AMAKURU

UKWEZI
ubumwe

Umugore wo muri Kenya yaciye agahigo ko kumara amasaha menshi atetse

Umugore wo muri Kenya yaciye agahigo ko kumara amasaha menshi atetse
19-08-2019 saa 15:23' | By Nsanzimana Ernest | Yasomwe n'abantu 3497 | Ibitekerezo

Umugore wo muri Kenya mu mujyi wa Mombasa, Maliha Mohammed ufite imyaka 36 yanditswe mu gitabo cy’ abanyaduhigo Guinness World Record nyuma yo gutsinda irushanwa cooking marathon amaze amaha 75 atetse ubudahagarara.

Maliha yatangiye guteka ku wa Kane tariki 15 Kanama ageza ku Cyumweru tariki 18 saa yine z’ igitondo agitetse.

Yatsinze umunya-California, wamaze amasaha 68 n’ iminota 30 n’ isagonda 1 atetse mu Ukuboza 2018.

Ubwo yaganiraga n’ itangazamakuru kuri Kenya Bay Beach Hotel i Mombasa, Maliha amarira y’ ibyishimo yamubungaga mu maso kuko yari amaze gutangazwa ko ariwe utsinze.

Yagize ati “Ndashimira Imana, umuryango wanjye, Pwani Oil Company n’ undi wese wabigizemo uruhare kugira ngo ngere kuri iyi nsinzi. Nejejwe no kuba umugore wa mbere muri Afurika uhawe iyi title”

Uyu mugore wabyimbye amaguru kubera guhagarara umwanya munini yatetse amoko 400 y’ amafunguro atandukanye.

Mu mafunguro yatetse harimo ayo muri Kenya n’ ayo ku rwego mpuzamahanga arimo amoko 10 ya pizza. Ibyo yatetse birimo amandazi, biryani, chapati, coconut beans, chicken periperi, githeri, mukimo, ifi yumutse, bacon n’ amoko atandukanye y’ imitobe.

Ubwo yatangazwaga ko atsinze ntabwo yabashaga kugenda kubera umunaniro. Yagize ati "Buri masaha 12 nafataga akaruhuko k’ iminota 30 gusa ndashimira Imana kuba mbigezeho ngiye gufata umwanya uhagije nduhuke”.

Maliha yatangiye kwitoza mu mpera za 2018, ubwo yaherukaga kwitoza muri Kamena uyu mwaka yamaze amasaha 54 atetse.

Umuyobozi wa Pwani Oil Company, Rajul Malde yashimiye uyu mugore avuga ko afite icyizere ko Guinness World Record izafasha uyu mugore agatemberera mu bihugu bitandukanye yerekana inteko zo muri Kenya bigafasha Kenya guteza imbere ubukerarugendo.

Mu byumweru bibi biri imbere nibwo Guinness world records izatangaza bidasubirwaho ko uyu mugore wo muri Kenya ariwe waciye agahigo ko kumara igihe kirekire atetse imaze gusuzuma amashusho camera zafashe uyu mugore atetse.

Uyu mugore niyandikwa muri iki gitabo azaba asanzemo abandi Banyakenya basiganwa ku maguru barimo Tegla Lorupe, Paul Tergat, Daniel Komen na Samuel Wanjiru.

Dail nation yatangaje ko undi Munyakenya wanditswe muri iki gitabo cy’ abanyaduhigo ni Joseph Love, 1992 yakamye inka 30 mu masaha 24 akoreshe amaboko.

Muri Mata 2018, Maliha nabwo yari yemerewe kwitabira iri rushanwa ariko ntabwo yabashije kuryitabira mu Ukuboza 2018 kuko atari yakabonye amafaranga yamufasha kugura ibikoresho.

Kugira ngo abashe kubigeraho yafashijwe na cameraman wamufashe video yacaga kuri youtube Live, akanamufotora amafoto, hari abamuhaye amafu yo kwifashisha n’ ibindi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...