konka coffee
KONKA

AMAKURU

UKWEZI

Namibia: Mu byakirizwa umushyitsi w’umugabo harimo no kumuha umukobwa bakaryamana

Namibia: Mu byakirizwa umushyitsi w’umugabo harimo no kumuha umukobwa  bakaryamana
24-02-2018 saa 17:05' | By Vincent Nsengiyumva | Yasomwe n'abantu 12111 | Ibitekerezo

Agahugu umuco akandi umuco, ariko umuco w’abaturage bo mu bwoko bw’aba Ovahimba n’aba Ovazimba bo mu gace k’Amajyaruguru ya Namibia wo uratangaje ndetse unatera benshi bawumvise kuwibazaho. Abaturiye aka gace mu muco wabo mu byo kwakiriza umushyitsi w’igitsinagabo harimo kumuha nyirurugo [umugore] akamugusha neza mu buriri cyangwa bakamuha umukobwa ukuze mu bo muri uryo rugo.

Aka gace k’Amajyaruguru ya Namibia gatuwe n’abaturage basaga ibihumbi 50, abagore baho bakora imirimo iciriritse yo mu rugo nko kwita ku nka bakazikama, bakarera abana babo, n’utundi turimo two mu rugo mu gihe abagabo n’abasore bakora imirimo yo guhiga, aho bajya ku muhigo bakaba bamarayo iminsi byinshi batarahiguka.

Abakobwa bo mu miryango y’aba Ovahimba n’aba Ovazimba barongorwa n’abasore bashimiwe n’ababyeyi babo, ubwo baba bari mu kigero cy’ubugimbi.

Umuco wihariye w’abantu batuye muri aka gace, ugaragarira na none mu myambariye yabo aho usanga biyambarira utuntu bakinga ku myanya y’ibanga gusa, maze ahandi hose hagasigarira aho, yaba ku bakobwa cyangwa basaza babo.

The Guardian dukesha iyi nkuru ivuga ko abantu bo muri ubu bwoko bakira umushyitsi ku buryo budasanzwe, aho iyo ’umugabo abagendereye, nyir’urugo ashobora kumuha umugore we akamuraza, cyangwa se akamushakira umukobwa mwiza mu bakobwa be akarara amugusha neza.

Iki kinyamakuru gikomeza kivuga ko iyo hari umuryango ubonye umushyitsi w’umugabo, ngo nyir’ urwo rugo [umugabo] ahita ajya kuryama mu kindi cyumba maze agaha ikaze umushyitsi akamwemerera kumarana ijoro ryose n’umugore we.

Iyo uru rugo rudafite ikindi cyumba nyir’urugo yararamo mu gihe abonye umushyitsi, ngo iryo joro aba agomba kurara hanze kugira ngo ahe rugari umushyitsi wabagendereye kugira ngo azatahe yishimye.

Abagore bo muri ubu bwoko nta ruhare na ruto bagira mu gufata imyanzuro cyane cyane iyo kubarazanya n’abashyitsi b’abagabo babagendereye, gusa ngo umugore yemerewe kwanga gutera akabariro n’uwo mushyitsi ariko ngo ntaba yemerewe kwanga ko baryama ku buriri bumwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...