konka coffee
KONKA

AMAKURU

UKWEZI
ubumwe

Menya impamvu ikimenyetso cy’ ukwishyira ukizana kwa US ari ‘umugore’

Menya impamvu ikimenyetso cy’ ukwishyira ukizana kwa US ari ‘umugore’
8-03-2019 saa 10:58' | By Nsanzimana Ernest | Yasomwe n'abantu 4476 | Ibitekerezo 3

Imyaka 133 niyo ishize Leta zunze ubumwe za Amerika zifunguye ku mugaragaro ishusho y’ ukwishyira ukizana kwayo (The statue of Liberity). Ni ikibumbano cya metero 93 z’ ubuhagarike, gikozwe mu ishusho y’ umugore, gisurwa n’ amamiliyoni ya ba mukerarugendo buri mwaka.

Iyi shusho ifite inkomoko mu mateka ya kera y’ Abaromani, ni impano abaturage b’ Ubufaransa bahaye abaturage ba Leta zunze ubumwe za Amerika.

Yakozwe n’ umushushanyi w’ Umufaransa witwa Frédéric Auguste Bartholdi yubakwa na Gustave Eiffel itahwa ku mugaragaro tariki 28 Ukwakira 1886.

Iyi shusho ni isura y’ ikigirwamana cy’ umugore kitwa ‘Libertas’ wari imana y’ ukwishyira ukizana mu bwami bw’ Abaromani.

Uyu mugore afite itoroshi mu kuboko kw’ iburyo ayimanitse, mu kuboko kw’ ibumoso afitemo igikoresho cyakoreshwaga mu matora mu gihe cy’ Abaromani ‘tabula ansata’ cyashyizweho tariki 4, Nyakanga 1776, ari nayo tariki byatangajwe ko Leta zunze ubumwe za Amerika ihawe ubwigenge.

Bamwe mu nzobere mu by’ amateka y’ Isi bavuga ko uyu mugore wagaragajwe nk’ ikimenyetso cy’ ubwisanzure bwa Leta zunze ubumwe za Amerika ari Umuyisilamukazi ukomoka mu gihugu cya Misiri muri Afurika nk’ uko byatangajwe n’ ikinyamakuru Express muri 2017.

Bartholdi wakoze iyi shusho yavuze ko igitekerezo cyo kuyikora cyavuye ku ijambo ryavuzwe n’ umunyapolitiki w’ Umufaransa wari impuguke mu mategeko Proffeseur Édouard René de Laboulaye. Uyu muporofeseri mu 1865 yavuze ko ikibumbano cyakorwa kigaragaza ukwishyira ukizana kwa US waba ari umushinga uhuza abaturage b’ ibihugu byombi.

Magingo aya iyi shusho iri mu kirwa cyo mu mujyi wa New York isurwa na ba mukerarugendo baturutse imihanda yose buri mwaka. Muri 2009, iyi shusho yasuwe na ba mukerarugendo miliyoni 3,2.
Ishusho y’ uyu mugore wakoreshejwe nk’ ikimenyetso cy’ ukwishyira ukizana kwa Leta zunze ubumwe za Amerika ni ikigirwamana cy’ ubwigenge mu bwami bw’ Abaromani. Yanakoreshejwe ku biceri bya US byo mu kinyejana cya 200 ndetse Ubufaransa bufite uyu mugore ku kirangantego cyabwo.


INKURU ZA :
Tanga Igitekerezo
Ibitekerezo 3
Ukwishaka pascal Kuya 12-03-2019

Yababababa mbegaga akakobwawe.

Ketty Kuya 8-03-2019

Bivuzeko US na France ari empire romain yagutse
Yabababababa yewega

bigirimana alexis Kuya 8-03-2019

ifi

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...