AMAKURU

UKWEZI
ubumwe

Dore impamvu ukwiye guhita ucika ku kwifotoza utanga ‘Peace’

Dore impamvu ukwiye guhita ucika ku kwifotoza utanga ‘Peace’
7-12-2019 saa 19:26' | By Nsanzimana Ernest | Yasomwe n'abantu 12073 | Ibitekerezo 3

Abantu benshi bashyira ku mbuga nkoranyambaga amafoto bifotoje bakoze inyuguti ya ‘V’ n’ intoki. Niba bake bazi bazi igisobanuro cyabyo kandi bazi ko bishobora kubagiraho ingaruka ni hafi ya ntabo.

Kuri bamwe kwifotoza ukoze inyuguti ya V cyangwa utanga Peace nk’ uko bamwe bakunze kubyita bisobanura ko umeze neza ‘cool’ cyangwa ko ufite imirimbo ihenze ushaka kuratira abandi ’bling bling’.

Ikibazo gikomeye ntabwo kiri ku gisobanuro cyo kwifotoza utanga peace, ikibazo kiri mu ngaruka byakugiraho.

Inkuru yatangajwe n’ ikinyamakuru Capital tariki 19 Nzeri 2019, ivuga ko kwifotoza utanga Peace ifoto ukayishyira ku mbuga nkoranyambaga bishyira ahagaragara amakuru yawe menshi ku buryo ayo makuru abanyabyaha bayakoresha bakwiyitirira.

Ubusanzwe igikumwe cy’ umuntu niwo mwihariko we. Igikumwe niyo ngufuri ikaba n’ urufunguzo bigoye kwiganwa n’ umuntu uwo ari we wese.

N’ ubwo bimeze gutya ariko, raporo y’ inzobere mu bijyanye n’ umutekano wo kuri internete ‘cybersecurity report’ yatangajwe mu kinyamakuru Global Times cyo mu Bushinwa ivuga ko igikumwe cy’ umuntu yafotoye akagishyira kuri interinete hashobora gukorwa ikindi gisa na cyo 100% mu gihe iyo foto yafotorewe muri metero 1,5.

Iyo raporo ikomeza ivuga ko igikumwe cy’ umuntu cyafotorewe muri metero 3 gukora ikindi nka cyo bishoboka ku kigero cya 50%.

Bitewe n’ iterambere ry’ ikoranabuhanga ibintu byinshi bifungishwa igikumwe kinabifungura, hari abafungisha igikumwe konti zabo zo muri banki n’ imitamenwa ku buryo kubinjira kuri konti no kubiba byashoboka igihe bakwifotora batanga peace bagashyira ifoto ku mbuga nkoranyambaga.

Inzobere zo mu Bushinwa zatangaje ko ku rubuga rwa twitter rwonyine hari amafoto miliyoni 360 agaragaza ibikumwe bya banyirayo ku buryo kubyigana bishoboka.

Muri 2017 nabwo hasohotse raporo nk’ iyi yakozwe n’ Abayapani iburira abantu kutifotoza batanga peace.

Professor Isao Echizy wigisha kuri National Institute of computer science i Tokyo mu Buyapani ati “Amakuru abitswe na fingerprint ntabwo ashobora guhinduka bitewe n’ imyaka. Ndashaka kuburira abantu ngo bage birinda kuyagaragaza”.


INKURU ZA :
Tanga Igitekerezo
Ibitekerezo 3
Alias fab Kuya 14-12-2019

Peace! Ntaho ndeba igikumwe kigaragarapee

Xxx Kuya 12-12-2019

Gerageza ukore icyo kimenyetso cya peace ! Ko uba ubeshya , igikumwe cyagaragara gute kuriyo foto ?

siborurema j pirre Kuya 8-12-2019

kuki isi ihind uka nkigicu

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...