konka coffee
KONKA

AMAKURU

UKWEZI

Bahujwe na Facebook nyuma y’iminsi 6 bakora ubukwe bw’igitangaza- Amafoto

Bahujwe na Facebook nyuma y’iminsi 6 bakora ubukwe bw’igitangaza- Amafoto
12-01-2018 saa 09:00' | By Akayezu Jean de Dieu | Yasomwe n'abantu 6254 | Ibitekerezo 1

Umusore witwa Chidimma Obodoechina Amedu ukomoka mu gihugu cya Nigeria yashyize ubutumwa ku rukuta rwe rwa Facebook tariki 30 Ukuboza 2017, avuga ko agejeje imyaka yo gushaka umugore ndetse asaba ko uwaba abyifuza yakohereza ubusabe bwe, bidatinze umukobwa witwa Sophy Ijeoma yahise amwereka ko abyifuza ndetse yiteguye kuva ubwo bahise bemeranya ubu ni umugore n’umugabo.

Aba bombi ni abo muri Nigeria, bivugwa ko uyu musore akimara gushyira ubu butumwa ku rukuta rwe rwa Facebook, uyu mukobwa ari umwe mu bamwandikiye kuva ubwo batangira kuganira binyuze ku butumwa bohererezanyaga nyuma gato y’iminsi itandatu bahita bashyingiranwa biyemeza kubana akaramata mu birori by’akataraboneka byitabiriwe n’imbaga y’inshuti zabo ziyobowe n’imiryango yombi.

Ubwo butumwa bwahuje umukobwa n’umuhungu bwagiraga buti “Ngejeje imyaka kandi nditeguye ntabwo nshaka gutakaza umwanya. Ohereza ubusabe bwawe, uzabasha kuzuza ibisabwa kurusha abandi ubukwe buzaba tariki 6 Mutarama 2018,

Bukomeza bugira buti “Kohereza ibisabwa birarangira kuri iki Cyumweru tariki 31 Ukuboza2017, sa sita z’ijoro. Ibi mvuga ndabivuga nkomeje ntihazagire uvuga ko ubu butumwa atabuboneye igihe. Amahirwe masa!”

Uyu musore witwa Chidimma yabwiye BBC ko nyuma y’ubu butumwa yakiriye abakobwa benshi bamubwira ko bujuje ibisabwa ndetse biteguye gukora ubukwe nawe ariko ngo amahitamo ye yaje kujya ku mukobwa umwe ariwe Sophy Ijeoma.

Yagize ati “Nyuma gato nabonye abakobwa benshi banyandikira bambwira ko bashaka ko aribo nabana nabo ariko umutima wanjye uhitamo uyu. Hashize iminsi ibiri gusa nakoze ibirometero 500 mva mu mujyi wa Abuja nerekeza mu Burasirazuba bwa Nigeria ahitwa Enugu ari naho uyu mugore wanjye atuye.”

Yakomeje agira ati “Nasanze antegereje yiteguye neza mbese yanasokoje neza kuburyo nahise mukunda ku munsi wa mbere duhura ari nabwo nahise njya kumwereka marume wanjye nawe aramunshimira.”

Uyu mukobwa nawe ubu wamaze kuba umugore dore ko ubukwe bwabo bwabaye tariki 6 Mutarama 2018, yavuze ko akibona uyu musore yahise amukunda ndetse kuri we ngo nibwo bwa mbere yari abonye umusore mwiza kuva yabaho.

Aba bombi kandi ngo kuri uyu munsi nibwo bahise bajya kubibwira umuryango w’umukobwa nabo bahita babyemera batazuyaje hasigara gahunda y’ubukwe bwari buteganijwe kuba ku munsi uyu musore yari yarateguye ari nako byaje kugenda barasezerana abantu baza mu birori by’akataraboneka by’abantu bamaze iminsi itandatu gusa bamenyanye nabwo kandi bamenyaniye kuri Facebook.

Sophy Ijeoma Chidimma Obodoechina Amedu


INKURU ZA :
Tanga Igitekerezo
Ibitekerezo 1
akimanaangelina Kuya 16-01-2018

thanks 4 all

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...