konka coffee
KONKA

AMAKURU

UKWEZI
ubumwe

Umuzungu yavuze inkuru ye y’ ukuntu yapfuye bamujyana muri morgue akazuka

Umuzungu yavuze inkuru ye y’ ukuntu yapfuye bamujyana muri morgue akazuka
27-03-2019 saa 16:02' | By Nsanzimana Ernest | Yasomwe n'abantu 5187 | Ibitekerezo 1

Umugabo wafashwe n’ uburwayi bw’ umutima umugore we amwihutana kwa mu muganga agezeyo arapfa bamujyanye muri morgue azukira mu nzira.

Joao Araujo uzwiho gufana umupira w’ amaguru cyane, ibyamubayeho byatumye bamuhimba Mugabo w’ Igitangaza.

Nubwo iyi nkuru aribwo uyu mugabo yayitangaje hashize imyaka 10 ibaye. Tariki 18 Mata muri 2009 nibwo uyu mugabo yari atwaye umugore we Grazielle amujyanye ku kazi bageze mu nzira umutima we urahagarara.

Grazielle yahise ahamagara ambulance ajyana umugabo we kwa muganga mu bitaro bya Royal de Gloucestershire. Uyu murwayi bamuteye imiti mu gihe cy’ amasaha atandatu yose ntibyagira icyo bitanga ahubwo bigeze saa n’ ebyiri z’ umugoroba arapfa.

Umugore we n’ abana be babonye apfuye bahise bahamagara ababyeyi b’ uyu mugabo babamenyesha iyo nkuru y’ akababaro. Ari nako abaforomo bitegura kujyana umurambo muri morgue.

Nk’ uko byatangajwe na Afrikmag, ubwo abaforomo barimo basunika umurambo bawujyana muri morgue babonye uwo murambo winyeganyeje nyamara hari hashize iminota 21 apfuye.

Dr Mark Petersen inzobere mu kuvura indwara z’ umutima, yahise ajya kubwira umuryango wa Araujo ko azutse. Abasobanukiwe ibijyanye n’ ubuvuzi bavuga ko iyo umuntu apfuye mu minota ine ubwoko bwe buba bwamaze kwangirika niyo yakongera akazuka. Impamvu ni uko nta oxygen iba iri kubugeramo, bityo ngo niyo azutse ubwonko bwe ntibwongera gukora neza.

Uyu mudogiteri yafatanyije n’ abandi bashakashatsi ngo bamenye icyabaye kuri Araujo ariko babiburira igisobanuro. Impamvu iyi nkuru itamenyekanye ikiba ni uko uyu mugabo yanze ko bitangazwa avuga ko adashaka kuba icyamamare.

Amaze kuzuka yagiye muri koma amaramo iminsi itatu arakanguka. Avuga ko amaze gukanguka abana be bamubajije niba azongera kureba umupira akabasubiza ko atawuvirira.

Nyuma y’ ibyumweru bitatu abaganga bemeje ko ubwoko bwe nta kibazo bwagize baramusezerera arataha yisubirira mu kazi bisanzwe.

Ikinyamakuru The Sun cyandikirwa mu Bwongereza cyatangaje ko uyu mugabo wo muri Espagne yazutse inshuro ebyiri kuko muri 2005 yakoreye impanuka y’ imodoka mu gihugu cya Espagne akavunagurika cyane ariko ntapfe.


INKURU ZA :
Tanga Igitekerezo
Ibitekerezo 1
JEN Kuya 21-04-2019

Nabakunze

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...