AMAKURU

UKWEZI
pax

Izi nizo mboga n’imbuto abantu babona bakagira ngo bari kurota kubera ubunini bwazo [AMAFOTO]

Izi nizo mboga n’imbuto abantu babona bakagira ngo bari kurota kubera ubunini bwazo [AMAFOTO]
27-07-2020 saa 13:21' | By Nsanzimana Ernest | Yasomwe n'abantu 10735 | Ibitekerezo 1

Mu Isi hari ibingwa byagiye byishimira ubutaka bihinzemo bigakura cyane, bica agahigo ku rwego rw’Isi byandikwa mu gitabo cyandika ibintu n’abantu byahize ibindi ku Isi. Muri iyi nkuru twagerageje kwegeranya imboga n’imbuto byagize ubunini butangaje kurusha ibindi.

10.Igitunguru kinini kurusha ibindi

Muri 2014 nibwo umusaza witwa Geoff Moscrop wari ufite imyaka 70 yaciye agahigo ko kweza igitunguru cya pwaro kinini kurusha ibindi byose ku Isi.

Uyu muhinzi wo muri Leta zunze ubumwe za Amerika Northumberland yejeje igitunguru gifite ibiro 9,7. Abapimye ibitunguru by’uyu musaza bemeje ko ibitunguru bye ari umwimerere atari ibituburano (GMF).

Uyu muhinzi uhinga imboga zirimo inyanya, amashu, ibitunguru n’ibindi abikora mu buryo bwa kinyamwuga ndetse ngo igihe kinini cy’ubuzima bwe akimara mu murima we.


9.Indimu nini kurusha izindi

Muri Mutarama 2003, umuhinzi witwa Aharon Shemoel wo muri Israel yejeje indimu ipima ibiro 5,265, ifite umuzenguruko wa cm 74 n’ubuhagarike bwa cm 35. Iyi niyo ndimo iremeye yabaye mu mateka y’Isi.


8.Inanasi iruta izindi

Muri 2011 nibwo umuhinzi w’inanasi wo mu gihugu cya Australia yejeje inanasi nini kurusha inini zabayeho mu mateka y’Isi. Iyi nanasi ya Christine McCallum wari ufite imyaka 60 yapimaga ibiro 8,26 n’uburebure bwa santimetero 34. Irusha garama ebyiri inanasi ya E. Kamuk, wo Papua New Guinea, yeze 1994 ifite 8.06 kg.

7.Igitunguru kinini cy’ikijumba

Muri 2014, nibwo umuhinzi w’Umwongereza Tony Glover yejeje igitunguru kinini gica agahigo ko kuba igitunguru cya mbere cy’ikijumba kinini ku Isi. Iki gitunguru gipima ibiro 8,5. Iki gitunguru gikubye inshuro 25 igitunguru gisanzwe.

6.Courgette iruta izindi

Mu kwezi kwa Kanama 2015, nibwo umuhinzi wo mu Bwongereza akaba n’inzobere mu bijyanye n’ubuhinzi bw’imboga Phillip Vowles yejeje courgette/marron nini kurusha izindi zose zabayeho ku Isi. Iyi kurujeti yapimye ibiro 68.


5.Urunyanya runini kurusha izindi

Urunyanya runini kurusha izindi zose zabayeho ku isi rweze mu murima wa Steve and Jeanne Marley, abahinzi bo muri Leta zunze ubumwe za Amerika. Ni urunyanya bwo ku mbuto zitwa damingo rweze rupima ibilo 4,377.


4.Ishu riruta ayandi

Muri 2009 nibwo umuhinzi wo muri Leta ya Alaska muri Leta zunze ubumwe za Amerika yejeje ishu mu murima we rihita ryandika amateka ku isi. Ishu rya Steve Hubacek barishyize ku mu nzani ripima ibiro 58,513.

Uyu mugabo yahishuye ko ishu rishobora gukomeza gukura iyo ugiye ufata amafi ukayica ukayataba aho amababi yaryo agarukira.


3.Ikijumba kiruta ibindi

Ikijumba kinini kurusha ibindi byose ku isi cyeze muri Espagne cyeze muri 2004 gifite ibiro 36,740 mu murima w’umuforomo witwa Carolyn Hendrix.

2.Igihaza cya karahabuta

Umugabo wo muri Leta ya New Hampshire muri Leta zunze ubumwe za Amerika witwa Steve Geddes niwe muhinzi wejeje igihaza kinini kurusha ibindi mu mateka y’Isi. Igihaza yejeje bagishize ku munzani gipima ibilo 1146.

1.Igitoki kirekire kurusha ibindi

Muri 2017, mu mujyi wa San Fernando mu gihugu cya Philipines umuhinzi waho yejeje igitoki kirusha ibindi byose ku isi kuba kirekire. Iki gitoki yaramanukaga kigakora kubutaka. Bigaragara ko iyo kitagonga ubutaka cyari gukomeza kwiyongera. Iki gitoki cyari gifite metero zirenga 3 cyabonetse mu murima wa Lolita Abaigar na Virginia Miranda.



INKURU ZA :
Tanga Igitekerezo
Ibitekerezo 1
Ayiki J.Felix Kuya 27-07-2020

Ehee !!! esebirashoboka ko nomu Rwanda hakwera imboga nimbuto bifite ibirobingana gutya kurubuto rumwe ! nkikigitunguru cg nkikigihaza niyi nanasi cg se nibihugu bikonja,muzadushakire ibanga bababakoresha cyangwase nibarimbuto zinzungu.

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA