konka coffee
KONKA

AMAKURU

UKWEZI

Papa Francis yasezeranyirije abageni mu ndege bitungura benshi- Amafoto

Papa Francis yasezeranyirije abageni mu ndege bitungura benshi- Amafoto
19-01-2018 saa 10:01' | By Akayezu Jean de Dieu | Yasomwe n'abantu 4599 | Ibitekerezo

Umushumba wa Kiliziya Gatorika, Papa Francis yatunguye abatari bake ubwo yatangiraga amasakaramentu yo gushyingirwa mu ndege agasezeranya umugore n’umugabo bari bamaze imyaka 7 babana badasezeranye imbere y’Imana.

Papa Francis uri mu ruzinduko rw’iminsi itatu mu gihugu cya Chile yasezeranyije uwitwa Paula Podest Ruiz w’imyaka 39 y’amavuko ndetse n’umugabo we Carlos Ciuffardi Elorriga w’imyaka 41, aba bombi bakaba bari basanzwe bakora akazi ko kwita ku bagenzi mu ndege

Uyu muryango bivugwa ko wari warashyingiwe mu mategeko mu mwaka wa 2010, Gusa ngo impamvu yari yarabateye kudasezerana imbere y’Imana ngo ni uko kiliziya yabo yari yarangijwe n’umutingito bigatuma benshio muri aka gace batabasha kubona uko basezerana

Umuhango wo gusezeranya aba bombi watwaye igihe gito cyane dore ko ubwo bari mu ndege yavaga I Santiago yerekeza mu Mujyi wa Iquique mu Majyaruguru y’igihugu cya Chile, uyu Papa akaba yari aje kur mucanga ahitwa Lobitos Beach

Ibirori byo gusezeranya aba bageni bari basanzwe bafitanye abana babiri byitabiriwe na bamwe mu bari bari mu ndege ndetse abakozi basanzwe bakorana n’uyu muryango mu kazi ko kwita ku bakiriya bo mu ndege nibo basinyiye aba bombi ku cyangombwa cyemeza ko basezeranye. Aba bageni bahawe amasakaramentu na Papa Francis ubwo bari mundege, ubu basezeranye kubana akaramata imbere y’Imana


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...