konka coffee
KONKA

AMAKURU

UKWEZI
Minijust

Ibyo wamenya ku ishusho ya Yesu iri mu mazi y’ Inyanja ya Mediterane

Ibyo wamenya ku ishusho ya Yesu iri mu mazi y’ Inyanja ya Mediterane
15-04-2019 saa 10:22' | By Nsanzimana Ernest | Yasomwe n'abantu 8374 | Ibitekerezo 1

Mu Nyanja ya Mediterane hafi y’ igihugu cy’ Ubutaliyani hari ikibumbano cy’ ishusho ya YESU kiri ku ndiba y’ amazi kuri metero 17 z’ ubujyakuzimu, bigaragara ko cyakozwe n’ abantu.

Iki kibumbano ‘The Christ of the Abyss’ giherereye ku ndiba cy’ amazi y’ Inyanja ya Mediterane itandukanya Afurika n’ Uburayi. By’ umwihariko mu kigobe cya San Fruttuoso ahitwa Camogli, mu Butaliyani.

Iki kibumbano gisize bronze, gifite isura abenshi bazi nk’ iya Yesu/Yezu ateze amaboko kandi araramye areba mu ijuru. ‘The Christ of the Abyss’ ifite metero 2,50 z’ uburebure ikagira ibiro 260 by’ uburemere. Iteretse kuri fondasiyo ya piramide ipima toni 90 z’ uburemere. Wikipedia ivuga ko ingabo z’ Ubutaliyani zirwanira mu mazi arizo zatanze umusanzu wo kugishyira muri aya mazi tariki 22 Kanama 1954.

Buri mwaka ku wa Gatandatu wa nyuma w’ ukwezi kwa karindwi kuri iki kigobe habera umuhano wo kunamira abapfiriye mu Nyanja. Mbere y’ uko uyu muhango wo kunamira abaguye mu Nyanja uba ku nshuro 50, muri 2004 iyi shusho yakuwe mu mazi izanwa ku butaka irasukurwa. Si ugusukurwa kundi ahubwo byari uguhanagura umugesi wari waragiye ku byuma biyikoze.

Igitekerezo cyo gukora iyi shusho cyaturutse kuri Dario Gonzatt. Uyu yari umukinnyi ukora siporo yo kwibira wapfuye ari gukora iyi siporo mu mwaka w’ igihugu 1950. Umugabo we Duilio Marcante mu rwego rwo kwibuka umugore we wapfiriye muri siporo yo koga yakoze iyi shusho ya Yesu ayishyira aho umugore we yapfiriye.

Igitangaje ni uko iyi shusho yakozwe mu midali yari yarahawe abasirikare, ibisate by’ ubwato bwagiye bukora impanuka, impeta n’ ibikomo by’ abapfiriye mu mpanuka zo mu mazi y’ inyanja nk’ uko UKWEZI tubikesha ikinyamakuru Italy.villas.


Iyi shusho ya Yesu iteze amaboko mu rwego rwo gusabira abapfiriye mu nyanja

Iyi shusho ni kimwe mu bikururira Ubutaliyani ba mukerarugendo benshi. Nyama ubwo igitekerezo cyo kuyikora cyatangwaga Leta y’ Ubutaliyani yabanje kubyanga. Abifuza gusura iyi shusho batagiye mu mazi bayirebera mu rusengero rwa San Fruttuoso kuko ihari bikoze kimwe.


INKURU ZA :
Tanga Igitekerezo
Ibitekerezo 1
DEDEZA Kuya 16-04-2019

MURAKO KUDUHA IYONKURU

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...