konka coffee
KONKA

AMAKURU

UKWEZI

Ruhango: Umugore yakase igitsina cy’umugabo we ahita atoroka aburirwa irengero

Ruhango: Umugore yakase igitsina cy’umugabo we ahita atoroka aburirwa irengero
31-07-2018 saa 16:15' | By Vincent Nsengiyumva | Yasomwe n'abantu 9638 | Ibitekerezo 3

Umugore witwa Mukanyandwi Jeanette w’ imyaka 23 yakase igitsina cy’ umugabo we witwa Jean Claude Nshimiyimana w’ imyaka 32 akoresheje urwembe, ahita atoroka aburirwa irengero.Uyu mugabo yahise yihutira kwa Muganga atangira kwitabwaho.

Aya mahano yabaye mu rukerera rwo mu ijoro ryo ku Cyumweru tariki ya 29 rishyira ku wa Mbere tariki ya 30 Nyakanga 2018.

Uyu mugabo n’umugore we bari bamaze kubyarana abana babiri babana nk’umugore n’umugabo n’ubwo bari babanye mu buryo butemewe n’amategeko.Bari basanzwe batuye mu mudugudu wa Musenyi , Akagali ka Kabuga umurenge wa Mbuye mu karere ka Ruhango.

Bivugwa ko aya mahano uyu Mukanyandwi yakoze, ngo yabitewe n’uko umugabo we yamucaga inyuma nawe abikora nko kumwihimuraho.

Ushinzwe irangamimerere mu Murenge wa Mbuye Twahirwa Ernest yahamirije Ukwezi.com ko uyu Mukanyandwi yakase igitsina cy’umugabo we, gusa ngo akaba ataragiciyeho burundu kuko ubu umugabo ari kwitabwaho ku bitaro ndetse hakaba hari icyizere ko azakira vuba.

Yagize ati “Ni byo koko umugore w’imyaka 23 witwa Mukanyandwi Jeanette yakase igitsina cy’umugabo we Jean Claude, mu rukerera rwo mu ijoro ryo ku Cyumweru. Yamuhengereye asinziriye maze ahita amukata. Ubwo ngo yabikoze ari nko kwihimura kuko ngo yari asanzwe amushinja kujya gusambanya abandi bagore.”

Uyu muyobozi yakomeje avuga ko igitsina cy’uyu mugabo kitavuyeho, kuko ubu hari amahirwe y’uko azakira vuba agataha.

Yagize ati “ Ubwo umugore yamaraga kumukata igitsina, yahise yihutira kujya kuri Centre de Sante ya Mbuye bamuha ubutabazi bw’ibanze maze bahita bamwohereza ku bitaro bikuru bya Ruhango.”

Twahirwa Ernest akomeza avuga ko Mukanyandwi yahise atoroka muri icyo gitondo, ngo kuko byakozwe mu ibanga umugabo ntiyatabaza, cyane ko yabivuze ubwo yageraga kwa muganga bitewe n’ipfunweyari yabanje kugira bigatuma adatabaza ngo abaturanyi babe bafata uwo mugore. Ubwo byamenyekanaga nibwo inzego z’umutekano zajyaga gufata uwo mugore basanga yatorotse kugeza na n’ubu akaba ataraboneka ngo aryozwe iby’ubwo bugome.


INKURU ZA :
Tanga Igitekerezo
Ibitekerezo 3
Kanzeguhera nathan Kuya 10-08-2018

Abagorebaragwira! Porisi iracyafitakazi,gusa amategeko azabimuryoze,nahogufatwabyo nabatariwe baruwo barafashwe.porisiyurwanda,kwiperereza,ni ok

isaac MANIRIHO Kuya 1-08-2018

nihakoreshw’iperereza iyo nkozi y’ibibi yumugor’ifatwe iryozw’ibyo yakoze kukw’ayo n’amahano atey’ubwoba pe!!

isaac MANIRIHO Kuya 1-08-2018

nihakoreshw’iperereza iyo nkozi y’ibibi yumugor’ifatwe iryozw’ibyo yakoze kukw’ayo n’amahano atey’ubwoba pe!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...