AMAKURU

UKWEZI
Canal+ christmax

Kenya : Abadepite bafatanye mu mashati bari mu kiriyo

Kenya : Abadepite bafatanye mu mashati bari mu kiriyo
2-02-2021 saa 11:37' | By Martin Niyonkuru | Yasomwe n'abantu 2555 | Ibitekerezo

Izi ntumwa za rubanza zafatanye mu mashingu ubwo zari mu kiriyo cyaberaga ahitwa Kisii, ni Depite Simba Arati uhagarariye agace ka Dagoretti y’Amajyaruguru na Sylvanus Osoro uhagarariye agace ka Mugirango y’Amajyepfo.

Iyi mirwano yatumye icyari ikiriyo gihinduka isibaniro, yatewe n’amagambo yavuzwe na Depite Simba Arati ubwo yariho atanga imbwirwaruhame ye, akagaruka ku myitwarire ya bamwe mu bayobozi.

Muri iyo mbwirwaruhame, yagize ati “Dufite abayobozi benshi aha b’inshuti z’akadasohoka za Visi Perezida bamaze kwangiza ubuzima bwabo. Aba ni amabandi badakwiriye kwemererwa kujya mu mwanya uwo ari wo wose w’ubuyobozi.”

Byasaga nko gushotora Depite Sylvanus Osoro kuko bisanzwe bizwi ko ari inshuti y’akadasohoka ya William Ruto Visi Perezida wa Kiriya gihugu.

Depite Sylvanus Osoro wari wasoje ubutumwa bwe, byamwanze mu nda ahita ahaguruka afata Hon Simba ubundi batangira kurwana.

Uyu Osoro wazamuye iyi mirwano yahoshejwe n’abapolisi, bigaragara ko bitamugendekeye neza kuko amafoto yashyizwe hanze amugaragaza yikubise hasi bigaragara ko yaneshejwe.

UKWEZI.RW


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA