomeza avuga ko ubuyobozi bwa Entreprise Urwibutso bwagize amakenga kuri uyu wa Kane ubwo abo bantu bahageraga bafite imodoka bagapakira ibyo byose bari bagaragaje ko IBUKA izishyura, maze bitabaza Polisi ihita ita muri yombi abo uko ari babiri ubu bakaba bafungiwe i Rulindo mu gihe hagishakishwa abandi bavuganaga bahamya ko ari abayobozi ba IBUKA.


INKURU ZA :
Tanga Igitekerezo
Ibitekerezo 6
Furere Kuya 5-06-2018

Ariko kuki abantu babaye ibikange? Kuki mutabanza kugenzura koko abo bantu bavuye muri IBUKA? Kuki muba mutabanje kubaza IBUKA yo ku Karere? Murebe niba nta complicite

Furere Kuya 5-06-2018

Ariko kuki abantu babaye ibikange? Kuki mutabanza kugenzura koko abo bantu bavuye muri IBUKA? Kuki muba mutabanje kubaza IBUKA yo ku Karere? Murebe niba nta complicite

Karingo Kuya 29-05-2018

sawa ubwo babacakiye, ubwo barabisobanura neza bagaragaze n’uwabatumye

Masumbuko Kuya 26-05-2018

Nuko bafashwe uyumunsi munsi naho ubundi munzego baratunaze biyitirira icyo batari cyo. Natwe kubera guhahamurwa n ubuyobozi duhita dutanga byose nko kwigura naho rwose abaturage twararenganye.

Masumbuko Kuya 26-05-2018

Nuko bafashwe uyumunsi munsi naho ubundi munzego baratunaze biyitirira icyo batari cyo. Natwe kubera guhahamurwa n ubuyobozi duhita dutanga byose nko kwigura naho rwose abaturage twararenganye.

emmy Kuya 25-05-2018

Abobantu bakora ibyo muge muberekana tubamenye tubirinde ndetse

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...