AMAKURU

UKWEZI
pax

Inzu y’ amagorofa 6 yagwiriye benshi 4 bahasiga ubuzima

Inzu y’ amagorofa 6 yagwiriye benshi 4 bahasiga ubuzima
7-12-2019 saa 07:48' | By Nsanzimana Ernest | Yasomwe n'abantu 3589 | Ibitekerezo

Abantu bane nibo bamaze kumenyekana ko basize ubuzima mu mpanuka y’ inzu y’ amagorofa 6 yagwiriye abantu ahitwa Tassia mu burasirazuba bw’ umujyi wa Nairobi muri Kenya.

Iyi mpanuka babaye mu gitondo cy’ ejo tariki 6 Ukuboza 2019. Regional Commissioner mu gace iyi mpanuka yabereyemo Wilson Njenga niwe wemeje umubare w’ amaze gupfa avuga ko abakomeretse bagera kuri 29 bajyanywe ku bitaro bya Mama Lucky abandi bajyanwa ku bitaro bya Kenyatta National.

Ingabo za Kenya, Polisi, abashinzwe guhangana n’ ingaruka z’ ibiza n’ abakozi b’ umuryango mpuzamahanga utabara imbabare Croix Rouge bakomeje gushakisha mu bikuta by’ iyi nzu bareba ko nta bandi bantu bakirimo.

Iyi nzu yahirimye bitewe n’ uko yari yubatse nabi ikaba yari ituwemo n’ imiryango myinshi. Ishami rya Croix Rouge rikorera muri Kenya ryashinze ihema hafi y’ aho iyi nzu yaguye kugira ngo abarokotse baganirizwe banatange amakuru nyayo ku mubare w’ ababa bakiri mu bisigazwa by’ iyi nzu.

Umubare nyakuri w’ abantu bari batuye muri iyi nzu ntabwo wahise umenyekana, kuko na nyirayo ataraboneka ngo atange urutonde rwabo.

Ihirima ry’ amazu mu mujyi wa Nairobi ni ikibi kimaze kumenyerwa kuko muri uyu mujyi abakeneye amazu yo kubamo ari benshi cyane bikaba bituma hari abubaka inzu zitujuje ubuziranenge.

Muri 2015, inzu 8 zari zimaze guhirima no guhitana abantu 15, icyo gihe Perezida wa Kenya Uhuru Kenyatta yategetse ko inzu zose zo muri uyu mujyi zikorerwa isuzuma, ikigo gishinzwe imyubakire muri Kenya gisanga inzu zo muri uyu mujyi 58% zitujuje ubuziranenge buzemerera guturwamo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...