AMAKURU

UKWEZI
Canal+ christmax

Afghanistan : Abagore barenze kirazira bararwanya covid-19 bivuye inyuma

Afghanistan : Abagore barenze kirazira bararwanya covid-19 bivuye inyuma
11-06-2020 saa 11:41' | By Nsanzimana Ernest | Yasomwe n'abantu 472 | Ibitekerezo

Mu mujyi wa Kabul mu gihugu cya Afghanistan abagore bari batunzwe no gucuruza ibiryo muri uyu mujyi ubu nibo bari gutanga umusanzu ukomeye mu kurwanya covid-19 nyuma y’aho guverinoma ihagaritse ibikorwa hafi ya byose kugira ngo ihagarike ikwirakwira rya covid-19.

Freshta ni umwe muri aba bagore bagera ku 100 bari guhanga na covid-19. Yatangiye gucuruza ibiryo mu Ugushyingo 2019. Avuga ko atangira aka kazi abantu bamukwenaga bavuga ko nta mugore wiriwe azenguruka mu mujyi atwaye moto ngo arashyira abakiriya ibiryo.

Ngo nyuma y’amezi 4 abagabo bo muri uyu mujyi batangiye bamuseka bari bamaze kubimenyenera basigaye bamugurira ibyo kurya bisanzuye. Icyo gihe muri Werurwe uyu mwana uyu mugore Freshta yari atangiye no kwinjiza amafaranga menshi ku buryo buri munsi yabonaga amayero arenga 3 ya tip ‘ishimwe ry’uko yatanze service neza’.

Kuko ibyago bitera bidateguye kandi bikazira abimereye neza, muri iki gihugu kimwe no mu yandi mahanga hahise haduka icyorezo kirimbuzi cya coronavirus. Tariki 26 Mata iyi bizinesi iba irahagaze.

Freshta niwe wari utunze umuryango w’abantu 6 anirihira kaminuza mu mafaranga yashuguritse.

The Guardian yaganiriye n’uyu mugore, avuga ko bakimara kubona ibintu bihindutse gahunda ibaye guma mu ru rugo, nabo bahise bahindura umuvuno batangira gukoresha moto zabo mu kurwanya covid-19 kugira ngo icike vuba basubire mu kazi kabo.

Freshta ubu atunzwe no kurwanya covid-19, mu gihe abandi bari muri guma mu rugo

Abagore 100 bafashwa n’umuryango Ebtakar moto zabo bahise bashyiraho udukarabiro, banagura n’imiti yica udukoko batangira kuzenguruka umujyi wa Kabul bafasha abantu gukaraba intoki ari nako batera imiti yica udukoko umujyi wose.

Muri iki gihugu abamaze kwandura covid-19 barenga ibihumbi 22, abo kimaze guhitana ni abantu 423.

Farhad Wajdi, washinze umuryango Ebtakar avuga ko muri iki gihugu abagore badafite ubwisanzure buhagije ndetse ko batabona amafaranga.

Ati “Nkitangiza ubu buryo bwo gucuruza mu mujyi ibiryo kuri moto, abantu baraduharambaga ariko ubu barabyakiriye mu gihe mbere umugore yari uwo mu rugo gusa”.

Wadjdi ashishikariza abagore gutinyuka bagakora imirimo ibinjiriza amafaranga aho gukomeza kwibera mu rugo ngo bategere amaboko abagabo.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA