AMAKURU

UKWEZI
ubumwe

Umugabo w’ imyaka 35 yapfuye urw’ amayobera kubera gutera akabariro umwanya munini

Umugabo w’ imyaka 35 yapfuye urw’ amayobera kubera gutera akabariro umwanya munini
15-08-2019 saa 13:43' | By Nsanzimana Ernest | Yasomwe n'abantu 12243 | Ibitekerezo 4

Umugabo w’ imyaka 35 wo mu gihugu cya Kenya yitabye Imana aguye mu maguru y’ umugore umurusha imyaka 15 bateraga akabariro.

Ibi byabaye mu ijoro ryo ku Cyumweru inkuru imenyekana mu gitondo cyo ku wa Mbere.

Julius kiptoo bivugwa ko yari yagasomye kuko yari yagorobereje mu kabari ko hafi y’ ikibuga mpuzamahanga cy’ indege cya Eldoret ahitwa Sachangwan.

Kiptoo yaje gushaka uwo mugore umugambi barawunoza bajya kwihera akabyizi mu murima w’ ibigori.

Aha niho umurambo wa nyakwigendera watoraguwe mu gitondo cyo ku wa Mbere nk’ uko byatangajwe na Nairobi News.

Uyu mugore yabwiye abashinzwe iperereza ko nyakwigendera yanyoye ibinini byongera ubushake bwo gutera akabariro bigatuma atera akabariro kugeza umwuka umushizemo.

Ati “Twari mu nzira tujya mu rugo, agezeho kwihangana biramunanira tujya mu murima w’ ibigori. Yatangiye acika intege igikorwa kigikomeje mu kanya gato aba arapfuye”.

Uyu mugore avuga ko yahise ahamagara abaturanyi bahageze basanga umugabo byarangiye. Nyakwigendera yakoraga imirimo y’ amaboko.

Abapolisi bakorera kuri sitasiyo ya polisi ya Kiambaa bageze aho umurambo wa nyakwigendera wari uri barawuhavana bawujyana ku bitaro bya Moi kuwusuzuma.

Abaturage bagaye uyu mugore wari ukuze ariko agateretana n’ abagabo bakiri bato.

Susan Jerotich ati “Twajyaga tumugana ngo aduhe inama none niwe urumbya abakiri bato”.

Abaturage bo muri aka gace bashyira mu majwi abacuruzi b’ inzoga bacuruza bagatinda gufunga utubari kuba nyirabayazana ku mutekano muke kuko mu mezi 3 hamaze gupfa abantu bane ndetse hakaba hari n’ umugore wafashwe ku ngufu.


INKURU ZA :
Tanga Igitekerezo
Ibitekerezo 4
Meshake Kuya 22-08-2019

Ahaa Ntibyoroshyepe Gs Abantu Bekujya Banywa Ibiyobyabwe Bigezekururu Rwego Ntakundi.

niyijyena marie Kuya 19-08-2019

yzize biduhe isomo ryokunywa ibiyobya bwenge ?t

Nduwimana Ildephonse Kuya 17-08-2019

Yapfuye yizize ntakundi.

Dushime Kuya 16-08-2019

Bagomba kwisubiraho

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...