Umushoferi wa Depite Robert Kyagulanyi uzwi nka Bobi Wine mu buhanzi, yarashwe ahita yitaba Imana ku mugoroba wo ku wa 13 Kanama 2018.Bivugwa ko abamurashe bari bazi ko ari Bobi Wine.

Uyu mushoferi witwa Kyadondo yarashwe mu mutwe, ubwo yari mu modoka asanzwe atwaramo Bobi Wine.

Uyu mushoferi akimara kuraswa, Bobi Wine yahise yandika kuri Twitter amagambo ashinja Polisi y’igihugu cya Uganda ko ariyo yarashe uyu mushoferi yibwira ko ari we irashe.

Yagize ati “Polisi yarashe umushoferi wanjye ahita apfa.Bamurashe bibwira ko arinjye.

Uyu mushoferi witwa Yasin Kawooya, yarasiwe mu gace ka Arua aho hitegurwaga ku wa 15 Kanama 2018, amatora yo gusimbuza umudepite wari uhagarariye agace ka Arua, Abiriga Ibrahim nawe wishwe arashwe mu mezi abiri ashize.

Umuvugizi wa Polisi yo mu gace ka West Nile SSP Josephine Angucia yahamirije Chimpreports ko uyu mushoferi wa Bobi Wine yarashwe koko agahita yitaba Imana.

Yakomeje avuga ko iperereza riri gukorwa kugira ngo hamenyekane uwaba yahitanye uyu mushoferi.