AMAKURU

UKWEZI
Canal+ christmax

Amayobera ku rupfu rw’umuganga w’i Kayonza wasanzwe iwe yapfuye

Amayobera  ku  rupfu rw’umuganga  w’i Kayonza wasanzwe iwe yapfuye
22-12-2022 saa 05:22' | By Habineza Gabriel | Yasomwe n'abantu 4075 | Ibitekerezo

Umuganga witwaga Uwimana Valens w’imyaka 36 wakoraga ku kigo nderabuzima cya Karama mu Karere ka Kayonza, yasanzwe mu nzu yabagamo yapfuye, biteza urujijo kuko ku munsi wabanje yari yakoze, nta kibazo afite.

Urupfu rw’uyu muganga rwamenyekanye mu gitondo cyo kuri uyu wa Gatatu tariki ya 21 Ukuboza 2022.

Amakuru avuga ko abaganga bakorana bamubuze, bitabaza ubuyobozi bujya aho yararaga, bwica urugi maze bumusangamo aryamye, yapfuye.

Umunyamabanga Nshingwabikorwa w’Umurenge wa Murama, Mutuyimana Pauline, yavuze ko abo bakorana babanje gukeka ko umunaniro wamuhejeje mu rugo, bakomeje kumubura bajya kumureba.

Ati "Bahageze rero barahengereza babona aryamye ashinze umutwe ku buriri, nuko bamena urugi, barebye basanga yashizemo umwuka."

Mutuyimana yavuze ko uyu musore yari asanzwe afite indwara y’igicuri, ari nayo bikekwa ko yamwishe.

Gusa ngo bahamagaye RIB n’abaganga bajya kumusuzuma kugira ngo hamenyekane icyamwishe.

Kuri ubu umurambo wa nyakwigendera wajyanywe mu bitaro bya Rwinkwavu kugira ngo ukorerwe isuzuma, mbere yo kumushyingura.

Igihe


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA