AMAKURU

UKWEZI
ubumwe

Rulindo: Umusore yagiye gusambana mu rugo rw’ abandi yica nyiri urugo nawe araraswa arapfa

Rulindo: Umusore yagiye gusambana mu rugo rw’ abandi yica nyiri urugo nawe araraswa arapfa
10-11-2019 saa 16:31' | By Nsanzimana Ernest | Yasomwe n'abantu 10028 | Ibitekerezo 2

Mu murenge wa Burega mu karere ka Rulindo, umusore witwa Twiringiyimana uri mu kigero cy’ imyaka 20 yarashwe n’ inzego z’ umutekano. Amakuru atangazwa n’ inzego z’ ibanze aravuga ko uyu musore yagerageje kurwanya inzego z’ umutekano ubwo zari zigiye kumuta muri yombi.

Saa mbili z’ umugoroba kuri uyu wa Gatandatu tariki 9 Ugushyingo 2019 nibwo Uzabakiriho Jean Claude yatashye avuye ku isanteri ya Kiyanza ageze mu rugo iwe mu kagari ka Butangampundu usanga umusore witwa Twiringiyimana yamwinjiriye urugo.

Uyu musore Twiringiyimana ngo yahise atera icyuma Uzabakiriho aramwica, amaze kumwica arahunga.

Umunyamabanga Nshingwabikorwa w’ Umurenge wa Burega Mbera Rodrigue yatangarije UKWEZI ko nyuma y’ ibyo Polisi y’ u Rwanda yagiye guta muri yombi Twiringiyimana ashaka kuyirwanya akoresheje intwaro gakondo niko kuraswa arapfa.

Ati “Nyiri urugo uwo nguwo wapfuye yatashye ageze mu rugo asanga harimo umusore, bararwana amutera icyuma arapfa, hanyuma uwo musore aragenda aracika ajya iwabo kuko ni uwo mu murenge wa Ntarabana duturanye. Polisi yagiye kumushakisha ashaka kuyirwanya nayo, byagaragaraga ko yari yanyoye inzoga kandi afite n’ ibikoresho byakwangiza n’ undi uwo ariwe wese, nawe baramurasa arapfa”.

Gitifu Mbera avuga ko uwo musore atari umushyitsi muri urwo rugo. Ati “Urebye yari umusambane we kuko si ubwa mbere bari bamushyize mu majwi ko asambana n’ uwo mudamu”.

Umurambo wa Twizeyimana n’ uwa Uzabakiriho Jean Claude yajyanywe ku bitaro bya Rutongo.

Umugore wa Uzabakiriho ukekwaho kuba yacaga inyuma umugabo we yafashwe n’ inzego z’ umutekano kugira ngo age gutanga amakuru y’ ibyabaye.

Uzabakiriho Jean Claude yari afite imyaka 39. We n’ umugore we bari bafitanye abana babiri.

Abayobozi b’ inzego z’ ibanze baganirije abaturage babaha ubutumwa bw’ ihumure, bunabasaba kwirinda amakimbirane yo mu ngo.


INKURU ZA :
Tanga Igitekerezo
Ibitekerezo 2
Evergiste Kuya 19-11-2019

Ariko nkuwo musore ko numvuse yari akirimuto yarwanaga ni iki?

biziraguteba Kuya 11-11-2019

Ubwose uwo mugore azahanirwa ikihe cyaha?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...