AMAKURU

UKWEZI
RPF

Umugore afunzwe azira kwigira umugabo agakora ubukwe n’abagore agirango abarye utwabo

Umugore afunzwe azira kwigira umugabo agakora ubukwe n’abagore agirango abarye utwabo
19-02-2018 saa 10:18' | By Chief Editor | Yasomwe n'abantu 9809 | Ibitekerezo 2

Ubusanzwe mu muco w’Abahinde, iyo umugabo n’umugore bashakanye, umugore niwe utanga inkwano ndetse atanga amafaranga atubutse kugirango uwo mugabo yemere ko basezerana kuzabana akaramata. Izi ndonke, nizo umugore w’umuhindekazi yakurikiye maze akora ubukwe inshuro ebyiri n’abagore bagenzi be, ariko we yigize nk’umugabo.

Uyu mugore ukiri muto yitwa Krishna Sen, akaba afite imyaka 26 y’amavuko. Yatawe muri yombi na Polisi yo mu Buhinde, ashinjwa ko guhera muri 2014, yakoze ubukwe n’abagore babiri mu bihe bitandukanye agirango abakureho inkwano, we yigize nk’aho ari umugabo.

Mu mwaka wa 2014, nibwo yashakanye n’umugore wa mbere, bakora ubukwe ndetse uyu mugore amuha inkwano itubutse, nyuma y’ubukwe bahita batandukana maze muri Mata 2017, uyu mugore aza kongera gukora ubukwe n’undi mugore nawe amubeshya ko ari umugabo, agamije kumukuraho inkwano nk’uko yabikoze ku mugore we wa mbere.

JPEG - 54.9 kb

Aha ni muri 2014, ubwo Sen ubanza ibumoso yari kumwe n’umugore bakoze ubukwe bwa mbere

Abazi uyu Sen bavuga ko asangira itabi n’inshuti ze z’abagabo, akambara nka bo, bagasangira inzoga mu tubari ndetse akanatwara moto hamwe n’abagabo, akagerageza gukora ibishoboka byose ngo ibyo akora yigaragaze nk’umugabo, kuburyo byagiye bituma abagore yasabaga urukundo batabasha kuvumbura ko ari umugore nka bo.

Polisi yo mu Buhinde yabwiye BBC ko uyu mugore yagiye atandukana n’abo bashyingiranywe atarabereka ubwambure bwe, mu gihe ikinyamakuru The Times of India cyo gishimangira ko mu gihe babaga baryamye ninjoro, yabasabaga ko bakora imibonano mpuzabitsina hatabona hanyuma agakoresha igitsina cy’igikorano (sex toy).

Ibizamini by’abaganga byagaragaje ko Sen ari umugore ndetse nta n’imisemburo idasanzwe afite yatuma yigaragaza mu buryo bwa kamere nk’abagabo, gusa we ubwo yabazwaga na Polisi yavuze ko kuva cyera yumvaga yikundiye kuba yakwibera umugabo.


INKURU ZA :
Tanga Igitekerezo
Ibitekerezo 2
NI NDAHIMANA YABISO KABISA UWO MUGORE ARENZE Kuya 9-03-2018

UWOMUGORE WIGIZE UMUGABO NAKURIKIRANWE KABISA PP

David Kuya 19-02-2018

uyu mugore arimwo satani kabisa akeneye Yesu gusa ngwamukize

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...